پیرس اولمپکس 2024 میں دو تمغے حاصل کرنے والی منو بھاکر کو آج دلی میں بندرگاہوں، جہاز رانی اور  آبی گزر گاہوں کے مرکزی وزیر جناب سربانند سونووال نے  پوری ملاح برادری کی طرف سے اعزاز سے نوازا۔ منو  بھاکر جو ایک ملاح کی بیٹی ہیں ، انہیں انڈین پورٹس ایسوسی ایشن (آئی پی اے) کی جانب سے پھولم گاموسا، ایک ماڈل جہاز اور  10 لاکھ  روپے کے چیک سے نوازا گیا، انہیں یہ اعزاز ایک ہی اولمپکس میں کانسے کے دو  تمغہ حاصل کرنے والی واحد ہندوستانی کھلاڑی کے شاندار کارنامے کے اعتراف میں دیا گیا۔

منو بھاکر نے دیگر لوگوں کے درمیان نوجوان ملاحوں سے بھی بات چیت کی۔  نشانے بازی کی چمپئن نے بتایا کہ کس طرح انہوں نے ایک ملاح کے کنبے میں پرورش پانے کے بعد نظم و ضبط، لگن اور توجہ  جیسی  اقدار کو اپنایا۔ سونووال نے بھاکر کی ماں - سومیدھا بھاکر - اور ان کے والد - رام کشن بھاکر کو بھی مبارکباد  پیش کی۔ بھاکر مرچنٹ نیوی کے جہاز پر چیف انجینئر کے طور پر کام کرتے ہیں۔

اس موقع پر اظہار خیال کرتے ہوئے، بندرگاہوں، جہاز رانی اور آبی گزرگاہوں کے مرکزی وزیر جناب سربانند سونووال نے کہا، ‘‘پیرس اولمپکس میں منو بھاکر کی غیر معمولی کامیابی اس کی ثابت قدمی اور عمدگی کے لیے انتھک کوشش کی نشاندہی کرتی ہے۔ وہ عظمت کے مقصد اور اسے حاصل کرنے کے حوصلے کے ساتھ ہندوستان کے نوجوانوں کی خواہشات کے لازوال جذبے کی نمائندگی کرتی  ہیں۔ منو بھاکر ہم سب کے لیے، خاص طور پر ہمارے نوجوان ملاحوں کے لیے ایک تحریک ہیں، کیونکہ انہوں نے بجا طور پر اس بات کی نشاندہی کی ہے کہ کس طرح انھوں نے اپنے کنبے سے اور اپنے پروان چڑھنے کی عمر کے دوران ملاحوں کی برادری میں نظم و ضبط، لگن اور توجہ جیسی اقدار کو اپنایا۔ ہمارے نوجوان ملاحوں کے لیے ان کے  تحریک دینے الفاظ ان کے اپنے منتخب کردہ پیشے کے شعبے میں عمدگی کے لیے مقصد اور کوشش کرنے کے عزم کو فروغ دیں گے۔

اس موقع پر اظہار خیال کرتے ہوئے منو بھاکر نے کہا، ‘‘میرے پاس اپنے والد، والدہ اور بھائی کے ساتھ گرمیوں کی چھٹیوں میں بحری جہازوں پر سفر کرنے کی یادیں ہیں۔ وہ سفر صرف تعطیلات سے زیادہ نہیں تھے کیونکہ اس نے مجھے مختلف زبانوں، ثقافتوں اور زندگی کے طریقوں سے سیکھنے سے مالا مال کیا۔ میں نے اس راستے میں بہت سے چیلنجوں کا مقابلہ کیا، لیکن انہوں نے میرے عزم کو مضبوطی دی ۔ میں حد سے آگے بڑھنے میں یقین رکھتی ہوں – ‘بڑا کرو ،  پھر گھر جاؤ’ یہ سب کچھ دینے کے بارے میں ہے، یہ جانتے ہوئے کہ سفر خود بھی اتنا ہی اہم ہے جتنا کہ منزل، میرے خیال میں یہ  ملاحوں کے لیے اندرونی ہے جیسا کہ کوئی ملاح کر سکتا ہے اور اس سے تعلق رکھتا ہے۔’’

مزید یہ کہ جناب سربانند سونووال نے کہا، ‘‘وزیر اعظم جناب نریندر مودی جی کی متاثر کن قیادت میں، حکومت نے بہترین کارکردگی کے جذبے کو ابھارنے اور کھیلوں کے لیے ایک ماحولیاتی نظام کو فروغ دینے اور عالمی سطح پر شاندار کارکردگی پیش کرنے کے لیے بہت سے پروگرام شروع کیے ہیں۔ اس سے ہمارے بہت سے کھلاڑیوں کی مدد ہوئی ہے۔ ملک کے فروغ اور ترقی کو آگے بڑھانے میں کھلاڑیوں اور بحری پیشہ ور افراد کی انمول شراکت کو تسلیم کرتے ہوئے، کھیلوں میں بہترین کارکردگی کا جشن منانے اور اسے فروغ دینے کے لیے مودی حکومت کا غیر متزلزل عزم جاری رہے گا۔ میں منو بھاکر کا اولمپکس میں ان کی حالیہ کارکردگی کے لیے شکریہ ادا کرنا چاہتا ہوں کیونکہ وہ 10 میٹر ایئر پسٹل مقابلے میں دو تمغے جیتنے والی واحد کھلاڑی بن گئی ہیں۔ میں منو بھاکر جی کے والدین کا بھی شکریہ ادا کرتا ہوں کہ انہوں نے اس شاندار ہنر کو نوازنے کے لیے جو ان کی بیٹی نے ملک کا نام روشن کرنے کا اعزاز حاصل کیا ہے۔ وہ ملک کے لیے مزید کئی تمغے جیتنے والی ہے کیونکہ اس میں بار بار چمکنے کی صلاحیت ہے،وژن ہے، لگن ہے، عزم  مصمم اور محنت ہے۔  ہمارا ملک منو  جی کے لیے  ہے اور ہمیشہ ان پر فخر کرے گا۔’’

اس تقریب میں بندرگاہوں، جہاز رانی اور آبی گزرگاہوں کی وزارت کے سکریٹری ٹی کے رامچندرن  اور جوائنٹ سکریٹری، ایم او پی ایس ڈبلیو ، آر لکشمنن؛ چیئرمین، ان لینڈ واٹر ویز اتھارٹی آف انڈیا (آئی ڈبلیو اے آئی)، وجے کمار اور دیگر نے بھی شرکت کی۔

*********

(ش ح – ش م – ت ح)

U. No.9908