سینٹرل کنزیومر پروٹیکشن اتھارٹی (سی سی پی اے) نے سری رام کے آئی اے ایس پر گمراہ کن اشتہار دینے پر 3 لاکھ روپے کا جرمانہ عائد کیا ہے۔ یہ فیصلہ ایک طبقے کے طور پر صارفین کے حقوق کے تحفظ اور فروغ کے لیے کیاگیا اور اس بات کو یقینی بنانے کے لیے کیاگیا کہ کسی بھی اشیا یا خدمات کا کوئی غلط یا گمراہ کن اشتہار نہ دیا جائے جو کنزیومر پروٹیکشن ایکٹ 2019 کی دفعات کے خلاف ہو۔

کنزیومر پروٹیکشن ایکٹ 2019 کی خلاف ورزی کے پیش نظر، سی سی پی اے، جس کی سربراہی چیف کمشنر، محترمہ ندھی کھرے، اور کمشنر، جنابانوپم مشرا نے کی ہے،سری رام کے آئی اے ایس کے خلاف یو پی ایس سی سول سروس امتحان 2022 کے بارے میں گمراہ کن اشتہار دینے کا حکم جاری کیا ہے۔

کوچنگ انسٹی ٹیوٹ اور آن لائن ایڈٹیک پلیٹ فارمز امیدواروں کے منتخب کردہ کورسز اور اس میں شرکت کی گئی کورس کی لمبائی کا انکشاف کیے بغیر، ممکنہ امیدواروں (صارفین) کو متاثر کرنے کے لیے انہی کامیاب امیدواروں کی تصاویر اور نام استعمال کرتے ہیں۔

سری رام کے آئی اے ایس نے اپنے اشتہار میں درج ذیل دعوے کیے ہیں۔

’’یو پی ایس سی سول سروس امتحان 2022 میں 200 سے زیادہ انتخاب‘‘

’’ہم ہندوستان کا نمبر 1 نامور یو پی ایس سی/آئی اے ایس کوچنگ انسٹی ٹیوٹ ہیں‘‘

سی سی پی اے کو پتہ چلا کہ سری رام کے آئی اے ایس نے مختلف قسم کے کورسز کا اشتہار دیا تھا لیکن مذکورہ یو پی ایس سیسول سروس امتحانات کے نتائج میں مشتہر کامیاب امیدواروں کے ذریعہ منتخب کردہ کورس کے حوالے سے معلومات کو جان بوجھ کر اشتہار میں چھپایا گیا تھا۔ اس کا اثر صارفین کے غلط طور پر یہ ماننے کا ہوتا ہے کہ انسٹی ٹیوٹ کے ذریعہ دعویٰ کردہ تمام کامیاب امیدواروں نے انسٹی ٹیوٹ کی طرف سے اپنی ویب سائٹ پر مشتہر کردہ بامعاوضہ کورسز کا انتخاب کیا ہے۔

کنزیومر پروٹیکشن ایکٹ کا سیکشن 2(28) (iv)  جان بوجھ کر اہم معلومات کو چھپانے کے سلسلے میں گمراہ کن اشتہارات سے متعلقہے۔ کامیاب امیدواروں کے ذریعے منتخب کردہ کورس کے بارے میں معلومات صارفین کے لیے جاننا ضروری ہے تاکہ وہ یہ فیصلہ کرتے ہوئے کہ کس کورس اور کوچنگ انسٹی ٹیوٹ میں شامل ہونا ہے، باخبر انتخاب کر سکیں۔

سری رام کے آئی اے ایس نے اپنے جواب میں یو پی ایس سی سی ایس ای 2022 میں 200 سے زیادہ انتخاب کے دعوے کے خلاف صرف 171 کامیاب امیدواروں کی تفصیلات پیش کیں۔ ان 171 امیدواروں میں سے 102 مفت انٹرویو گائیڈنس پروگرام )آئی جی پی( سے تھے، 55 مفت ٹیسٹ سیریز سے تھے، 9 جی ایس کلاس روم کورس سے تھے اور مفت کوچنگ فراہم کرنے کے لیے ریاستی حکومت اور انسٹی ٹیوٹ کے درمیان دستخط کیے گئے ایم او یو کے تحت 5 امیدوار مختلف ریاستوں سے تھے۔ اس حقیقت کو ان کے اشتہار میں ظاہر نہیں کیا گیا، اس طرح صارفین کو دھوکہ دیا گیا۔

یہ ایک معروف حقیقت ہے کہ سول سروسز امتحان کے کامیاب امیدواروں کو امتحانات کے تمام 3 مراحل کو پاس کرنا ہوتا ہے۔ یعنی ابتدائی امتحانات، مین امتحانات اور پرسنالٹی ٹیسٹ۔ جبکہ پریلمس ایک اسکریننگ ٹیسٹ ہے، مینز امتحانات اور پرسنالٹی ٹیسٹ دونوں میں حاصل کردہ نمبروں کو حتمی طور پر منتخب ہونے کے لیے شمار کیا جاتا ہے۔ مین امتحانات اور پی ٹی کے کل نمبر بالترتیب 1750 اور 275 ہیں۔ اس طرح پرسنالٹی ٹیسٹ کا حصہ کل نمبروں میں 13.5فیصدہے۔ زیادہ تر امیدواروں نے پہلے ہی پرائمری اور مینز کا امتحان خود ہی پاس کر لیا تھا، جس میں سریرام کے آئی اے ایس کی کوئی شراکت نہیں تھی۔ اس اہم حقیقت کو چھپا کر، اس طرح کے جھوٹے اور گمراہ کن اشتہارات ان صارفین پر بہت زیادہ اثر ڈالتے ہیں جو یو پی ایس سی کے امیدوار ہیں، انہیں یہ بتائے بغیر کہ سری رام کے آئی اے ایس نے صرف ایسے کامیاب امیدواروں کو رہنمائی کی پیشکش کی تھی جنہوں نے پہلے ہی یو پی ایس سی امتحان کا ابتدائی اور مینز امتحان پاس کر لیا تھا۔ اس طرح، اشتہار نے صارف کے مطلع کرنے کے حق کی خلاف ورزی کی ہے تاکہ غیر منصفانہ تجارتی عمل سے خود کو بچایا جا سکے۔

سی سی پی اے کی چیف کمشنر  محترمہ ندھی کھرے نے اس بات پر زور دیا کہ ایک اشتہار میں حقائق کی سچائی اور دیانتدارانہ نمائندگی ہونی چاہیے جس میں اہم معلومات کو اس طرح ظاہر کیا جائے کہ وہ واضح، نمایاں اور صارفین کے لیے بہت مشکل ہوں۔ انہوں نے صارفین کے حقوق کی اہمیت اور صارفین کو درست معلومات فراہم کرنے کے مشتہرین کی ذمہ داری پر روشنی ڈالی۔

************

ش ح ۔ ا  م    ۔  م  ص

 (U: 9941)