উপ-রাস্ত্রপতি, শ্রী জগদীপ ধনখরনা ঙসি দেহরাদুনদা লৈবা রাস্ত্রীয় মিলিতরী কোলেজ (RIMC)গী কেদেৎশিংদা মখোয়গী ইন্সতিত্যুসনগী মতো – বল বিবেক অসি চুম্মি তাক্নবা অমসুং পুন্সিগী অচৌবা লানফমশিংদা লান্থেংনবা ঙম্নবা পাঙ্গল অমসুং লৌশিং তানশিন্নবা হায়খ্রে। “পাঙ্গল অমসুং লৌশিং অসিনা শীংনবা লাকপা মতমদা খুদুম চনবা ঙম্নবা শক্তি লৈরবা অপুনবা অমা ওইরি”, হায়না মহাক্না মখা তাখি।

ফীভম খুদিংমক্তা জাতিগী খনবা অসি খ্বাইদগী মরুওইনা লৌবগী তঙাইফদবা অদু পল্লদুনা ভি.পি.না হায়খি “ চাউথোকচবা অমসুং অকিবা লৈতনা  জাতিগী শেবা তৌ! ভারত-মাতানা অদোমবু কৌরি। লৈবাক অসিগী তুংলমচৎ অসি অদোমগী খুৎতা লৈ। মতম পুম্নমক্তা জাতিগী খনবা খ্বাইদগী মরুওইনা লৌগদবনি। অদোমগী লমচৎ-শাজৎনা দিসিপ্লিন, দেকোরম অমসুং এম্পেথীগী খুদম ওইগদবনি," হায়না শ্রী ধনখরনা মখা তাখি।

ঙসি দেহরাদুনদা লৈবা RIMCদা কেদেৎশিংদা ৱা ঙাংলদুনা উপ-রাস্ত্রপতিনা এলুমনিশিং অমসুং RIMCগী ফ্রেতর্নিতীদা থিংক তেঙ্ক অমা ওইনা থবক তৌনবা অমসুং নহারোলশিংদা লৈবাক নীংবগী ৱাখল্লোন অমা পোকহন্নবা অমসুং গ্রাউন্দ রিয়েলিতিগা মরী লৈনদবা অমসুং শীংথানীংঙাই ওইবা ইকনোমিক গ্রোথ, চাউখৎপগী অচৌবা খোঙচৎ অমসুং মালেমগী থাক্তা ভারতনা মমাংদা অমুক্তা ওইখিদ্রিবা মওংদা চাউখৎলক্লিবা অসি খঙদবা এন্তি-নেস্নেল ওইবা ফত্তবা দিজাইনশিং অসি ন্যুত্রেলাইজ তৌনবা খোঙথাং পুম্নমক লৌখৎনবা তকশিনখি।

দিসেম্বর 10, 1962দা RIMC গী কেদেৎশিংদা ৱা ঙাংবদা দোক্তর সরবপল্লী রাধাকৃষ্ণনhনা হায়রম্বা ৱারোলশিং নিংশিংলদুনা উপ-রাস্ত্রপতি ধনখরনা অমুক হন্না ফোংদোকখি, "পৃথিবী অসি থৌনা লৈবশিংগীনি, পুক্নিং ৱাখলগী পাঙ্গল লৈবশিংগীনি, অতনবশিংগী নত্তে, শুনীংদবশিংগী নত্তে অমসুং মতিক চাদবশিংগী নত্তে । মালেমসিদা য়াম্না চাংয়েং তৌই অমসুং অমগা অমগা য়েক্নবা ওইরি। ঐখোয় খুদিংমক্না মশা-মউ ফনা লৈনবা অমসুং কত্থোকপগী পুন্সি অমা হিংগদবনি। পুন্সিদা মসিগী অচৌবা ৱাখল্লোনশিং অসি ঙাক্না চৎকদবনি।“

কেদেৎশিংবু অৱাবা তারবা মতমদসু থৌনা লৈনা লেপহন্নবা পুক্নিং থৌগৎলদুনা শ্রী ধনখরনা হায়খি, “ঐহাক্কী নুংশিরবা নহা ওইরিবা কেদেৎশিং, অদোমগী লনাইগী অমসুং শিনফমগী খোঙচৎতাঅদোমবু চাংয়েং তৌগদবা তাঙ্কক কয়া থেংনগনি। অদোমনা পুক্নিং ফাথনা লৈবা ঙম্লোইদবা অমসুং অৱাবা নুমিৎশিং লৈগনি। নখোয় খুদিংমক্না মফম অসিদা ত্রেনিং তৌরিঙৈদা অমসুং লাক্কদৌরিবা চহিশিংদা অদোমগী ইশাগী ওইবা লানফম থেংনগনি, অদুবু নীংশিংবীয়ু মদুদি অৱাবা তারবা মতমদা থৌনা লৈনা লেপখিবা অমসুং খুদোংথিবা মায়োক্নখিবশিং অদুনা থৌনা ফবা, ইনিসিএতিব অমসুং লুচিংববু মশক তাক্লিবশিংনি“।

মাইথিগনি হায়বগী অকিবা অসি চাউখৎপগী খ্বাইদগী শাথিবা কিল্লরনি হায়না পল্লদুনা শ্রী ধনখরনা কেদেৎশিংদা হায়খি, "পুন্সিদা কৈদৌনুংদা মাইথিগনি হায়বগী অকিবা পোক্কনু মসি মাইপাকপগী য়ুম্ফম অমনি। অকিবনা অদোমগী হৈ-শিংবা অমসুং অদোমগী ওইথোকপা য়াবশিং মাংহনবদা মতেং পাংই। মতম পুম্নমক্তা নীংশিংদুনা লৈয়ু, অকিবা অসি ঐখোয়গী চাউখৎপগী খোঙচৎকী তঙাইফদবা শরুক অমনি”।

চন্দ্রয়ান মিসনগী মাইপাকপগী ৱারী অদু পল্লদুনা মহাক্না হায়খি, "পুৱারী ওইরবা চন্দ্রয়ান মিসনশিং অদু খল্লু! চন্দ্রয়ান-2 অসি চাউনা মাইপাকখি অদুবু মপুং ফানা মাই পাকখিদে। কনাগুম্বা খরদদি মসিনা মাইপাকপা অমা ওইখি অমসুং হৈশিংবশিংগী ওইনদি মাই পাকপগী মায়কৈদা খোঙথাং অমা ওইখি। অমসুং ঐখোয়না পুম্নমক্না মমাং চহিগী ওগস্ত 23দা চন্দ্রয়ান 3না থাগী খা থংবা পোলদা লেন্দ তৌখিবা অদু উবা ফংখি। অমসুং মসিগী খুত্থাংদা ভারতনা মাগী মাইপাকপা অসি ফংখিবা অহানবা লৈবাক ওইখি।

RIMC অমসুং সৈনিক স্কুলশিংদা নুপীমচাশিং এদমিসন তৌবগীদমক থাগৎপা ফোংদোক্লদুনা শ্রী ধনখরনা হায়খি মদুদি হায়রিবা থবকশিং অসিনা জেন্দর ইক্বেলিতি অমসুং জস্তিসকীদমক মশক থোকপা খোঙথাংশিং উৎলি। ঐখোয়গী নুপীশিংনা লানগী এয়রক্রাফতশিং লমজিংলি, মখোয়না স্পেস মিসনশিংগী লমজিংলি, অমসুং মখোয়না খল্লবা য়াবা গ্লাস সিলিং খুদিংমক থুগাইরি। লোক সভা অমসুং রাজ্য বিধান সভাশিংদা নুপীশিংগীদমক শরুক অহুম থোকপগী অমা রিজার্বেসন পীবা অসিনা শোইদনা গেম চেঞ্জর অমা ওইরগনি,” হায়না  ভি.পি.না ফোংদোকখি।

তনেন্ত জেনরেল গুরমিত সিংহ, উত্তরাখন্দগী গভর্নর, কর্নেল. রাহুল অগরৱাল, কমান্দেন্ত রাস্ত্রিয় ইন্দিয়ন মিলিতরী কোলেজ, কেদেৎশিং, ফেকল্তী মেম্বরশিং অমসুং অতোপ্পা শক্নাইরবশিংসু থৌরম অদুদা শরুক য়াখি।

***