நிதி அமைச்சகம்
மத்திய மற்றும் மாநில சரக்கு மற்றும் சேவை வரி அமைப்புகளின் அமலாக்கத் தலைவர்களின் இரண்டாவது தேசிய மாநாடு புதுதில்லியில் நடைபெற்றது
Posted On:
20 AUG 2024 8:12PM by PIB Chennai
மாநில மற்றும் மத்திய ஜி.எஸ்.டி அமைப்புகளின் அமலாக்கத் தலைவர்களின் இரண்டாவது தேசிய மாநாடு புதுதில்லியில் நடைபெற்றது. இந்த மாநாட்டிற்கு நிதி அமைச்சகத்தின் வருவாய்த் துறை செயலாளர் திரு சஞ்சய் மல்ஹோத்ரா தலைமை தாங்கினார். போலி பதிவுகளை அடையாளம் கண்டு களையெடுக்க மத்திய மற்றும் மாநில அமைப்புகள் சிறப்பு உந்துதல் மேற்கொண்டு வரும் பின்னணியில் தேசிய மாநாடு நடைபெற்றது.
இந்த மாநாட்டில் வருவாய்த் துறை, மத்திய வரிகள் மற்றும் வரித் துறை ஆணையர்கள், மாநிலங்களின் ஜி.எஸ்.டி அமலாக்கத் தலைவர்கள், ஜி.எஸ்.டி.என் தலைமை நிர்வாக அதிகாரி மற்றும் உயர் அதிகாரிகள் கலந்து கொண்டனர். மத்திய நேரடி வரிகள் வாரியம், அமலாக்க இயக்குநரகம், வருவாய் புலனாய்வு இயக்குநரகம், நிதி புலனாய்வு பிரிவு மற்றும் மத்திய பொருளாதார புலனாய்வு பணியகம் போன்ற பிற அமலாக்க மற்றும் உளவுத்துறை அதிகாரிகளும் விவாதங்களில் பங்கேற்றனர்.
அமலாக்க நடவடிக்கைகள் மற்றும் எளிதாக வணிகம் செய்வதற்கு இடையே ஒரு சிறந்த சமநிலையை பராமரிக்க வேண்டியதன் முக்கியத்துவத்தை வருவாய் செயலாளர் வலியுறுத்தினார். இந்த சிறப்பு இயக்கத்தின் போது போலி பதிவுகளில் கவனம் செலுத்துமாறு மத்திய மற்றும் மாநில ஜி.எஸ்.டி அமைப்புகளை அவர் அறிவுறுத்தினார், மேலும் போலி ஐ.டி.சியின் சூத்திரதாரிகள் மற்றும் பயனாளிகளைக் கண்காணிக்க வேண்டியதன் அவசியத்தையும் வலியுறுத்தினார். ஜி.எஸ்.டி வரி தாக்கல் முறைகளில் அண்மையில் அமல்படுத்தப்பட்ட ஜி.எஸ்.டி.ஆர்-1ஏ போன்ற மாற்றங்கள் ஜி.எஸ்.டி வரி ஏய்ப்பை முறையான முறையில் கையாள்வதற்கான முயற்சிகளுக்கு மேலும் உதவும் என்று திரு மல்ஹோத்ரா கூறினார்.
மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும்
https://pib.gov.in/PressReleasePage.aspx?PRID=2047061
BR/KR
***
(Release ID: 2047145)
Visitor Counter : 17