మొద‌టి ‘జాతీయ అంత‌రిక్ష దినోత్స‌వం సంద‌ర్భంగా శుక్ర‌వారం మూడు రోజుల మ‌ల్టీ మీడియా ప్ర‌ద‌ర్శ‌న ప్రారంభ‌మైంది. స‌మాచార, ప్ర‌సార మంత్రిత్వ శాఖలోని సెంట్ర‌ల్ బ్యూరో ఆఫ్ క‌మ్యూనికేష‌న్ (సీబీసీ) ఆధ్వ‌ర్యంలో న్యూఢిల్లీలోని చాణ‌క్య‌పురిలో ఉన్న జాతీయ రైల్ మ్యూజియంలో ఈ ప్ర‌ద‌ర్శ‌న‌ను నిర్వ‌హిస్తున్నారు. అంత‌రిక్ష అన్వేష‌ణ‌లో భార‌త్ సాధించిన కీల‌క‌మైన విజ‌యాల‌ను ప్రద‌ర్శించ‌డంతో పాటు యువ మ‌న‌స్సులలో ఆస‌క్తిని ప్రేరేపించ‌డం ఈ ప్ర‌ద‌ర్శ‌న ల‌క్ష్యం. చంద్రుడిపైకి చేరుకున్న నాలుగో దేశంగా మ‌న దేశం సాధించిన అపూర్వ‌మైన విజ‌యానికి గౌర‌వంగా ప్ర‌తియేటా ఆగ‌స్టు 23న జాతీయ అంత‌రిక్ష దినోత్స‌వంగా జ‌రుపుకోవాల‌ని గౌర‌వ ప్ర‌ధాన‌మంత్రి న‌రేంద్ర మోదీ పిలుపునిచ్చారు. ప్ర‌జ్ఞాన్ రోవ‌ర్ సుర‌క్షితంగా చంద్రుడిపై ల్యాండ్ అయి ఈ సామ‌ర్థ్యం ఉన్న దేశాల స‌ర‌స‌న భార‌త్‌ను చేర్చింది.

పిల్ల‌ల్లో స్ఫూర్తిని నింప‌డానికి, ఆస‌క్తిని క‌లిగించ‌డానికి సీబీసీ ఈ ప్ర‌ద‌ర్శ‌న‌లో ప్రేక్ష‌కులు లీన‌మ‌య్యే అనుభ‌వాన్ని అందించే వ‌ర్చువ‌ల్ రియాలిటీ, ఆగ్‌మెంటెడ్ రియాలిటీ వంటి అధునాత‌న సాంకేతిక ప్రదర్శనను ఏర్పాటుచేసింది. ఢిల్లీలోని వివిధ పాఠ‌శాల‌ల‌కు చెందిన విద్యార్థులు ఈ ప్ర‌ద‌ర్శ‌న‌ను చూడ‌టానికి వ‌స్తున్నారు.

"జీవితాల‌ను హ‌త్తుకుంటూ చంద్రుడిని తాక‌డం: భార‌త అంత‌రిక్ష విజయ గాధ" అనేది మొద‌టి జాతీయ అంత‌రిక్ష దినోత్స‌వ ఇతివృత్తం.

 

***

(రిలీజ్ ఐడి: 2048530) సందర్శకుల సూచీ సంఖ్య : : 86