কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
সেন্ত্রেল কঞ্জুমর প্রোতেক্সন ওথোরিতী (সি.সি.পি.এ.)না শ্রীরাম'স আই.এ.এস.পু য়ু.পি.এস.সি. সিভিল সর্ভিস একজাম ২০২২ গী ফলগা মরী লৈননা লান্না লমজিং য়াবা পাউ এদভর্তাইজ তৌবগীদমক লুপা লাখ ৩গী পেনালতী পীখ্রে
ইন্সতিত্যুত অসিনা সেলেক্সন ২০০ হেন্না ক্লেম তৌখি, সি.সি.পি.এ.না কেন্দিদেত ১৭১ তমক শেংনা ফাওবা থেংনখি
সি.সি.পি.এ.না শ্রীরাম'স আই.এ.এস.পু খুদক্তগী অরানবা মওংদা এদভর্তাইজ তৌবা লেপ্নবা য়াথং তাউথখ্রে
Posted On:
18 AUG 2024 9:28AM by PIB Imphal
সেন্ত্রেল কঞ্জুমর প্রোতেক্সন ওথোরিতী (সি.সি.পি.এ.)নাশ্রীরাম'স আই.এ.এস.পু অরানবা পাউ এদভর্তাইজ তৌবগীদমক লুপা লাখ ৩গী পেনালতী পীখ্রে। ৱারেপ অসি কঞ্জুমরশিংগী হক কন্নবা অমসুং য়োকখৎনবগীদমক অমসুং কঞ্জুমর প্রোতেক্সন এক্ত, ২০১৯ গী প্রোভিজনগী মাইয়োক্তা লৈবা থবক নৎত্রগা সর্ভিসশিংগী এদভর্তিজমেন্ত অমত্তা থোকহন্দনবা লৌরকপনি।
কঞ্জুমর প্রোতেক্সন এক্ত, ২০১৯ থুগাইবগীদমক, চীফ কম্মিসনর শ্রীমতি নিধি খারে অমসুং কম্মিসনর শ্রী অনুপম মিশ্রানা লুচিংবা সি.সি.পি.এ.না শ্রীরাম'স আই.এ.এস.কী মথক্তা য়ু.পি.এস.সি. সিভিল সর্ভিস একজামিনেসন ২০২২গা মরী লৈননা ফোংবা অরানবা এদভর্তাইজমেন্ত অমগী য়াথং অমা তাউথখি।
কোচিং ইন্সতিত্যুত অমসুং ওনলাইন তেক ফম্বাকশিংনা মায় পাক্লবা কেন্দিদেতশিংগী পিকচর অমসুং মমিংশিং এস্পিরেন্তশিং (কঞ্জুমরশিং) চিংশিন্নবগীদমক কেন্দিদেতশিং অসিনা লৌরিবা কোর্স নৎত্রগা য়াওখিবা কোর্স অদুগী মতম তাক্তনা শীজিন্নৈ।
শ্রীরাম'স আই.এ.এস.না মখোয়গী এদভর্তিজমেন্ততা মখাগী ক্লেমশিং অসি তৌখি –
১. "য়ু.পি.এস.সি. সিভিল সর্ভিস একজাম ২০২২ দা ২০০ হেন্না খনখি"
২. "ঐখোয়না ভারতকী নম্বর ১ দা লৈবা অতাঙবা য়ু.পি.এস.সি./আই.এ.এস. কোচিং ইন্সতিত্যুতনি"
শ্রীরাম'স আই.এ.এস.না তোঙান-তোঙানবা মখলগী কোর্সশিং এদভর্তাইজ তৌই অদুবু এদভর্তাইজ তৌরিবা মথক্তা পল্লিবা য়ু.পি.এস.সি. সিভিল সর্ভিস একজামশিংগী ফল অসিদা মায় পাক্লবা কেন্দিদেতশিং অসিনা লৌখিবা কোর্সশিংদি অতম্ননা পন্দে হায়না সি.সি.পি.এ.ন ফংখি। মসিনা কঞ্জুমরশিংদা ইন্সতিত্যুত অসিনা মায় পাক্লে হায়না পল্লিবা কেন্দিদেত খুদিংমক্না ইন্সতিত্যুত অসিনা ৱেবসাইত্তা এদভর্তাইজ তৌরিবা পেদ কোর্সশিন অসি লৌখি হায়না লান্না লৌহল্লি।
কঞ্জুমর প্রোতেক্সন এক্তকী সেক্সন -২ (২৮) (iv) না মরুওইবা ঈ পাউশিং অতম্ননা লোৎশিনবা অরানবা এদভর্তাইজশিংগী মতাংদা পল্লি। মায় পাক্লবা কেন্দিদেতশিংনা লৌখিবা কোর্সকী ঈ পাউ অসি কঞ্জুমরশিংদা য়াম্না মরুওই, মসিনা মখোয়দা করম্বা কোর্স লৌগনি অমসুং করম্বা ইন্সতিত্যুত খনগনি হায়বসিদা ৱারেপ লৌজবদা য়াম্না মরুওই।
শ্রীরাম'স আই.এ.এস.না মখোয়গী পাউখুম ওইনা য়ু.পি.এস.সি. সি.এস.ই. ২০২২ দা ২০০ হেন্না ক্লেম তৌরবসু মায় পাক্লবা কেন্দিদেত ১৭১ খক্কী অকুপ্পা মরোলশিং পীশিল্লকখি। হায়রিবা ১৭১ অসিগী মনুংদা, ১০২ দি ফ্রী ইন্তর্ভ্যু গাইদেন্স প্রোগ্রাম (আই.জি.পি.)দগীনি, ৫৫ না ফ্রী তেস্ত সেরিসদগীনি, ৯ না জি.এস. ক্লাসরুম কোর্সতগীনি অমসুং ৫ না রাজ্য সরকার অমসুং ইন্সতিত্যুত অসিনা খুৎয়েক পীনখিবা য়ানচেরোল অমগী মখাদা তোঙান-তোঙানবা রাজ্যশিংদগীনি। হায়রিবা অচুম্বা অসি মখোয়গী এদভর্তিজমেন্ততা তাকথোক্তে অমসুং কঞ্জুমরশিংবু মীনম্মি।
মসিমসু ময়াম্না খঙনরবা ৱারোলনি মদুদি সিভিল সর্ভিস একজামিনেসনদা মায় পাক্লবা কেন্দিদেতশিং অসিনা একজামগী তাংকক অহুম্মক হায়বদি প্রিলিমস, মেন্স এখাম, অমসুং পার্সনেলিতী তেস্ত (পি.তি.) মায় পাক্কদবনি। অদুগা প্রিলিমস হায়বসিনা স্ক্রীনিং তেস্ত অমনি, মেন্স অমসুং পার্সনেলিতী তেস্ততা ফংবা মার্কশিং অসিনা অরোইবা ওইনা খন্নবগীদমক লৌই। মেন একজাম অমসুং পি.তি.গী অপুনবা মার্ক অসি মথং শিৎনা ১৭৫০ অমসুং ২৭৫ নি। অসুম্না পার্সনেলিতী তেস্তকী কন্ত্রিব্যুসন অসি অপুনবা মার্ক্তা ১৩.৫% নি। অয়াম্বা কেন্দিদেতনা হান্ননা প্রিলিমিনরী অমসুং মেন্স একজামিনেসন মশা মশানা ক্লিয়র তৌজৈ, অসিগুম্বা অরানবা অমসুং মীবু লান্না লমজিংবা য়াবা এদভর্তিজমেন্তশিংনা য়ু.পি.এস.সি. এস্পিরেন্তশিংদা শ্রীরাম'স আই.এ.এস.না মাংজৌননা য়ু.পি.এস.সি. একজামিনেসনগী প্রিলিমিনরী অমসুং মেন্স একজামিনেসন ক্লিয়র তৌরবা মায় পাক্লবা কেন্দিদেতশিং খক্তদা গাইদেন্স পীরি হায়বসি খঙহনদে। অসুম্না, এদভর্তিজমেন্ত অসিনা অরানবা ত্রেদ প্রেক্তিসতগী মশাবু ঙাকথোকচনবা মাংজৌননা খঙহনগদবা কঞ্জুমরগী হক অদু মৎলি।
শ্রীমতি নিধি খারে, সি.সি.পি.এ.গী চীফ কম্মিসনরনা ফোংদোকখি মদুদি এদভর্তিজমেন্ত অমদা কঞ্জুমরশিংদা খঙহন্দবা য়াদবা, ময়েক শেংবা ঈ পাউশিং অদু তাকথোক্তুনা অচুম্বা অমসুং থম্মোই অশেংনা হাপকদবনি। মহাক্না কঞ্জুমরগী হকশিং অমসুং এদভর্তাইজরশিংনা অচুম্বা ঈ পাউশিং কঞ্জুমরশিংদা তঙাইফদনা পীগদবগী মতাংদা পাউদমখি।
***************
(Release ID: 2046420)
Visitor Counter : 26