وزارتِ تعلیم
جناب دھرمیندر پردھان نے پی ایم شری (ایس ایچ آر آئی) اسکولوں کے طلباء، اساتذہ، والدین اور پریرنا پروگرام کے سابق طلباء سے بات چیت کی
امرت پیڑھی کو بااختیار بنانا، حوصلہ افزائی کرنا اور ان کی صلاحیتوں کو بروئے کارلانا ہماری ترجیح ہے - جناب دھرمیندر پردھان
Posted On:
15 AUG 2024 8:57PM by PIB Delhi
مرکزی وزیر تعلیم جناب دھرمیندر پردھان نے پی ایم شری (ایس ایچ آر آئی) ان اسکولوں کے طلباء، اساتذہ اور والدین اور پریرنا پروگراموں کے سابق طلباء سے بات چیت کی جنہیں آج نئی دہلی میں 78ویں یوم آزادی کی تقریبات میں شرکت کے لیے خصوصی طور پر مدعو کیا گیا تھا۔ اس تقریب میں تعلیم کے وزیر مملکت ہنر مندی کی ترقی اور صنعت کاری کے وزیر مملکت اور وزیر مملکت (آئی سی)، جناب جینت چودھری بھی موجود تھے۔ جناب سنجے کمار، سکریٹری، محکمہ اسکولی تعلیم اور خواندگی (ڈی او ایس ای ایل)؛ جناب وپن کمار، ایڈیشنل سکریٹری، ڈی او ایس ای ایل ؛ محترمہ ارچنا شرما اوستھی، جوائنٹ سکریٹری، ڈی او ایس ای ایل ؛ اور وزارت کے دیگر افسران بھی تقریب میں موجود تھے۔
جناب دھرمیندر پردھان نے حاضرین سے خطاب کرتے ہوئے خصوصی حاضرین کے ساتھ بات چیت کرنے اور ان کے تجربات، خوابوں اور خواہشات کے بارے میں مزید جاننے میں اپنی خوشی کا اظہار کیا۔ انہوں نے کہا کہ ان کے ساتھ بات چیت نے انہیں یقین دلایا ہے کہ ہندوستان کا مستقبل محفوظ ہاتھوں میں ہے۔ جناب پردھان نے یہ بھی اجاگر کیا کہ حکومت کی ترجیح ملک کی امرت پیڑھی کو بااختیار بنانا، حوصلہ افزائی کرنا اور ان کی صلاحیتوں کو بروئے کار لانے کے لئے ایک وسیع رینج فراہم کرنا ہے۔
![https://static.pib.gov.in/WriteReadData/userfiles/image/image001MDYG.jpg](https://static.pib.gov.in/WriteReadData/userfiles/image/image001MDYG.jpg)
![Image](https://static.pib.gov.in/WriteReadData/userfiles/image/image002YLDR.jpg)
پی ایم شری اسکول کے بارے میں
پی ایم شری اسکول (پی ایم اسکول فار رائزنگ انڈیا)
حکومت ہند کی طرف سے مرکزی طور پرا سپانسر شدہ اسکیم ہے۔ اس اقدام کا مقصد 14500 سے زیادہ پی ایم شری اسکولوں کو تیار کرنا ہے جن کا انتظام مرکزی حکومت/ریاست/مرکز کے زیر انتظام علاقوں کی حکومت/مقامی اداروں بشمول کے وی ایس اور این وی ایس کے ذریعہ کیا جاتا ہے جس میں ہر طالب علم کو خوش آمدید اور دیکھ بھال کا احساس ہوتا ہے، جہاں ایک محفوظ اور حوصلہ افزا تعلیمی ماحول موجود ہوتا ہے، جہاں وسیع پیمانے پر سیکھنے کے تجربات کی ایک رینج پیش کی جاتی ہے، اور جہاں اچھا جسمانی بنیادی ڈھانچہ اور سیکھنے کے لیے موزوں وسائل تمام طلباء کے لیے دستیاب ہوتے ہیں۔
پریرنا کے بارے میں
پریرنا کلاس IX تا XII کے منتخب طلباء کے لیے ایک ہفتہ طویل رہائشی پروگرام ہے۔ یہ کلاس میں بہترین ٹیکنالوجی کے حامل طلباء کے لیے ایک تجرباتی اور متاثر کن سیکھنے کا پروگرام ہے جہاں ورثہ جدت سے ملتا ہے۔ ملک کے مختلف حصوں سے ہر ہفتے 20 منتخب طلباء (10 لڑکے اور 10 لڑکیاں) کا ایک بیچ پروگرام میں شرکت کرتا ہے۔
پریرنا پروگرام ہندوستان کے قدیم ترین زندہ شہروں میں سے ایک، وڈ نگر، مہسانہ ضلع، گجرات میں 1888 میں قائم ہونے والے ورناکولر اسکول سے چل رہا ہے۔ یہ اسکول وڈ نگر کے ناقابل تسخیر جذبے کو تحسین پیش کرتا ہے، ایک زندہ شہر جس نے زلزلوں اور قدرتی آفات جیسے چیلنجوں پر فتح حاصل کی ہے اور ابتدائی تاریخی دور سے اور جدید دور سے آباد قدیم ورثے کے مقامات اور یادگاروں کا گھر ہے۔ اسکول اس حقیقت کی نشاندہی کرتا ہے کہ غیر معمولی زندگی اکثر اپنی جڑیں عام بنیادوں میں تلاش کرتی ہے۔ ہندوستان کی مالامال تہذیب کی لازوال حکمت پر مبنی، یہ منفرد پہل وزیر اعظم جناب نریندر مودی کے اصولوں اور نظریات سے ہم آہنگ ایک وژن کو مجسم کرتی ہے، جو یہاں کے ایک سابق طالب علم رہےہیں۔
************
ش ح۔ ج ق ۔ م ص
(U:9876 )
(Release ID: 2045799)
Visitor Counter : 6