وزیراعظم جناب نریندر مودی کی صدارت میں مرکزی کابینہ نے آج مہاراشٹر کے تھانے انٹیگرل رنگ میٹرو ریل پروجیکٹ کوریڈور کو منظوری دے دی۔ 29 کلومیٹر طویل یہ راہداری تھانے شہر کے مغربی حصے کے احاطے میں 22 اسٹیشنوں کے ساتھ چلے گی۔ یہ نیٹ ورک ایک طرف دریائے الہاس اور دوسری طرف سنجے گاندھی نیشنل پارک [ایس جی این پی] سے گھرا ہوا ہے۔

یہ رابطہ نقل و حمل کا ایک پائیدار اور موثر ذریعہ فراہم کرے گا ، جس سے شہر کو اس کی معاشی صلاحیت کو بروئے کار لانے میں سہولت ملے گی اور سڑکوں پر ٹریفک کے ہجوم کو کم کیا جاسکے گا۔ توقع ہے کہ اس منصوبے سے گرین ہاؤس گیسوں کے اخراج میں کمی آئے گی۔

منصوبے کی لاگت اور فنڈنگ:

اس پروجیکٹ کی تخمینہ لاگت 12,200.10 کروڑ روپے ہے، جس میں حکومت ہند اور حکومت مہاراشٹر کے ساتھ ساتھ دو طرفہ ایجنسیوں کی طرف سے جزوی فنڈنگ بھی شامل ہے۔

فنڈز جدید فنانسنگ طریقوں کے ذریعے بھی جمع کیے جائیں گے جیسے اسٹیشن کا نام اور کارپوریٹ کے لیے رسائی کے حقوق فروخت کرکے، اثاثوں کی مونیٹائزیشن، ویلیو کیپچر فنانسنگ روٹ۔

اہم کاروباری مراکز کو جوڑنے والی راہداری ملازمین کے ایک بڑے حصے کے لیے ایک مؤثر نقل و حمل کا آپشن فراہم کرے گی۔ یہ منصوبہ2029تک مکمل ہونے کا امکان ہے۔

اس سے بھی اہم بات یہ ہے کہ میٹرو لائن سے روزانہ ہزاروں مسافروں، خاص طور پر طلبہ اور وہ لوگ جو روزانہ دفتر اور کام کے علاقے میں سفر کرتے ہیں، تیز رفتار اور سستی نقل و حمل کے اختیارات فراہم کرکے فائدہ اٹھائیں گے۔ اس پروجیکٹ کے نتیجے میں سال 2029، 2035 اور 2045 کے لیے میٹرو کوریڈور پر روزانہ مسافروں کی مجموعی تعداد بالترتیب 6.47 لاکھ، 7.61 لاکھ اور 8.72 لاکھ ہوگی۔

مہا میٹرو سول ، الیکٹرو مکینیکل ، دیگر متعلقہ سہولیات ، کاموں اور متعلقہ اثاثوں کے ساتھ اس منصوبے کو انجام دے گی۔ مہا میٹرو نے پہلے ہی پری بولی کی سرگرمیاں اور ٹینڈر دستاویزات کی تیاری شروع کردی ہے۔ معاہدوں کو فوری طور پر بولی لگانے کے لیے جاری کیا جائے گا۔

***

(ش ح – ع ا – ع ر)

U. No. 9921