"চন্দ্রয়ান-3 অসি মাইলস্তোন অমনি, চন্দ্রয়ান-4 অমসুং 5না মসিগী মতুং ইনগনি" হায়না কেন্দ্রগী মন্ত্রী, দা. জিতেন্দ্র সিংহনা নেস্নেল মেদিয়া সেন্তরদা অহানবা নেস্নেল স্পেস দেগী মাংওইননা পাংথোকখিবা কর্তেন রাইজর মীদিয়া ইন্তরেক্সন্দা ৱা ঙাংবদা লাউথোকখি।

নই দিল্লীগী নেস্নেল মেদিয়া সেন্তরদা ঙসি অহানবা নেস্নেল স্পেস দেগী অচৌবা পালন থৌরমদা কর্তেন রেজর প্রেস ইন্তরেক্সন অমা পাংথোকখি।

ভারতনা থাদা লেন্দ তৌখিবা মরিশুবা লৈবাক ওইখি অমসুং ওগস্ত 23, 2023দা থাগী খা থংবা পোলর রিজন য়ৌখিবা অহানবা লৈবাক ওইখি। মসিগী অচৌবা মাইপাকপা অসি ইকায় খুম্নবা উৎনবগীদমক, প্রধান মন্ত্রী শ্রী নরেন্দ্র মোদীনা ওগস্ত 23বু "নেস্নেল স্পেস দে" হায়না লাউথোকখি।

ভারতনা মাগী অহানবা নেস্নেল স্পেস দে [NSpD-2024] অসি ওগস্ত 23, 2024 দা ভারতকী রাস্ত্রপতিনা শরুক য়াদুনা ভারত মন্দপম, প্লেনরী হোলদা "তচিং লাইবস ৱাইল তচিং দি মুন: ইন্দিয়াস স্পেস সাগা" হায়বা থিমগা লোয়ননা পাংথোক্কনি।

কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ), আর্থ সাইন্সকী রাজ্য মন্ত্রী (ইন্দিপেন্দেন্ত চার্জ), PMO মন্ত্রালয়, এতোমিক ইনর্জী বিভাগ, স্পেস, পর্সোনেল, পব্লিক গ্রিভান্স অমসুং পেন্সনগী বিভাগকী MoS, দা. জিতেন্দ্র সিংহনা হায়খি মদুদি "গগনয়ান মিসন অসি 2025দা স্পেসতা অহানবা ভারতমচা থাগৎনবনি।" স্পেস সেক্তরদা মালেমগী লুচিংবা অমা ওইনা থোরক্নবা ভারতনা হোৎনরিবশিং অদু মহাক্না ফোংদোকখি। মহাক্না চীফ ওফ নেভেল স্তাফ, এদমিরেল দি. কে ত্রিপাথীগা হন্দক্তা মহাক্না উনখিবা অদু নীংশিংখি অমসুং ইন্দিয়ন নেভীগা মরুওইনা ক্রিয়ু মোদ্যুল রিকভরিগীদমক ISRO গী পার্তনরশিপ তৌবগী ৱাফমসু থমখি।

মন্ত্রীনা হায়খি মদুদি প্রাইবেৎ পার্তনরশিংগা কোল্লাবোরেসন তৌবগী থা খরগী মনুংদা স্পেস সেক্তরদা ইনভেস্তমেন্ত করোর 1,000 হেন্না লাকখি।

দা. জিতেন্দ্র সিংহনা স্তার্ত-অপশিংগী থৌদাংদা মরুওইবা পীখি অমসুং স্পেস সেক্তরদা অহানবদা স্তার্ত-অপশিং মশিং য়াম্না লৈরমদে অদুবু হৌজিক্তি মসিদা স্তার্ত-অপ 300 রোম লৈরে, ময়ামগী গ্লোবেল পোতেন্সিএল লৈরে হায়না অমুক হন্না ফোংদোকখি। কনফরেন্স অদুদা ৱা ঙাংলদুনা, মন্ত্রীনা শেলথুম মন্ত্রীগী বজেৎকী ৱারোল অদু নীংশিংখি। মহাক্না হায়খি মদুদি স্পেস ইকনোমী অসি মথংগী চহি 10দা শরুক 5 হেনগৎলগনি।

কর্তেন রাইজরদা, দোক্তর. জিতেন্দ্র সিংহনা স্পেস সেক্তরদা ভারতনা চাউনা খুমাং চাউশিল্লক্লিবা অসি মালেমনা উবা ফংনবগীদমক শ্রী হেরিকোতাগী গেৎশিং হাংদোকপগীদমক প্রধান মন্ত্রী নরেন্দ্র মোদীবু থাগৎপা ফোংদোকখি। অমসুং মসিদা প্রাইবেৎ লোঞ্চিং স্তেসন অমসু লৈ।

সাইন্স অমসুং তেক্নোলোজী মন্ত্রীনা তুংগী থৌরাংশিংগী মতাংদা পল্লদুনা হায়খি, "মরু ওইবা প্রোজেক্তশিংগী মরক্তা অমা হায়রগদি 2035 ফাওবদা ভারতীয় এন্তারিক্ষা স্তেসন লিংখৎপা অমসুং 2045 ফাওবদা থাদা ভারতনা লেন্দ তৌবনি।" রাকেশ শর্মানা গগনযান মিসনগী তীমবু লমজিংলি হায়নসু মহাক্না পনখি অমসুং সুনিতা ৱিলিয়মসতা মহাক্কী য়াইফ পাউজেল পীখি।

ISRO গী সাইন্তিফিক সেক্রেতরী শান্তনু ভাতৱাদেকরসু ৱারী শানবগী থৌরম অদুদা মন্ত্রীগা লোয়ননা চৎখি। মহাক্না হায়খি, " ISRO না ঐখোয়গী লৈবাক অসিগী জোন তরেৎতা থৌরম কয়া অমা পাংথোকখি। জোন খুদিংমক্তা ভারতকী স্পেস খোঙচৎ উৎনবগীদমক্তা একজিবিসনশিং, স্পেস সাইন্স ফেয়রশিং অমসুং সাইন্তিস্তশিংগা ইন্তরেক্তিব সেসনশিং পাংথোকখি। থৌরমশিং অসিদা সেতেলাইত তেক্নোলোজীগী দেমোন্সত্রেসনশিং, মোদেল রোকেত্রী ৱার্কশোপশিং, স্পেস মিসনশিংগী ভর্চুএল রিএলিতী এক্সপরিয়েন্সশিং অমসুং ISRO রোবোতিক্স চেলেঞ্জ অমসুং ভারত অন্তরিক্ষা হেক্কাথোন য়াওনা নেস্নেল লেবেল কম্পিতিসনশিং য়াওরি।"

মসিগী মথক্তা, মহাক্না হায়খি মদুদি পালন তৌবা অসি সাইন্তিফিক কম্ম্যুনিতীগীদমক্তা নত্তনা ভারত মচা খুদিংমক্কীনি। লৈবাক শীনবা থুংনা স্কুলশিং অমসুং কোলেজশিংনা স্পেস-থিমদা কম্পিতিসনশিং, দিবেৎশিং অমসুং ক্বিজশিংদা শরুক য়াখি। রিসর্স ওর্গনাইজেসনশিং, মন্ত্রালয়শিং, অমসুং নন-গভর্নমেন্ত ওর্গনাইজেসনশিংনা স্পেস সাইন্সপু মীয়ামদা য়ৌহন্নবগীদমক্তা ৱার্কশোপশিং অমসুং আউতরিচ প্রোগ্রামশিং পাংথোক্নবগীদমক ISROগা খুৎশম্নখি। ভারতকী প্রজাশিংনা স্পেস একজিবিসনশিং য়েংবগী, সাইন্তিস্তশিংগা ৱারী শানবগী, অমসুং ISRO গী সেন্তরশিংদা লাইব লোঞ্চ তৌবা য়েংবগী খুদোংচাবা ফংখি।

***