রক্ষা মন্ত্রী শ্রী রাজনাথ সিংহনা ওগস্ত 23, 2024 দা য়ু.এস. সেক্রেতরী ওফ দিফেন্স শ্রী লোয়দ ওস্তিনগা লোয়ননা ৱাশিংতন দি.সি.গী পেন্তাগোনদা নাকল অনিগী ওইবা মীফম অমা পাংথোকখ্রে। মখোয়না নাকল অনিগী ওইবা দিফেন্স কোওপরেসন, ইন্দস্ত্রিয়েল কোলাবোরেসন অমসুং রিজনেল সেক্যুরিতী অমসুং অতোপ্পা ইন্তরনেস্নেল ইসুশিংদা পাক শন্না খন্ন-নৈনখি।

শ্রী রাজনাথ সিংহনা মমাং চহিদা এদোপ্ত তৌখিবা ইন্দিয়া-য়ু.এস. দিফেন্স ইন্দস্ত্রীয়েল কোওপরেসন রোদমেপতা আইদেন্তিফাই তৌখিবা লমশিংদা ভারত্তা তোঙান তোঙানবা কো-দেবলপমেন্ত অমসুং কো-প্রদক্সনগী খুদোংচাবশিংদা পাউদমখি।  

মন্ত্রী অনিমক্না ভারত অমসুং অমেরিকাগী মরক্তা সেক্যুরিতী ওফ সপ্লাইজ এরেঞ্জমেন্ত (এস.ও.এস.এ.) মায় পাক্না লোইশিনখিবদা নুংঙাইবা ফোংদোকখি। ৱাশিংতন দি.সি.দা ঙরাং খুৎয়েক পীখিবা এস.ও.এস.এ.না লৈবাক অনিমক্কী দিফেন্স ইন্দস্ত্রীয়েল ইকোসিস্তেমশিংবু অমত্তা ওইনা মথৌ তৌনবগীদমক পুক্নিং থৌগৎলি, অমদি সপ্লাই চেন রেসিলিয়েন্স হেনগৎহল্লে। মখোয়না লাইজোন ওফিসরশিং দিপ্লোই তৌবগা মরী লৈননা ভারত অমসুং অমেরিকাগী মরক্তা য়ানা ৱারোল খুৎয়েক পীনখিবসু তরাম্না ওকখি। ভারতনা মদুগী মতুং ইন্না অমেরিকাগী ফ্লোরিদাদা হেদক্ৱার্তরস স্পিসিয়েল ওপরেসনস কমান্দদা অহানবা লাইজোন ওফিসর দিপ্লোই তৌরগনি।

মন্ত্রী অনিমক্না ক্বাদ ইনিসিয়েতিব অমা ওইরিবা ইন্দো-পেসিফিক মেরিতাইম দোমেন এৱার্নেস ওপরেস্নেল তৌবা খুমাং চাউশিনবদা থাগৎপা ফোংদোকখি অমসুং ইন্দিয়া ওসিন রিজনদা পার্তনরশিংগীদমক মেরিতাইম দোমেন এৱার্নেস হেনগৎনবা ভারতনা হৌজিক হোৎনরিবশিংবু থাগৎপা ফোংদোকখি। মখোয়না কম্বাইন মেরিতাইম ফোর্সেস (সি.এম.এফ.)দা হৌজিক ভারতনা শরুক য়ারিবা অসিবু তরাম্না ওক্লদুনা হায়খি মদুদি 2025দা ভারতনা সি.এম.এফ.কী কম্বাইন তাস্ক ফোর্স 150 হেদক্বার্তরসদা ভারতকী নেভী পর্সনেলশিং দিপ্লোই তৌগনি।

রক্ষা মন্ত্রী অমসুং সেক্রেতরী ওস্তিন্না লৈবাক অনিগী মরক্তা দিফেন্স ইনোভেসন ব্রিজ লিংখৎনবগীদমক ইন্দিয়া-য়ু.এস. দিফেন্স এসেলেরেসন ইকোসিস্তেম (ইন্দস-এক্স)কী হোৎনরিবশিং থাগৎপা ফোংদোকখি। মখোয়না স্তার্ত-অপ, ইন্দস্ত্রী, একাদেমিয়া অমসুং সরকারশিংদা অচেৎপা নেতৱার্কশিং লিংখৎপা, অনৌবা তেক্নোলোজীশিং এদোপ্ত তৌবদা খুমাং চাউশিনবা অমসুং নাকল অনিমক্কী লান শোক্নবগী তৌবা ঙম্বশিং হেনগৎহনবদা ইন্দস-এক্সপু থাগৎপা ফোংদোকখি। সেপ্তেম্বর 2024দা পাংথোক্কদৌরিবা ইন্দস-এক্স সিলিকোন ভেল্লী মীফমদা মরুওইবা ইনিসিয়েতিব কয়া অমা লাউথোক্লগনি।

পেন্তাগোনদা পাংথোকখিবা মীফমগী মাংওইননা শ্রী রাজনাথ সিংহনা আর্লিংতন নেস্নেল সেমেত্রীদা লৈ পরেং কৎতুনা ইকায় খুম্নবা উৎখি। রক্ষা মন্ত্রী অমসুং য়ু.এস. সেক্রেতরী ওফ দিফেন্সনা মথংগী ইন্দিয়া-য়ু.এস. 2+2 মিনিস্ক্ষিয়েল দাইলোগতা অমুক হন্না উন্ননবা আশা থমখি।

***

(Release ID: 2048685) Visitor Counter : 45