تبتی سطح مرتفع پر کرسٹل ڈیفارمیشن کی ماڈلنگ کے لیے سائنس دانوں کی طرف سے استعمال کی جانے والی مشین لرننگ تکنیکوں نے اس طرح کی حرکات کی رفتار ویکٹر کی پیش گوئی کرنے اور پلیٹ کی حرکت کی خصوصیات کو بڑھانے میں مدد کی ہے۔

عام طور پر مسلسل آپریٹنگ ریفرنس اسٹیشنز (سی او آر ایس) کا ایک گھنا نیٹ ورک کرسٹل ڈیفارمیشن کی مسلسل نگرانی کے لیے لگایا جاتا ہے۔ مہم موڈ جی پی ایس سروے اکثر موجودہ سی او آر ایس نیٹ ورک کی کثافت کے لیے استعمال ہوتے ہیں۔ لاجسٹک مسائل اور علاقائی جغرافیائی تحفظات کی وجہ سے مطلوبہ جگہ پر اسٹیشن کا قیام بہت مشکل ہوسکتا ہے۔ مزید یہ کہ یہ عمل مہنگا ہے اور کرسٹل کی نقل و حرکت کے بارے میں مطالعہ اکثر لاجسٹک پابندیوں کی وجہ سے ڈیٹا کے فرق کے باعث رکاوٹ کا شکار  بنتا ہے۔ مشین لرننگ تکنیک ایسے حالات میں کرسٹل ڈیفارمیشن ریسرچ کے لیے جی پی ایس سائٹ کی رفتار کا اندازہ لگانے کے لیے معاون ثابت ہو سکتی ہے۔

مطلوبہ مقامات پر رفتار ویکٹر حاصل کرنے کے لیے، حکومت کے محکمہ سائنس اور ٹیکنالوجی( ڈی ایس ٹی)کے تحت ایک خود مختار ادارہ، واڈیا انسٹی ٹیوٹ آف ہمالین جیولوجی کے سائنسدان نے کرسٹل کی نقل و حرکت کو درست طریقے سے ماڈل بنانے کے لیے مشین لرننگ کی تکنیکوں کو لاگو کیا، جیسے کہ سپورٹ ویکٹر مشینیں، ڈیسیزن ٹری اور گوسین عمل ریگریشن۔

سائنس دانوں نے تبتی سطح مرتفع اور اس کے آس پاس کے علاقوں میں واقع 1,271 مستقل اور مہم موڈ جی پی ایس اسٹیشنوں کے ڈیٹا کا تجزیہ کیا۔ انہوں نے ماڈل ٹریننگ کے لیے 892 اسٹیشنوں کا ڈیٹا اور جانچ کے لیے 379 اسٹیشنوں کا ڈیٹا استعمال کیا۔

جرنل آف ایشین ارتھ سائنسز میں شائع ہونے والا مطالعہ پیشنگوئی کی رفتار ویکٹرز— ایسٹنگ ویلوسٹی ( وی ای)اور نارتھنگ ویلوسٹی (وی این)— اور پلیٹ کی حرکت کی خصوصیات کو بڑھانے میں ان ایم ایل تکنیکوں کی تاثیر کو ظاہر کرتا ہے۔ پیشنگوئی اور حقیقی رفتار ویکٹر کے درمیان باہمی تعلق انتہائی تسلی بخش پایا گیا جس کی وجہ سے یہ ایم ایل پیشینگوئی ماڈلز جیوڈیٹک رفتار ویکٹر کا تخمینہ لگانے کے لیے کافی قابل اعتماد ہیں۔

موجودہ ٹرینڈ ماڈلز سے ڈیٹا پر مبنی رجحانات کی بنیاد پر سائنسدانوں نے صوابدیدی جی پی ایس سائٹس کے مقامات کو فیڈ کیا اور ان مقامات پر وی ای اور وی این کی پیشگوئی کی۔

پیش گوئی کی گئی رفتار نے آس پاس کے جی پی ایس اسٹیشنوں سے حاصل کیے گئے نمونوں سے ملتے جلتے نمونے دکھائے۔ ایم ایل الگوریدم جیوڈیٹک اسٹڈیز کے میدان میں لاگت سے مؤثر انداز میں ایک قابل ذکر کامیابی کا مظاہرہ کرتا ہے۔

پبلی کیشن کا لنک: https://doi.org/10.1016/j.jseaes.2023.106004

 

 

تصویر1۔ گرافیکل خلاصہ عملی نفاذ کے ساتھ مسئلہ کے بیان، استعمال شدہ طریقوں اور ان کے استعمال کی وضاحت کرتا ہے

 

 

تصویر 2. تبتی سطح مرتفع اور آس پاس کے علاقے میں جی پی ایس اسٹیشنوں کے نقاط۔ تیر کی لمبائی نتیجہ خیز رفتار ویکٹر کی شدت کو ظاہر کرتی ہےاور رفتار ویکٹر کی سمت کو شمال سے اس کے زاویہ سے ماپا جاتا ہے۔ ٹریننگ کے لیے سرخ رنگ سے نشان زد اسٹیشنوں کی پوزیشن استعمال کی  گئی ہے، جبکہ پیلے رنگ سے نشان زد اسٹیشنوں کی پوزیشن جانچ کے لیے استعمال کی گئی ہے۔

 

تصویر 3. ایس وی ایم، ڈی ٹی اور جی پی آر پیشنگوئی ماڈلز سے حاصل کردہ مطلوبہ مقامات پر پیشگوئی کی گئی رفتار ویکٹر

****

 

ش ح۔ا گ۔ن ع

U:10238

27.08.2024

(Release ID: 2049086) Visitor Counter : 12