অকোইবগী ফিভম অমসুং ঊমংগী মন্ত্রালয়
2024গী নীংতম্বা নুমিৎকী মমাংদা ভারতনা রামসার সাইৎশিংগী লিস্ততা অতোপ্পা ৱেৎলেন্দ অহুম হাপচিল্লে হায়না কেন্দ্রগী ইনভাইরনমেন্ত মন্ত্রী শ্রী ভুপেন্দর য়াদবনা হায়খ্রে
মসিগী অহেনবা অসিগা লোইননা, লৈবাক অসিদা রামসার সাইৎশিংগী মশিং অসি হেক্তর 1358068গী লমদা কোন্দুনা 85 য়ৌরে
অনৌবা মফম অহুম অসি তমিল নাদুগী নঞ্জারায়ন বর্দ সেংচুএরী অমসুং কাজুভেলি বর্দ সেংচুএরী অমসুং মধ্য প্রদেশকী তাৱা রিজর্বরনি
লৈবাক অসিনা 2014-2024গী মনুংদা রামসর সাইৎশিংগী লিস্ততা অনৌবা ৱেৎলেন্দ 59 হাপখ্রে
হায়রিবা অনৌবা মশক খঙদোক্লবা মফমশিং অসি লৈবাক অসিদা ৱেৎলেন্দশিং ঙাক-শেন্নবা অমসুং মেনেজমেন্তকীদমক মন্ত্রালয়না লৌখৎলিবা মরু ওইবা থৌরাংগী খুদম অমনি
Posted On:
14 AUG 2024 3:42PM by PIB Imphal
ইং 2024গী নীংতম্বগী নুমিৎকী মমাংদা কেন্দ্রগী এনভাইরনমেন্ত, ফোরেস্ত অমসুং ক্লাইমেৎ চেঞ্জ মন্ত্রী শ্রী ভুপেন্দর য়াদবনা ভারতনা রামসার সাইতশিং (ইন্তর্নেস্নেল ইম্পোর্তেন্সকী ৱেৎলেন্দশিং) অসি হৌজিক লৈরিবা 82দগী ৱেৎলেন্দ সাইত অতোপ্পা অহুম অমা হাপচিন্দুনা 85তা হেনগৎহনখ্রে হায়না ফোংদোকখ্রে। নীংতম নুমিৎকী মমাংদা রামসার সাইৎ অহুম হাপচিনবদা শ্রী য়াদবনা Xতা পোস্ত তৌবা ৱারোল অমদা নুংঙাইবা ফোংদোকখি।
মসিগী মায় পাকপা অসিনা প্রধান মন্ত্রী শ্রী নরেন্দ্র মোদীজীনা মহৌশাগা লৈনবা মরী ঙাকপা, ঐখোয়গী ৱেৎলেন্দশিংবু অমৃত ধরোহর হায়না কৌনবা অমসুং মখোয়বু কঞ্জার্বেসন তৌনবা লেপ্পা লৈতনা থবক তৌনবা মরুওইবা পীরিবা অসিগী মমি তারি হায়না শ্রী য়াদবনা হায়খি।
মশাগী ৱেতলেন্দ সাইতশিংবু রামসর সাইতকী মনুং চনখ্রবা তমিল নাদু অমসুং মধ্য প্রদেশকী রাজ্যশিংবু কেন্দ্রগী মন্ত্রীনা থাগৎপা ফোংদোকখি। ভিক্সিৎ ভারত অসি গ্রীন ভারত অমা ওইগনি হায়বগী অচেৎপা ৱাফম থমগদবনি হায়নসু শ্রী য়াদবনা ফোংদোকখি।
মসিগা লোয়ননা, রামসার সাইৎশিংগী অপুনবা পাক চাউবা অসি লৈবাক অসিদা হেক্তর 135806757 য়ৌরে। অনৌবা মফম অহুম অসি তমিল নাদুগী নঞ্জারায়ন বর্দ সেংচুএরী অমসুং কাজুভেলী বর্দ সেংচুএরী অমসুং মধ্য প্রদেশকী তাৱা রিজর্বরনি। হায়রিবা অনৌবা মশক খঙদোক্লবা মফমশিং অসি লৈবাক অসিদা ৱেৎলেন্দশিং ঙাক-শেন্নবা অমসুং মেনেজমেন্তকীদমক মিনিস্ত্রী ওফ ইনভাইরনমেন্ত, ফোরেস্ত অমসুং ক্লাইমেৎ চেঞ্জনা লৌখৎলিবা মরুওইবা পোলিসীগী খোঙথাংশিংগী খুদম অমনি।
ভারত অসি রামসার, ইরানদা ইং 1971দা খুৎয়েক পীনখিবা রামসার কনভেন্সনগী কন্ত্রেক্তিং পার্তীশিংগী মনুংদা অমনি। ভারত অসি 1982গী ফেব্রুৱারী 1দা কনভেন্সন অসিদা খুৎয়েক পীনরকখি। 1982দগী 2013 ফাওবদা, রামসর সাইৎশিংগী লিস্ততা অপুনবা মফম 26 হাপখি, অদুবু, 2014দগী 2024 ফাওবদা, লৈবাক অসিনা রামসর সাইৎশিংগী লিস্ততা অনৌবা ৱেৎলেন্দ 59 হাপখি।
হৌজিক্কী ওইনা, তমিল নাদুদা রামসর সাইৎ খ্বাইদগী য়াম্না লৈরি (সাইৎ 18) । মসিগী মতুংদা উত্তর প্রদেশনা মথং মথং লাক্লি (সাইৎ 10) ।
রামসর সাইত্তা নৌনা হাপখ্রবা মফমশিং
মথং মনাও
|
রামসর সাইত মমিং
|
হাপখিবা নুমিৎ
|
রাজ্য
|
অপুনবা পাক চাউবা (হেক্তরদা)
|
1
|
নঞ্জরায়ন বর্দ সেংচুএরী
|
16.01.2024
|
তমিল নাদু
|
125.865
|
2
|
কাজুবেল্লী বর্দ সেংচুএরী
|
16.01.2024
|
তমিল নাদু
|
5151.6
|
3
|
তাৱা রিজার্বর
|
08.01.2024
|
মধ্য প্রদেশ
|
20050
|
অপুনবা: 25327.465
রামসর সাইৎ 85 হাপখিবা চহিশিং
মথং মনাও
|
হাপখিবা চহি
|
হাপখিবা মশিং
(হাপখিবা নুমিৎকী মখা পোন্না)
|
2013 ফাওবদা হাপখিবা অমসুং 2014দগী হৌজিক ফাওবদা হাপখিবশিং
|
অপুনবা পাক চাউবা (হেক্তরদা)
|
|
1
|
1981
|
2
|
26
(1981 দগী 2013 ফাওবা)
|
633871
|
|
2
|
1990
|
4
|
|
3
|
2002
|
13
|
4
|
2005
|
6
|
5
|
2012
|
1
|
6
|
2019
|
11
|
59
(2014 দগী 2024 ফাওবা)
|
724196.757
|
|
7
|
2020
|
5
|
|
8
|
2021
|
14
|
9
|
2022
|
19
|
10
|
2024
|
10
|
|
অপুনবা
|
85
|
85
|
1358067.757
|
|
1. নঞ্জরায়ন বর্দ সেংচুএরী:
তমিল নাদুগী তিরুপ্পুর জিলাগী উথুকলী তালুক্কী অৱাং নোংপোক মায়কৈদা লৈবা অথেনবা ৱেৎলেন্দগী মফমদা নঞ্জরায়ন পাৎ অসি লৈবনি। লমদমসিগী ঈশিং-ঈচাউগী মফমশিং অসি অয়াম্বনা নুংশিৎকী ফিভমগী মখা পোল্লি, মরুওইনা নাল্লার দ্রেনেজতগী লাকপা ঈশিং মরাং কায়না চঙলকপদা। নঞ্জারায়ন পাৎ অসি তিরুপপুর শহরদগী কি.মি. 10 রোম অৱাংলোমদা লৈবা তিরুপপুর-উথুক্কুলী মেন রোদতা লৈবা তিরুপপুর জিলাগী সরকর পেরিয়াপালায়ম খুঙ্গংগী মনাক্তা লৈবা হেক্তর 125.865গী এরিয়া অমদা লৈ। পাৎ অসি খুঙ্গং অনি (সারকার পেরিয়াপালায়ম অমসুং নেরুপেরিচল)গী মখাদা লৈ। চহি চা কয়াগী মমাংদা লমদম অসিবু লৈঙাক্লম্বা নিংথৌ নঞ্জারায়ন্না মসিবু শেমগৎ-শাগৎপা অমসুং অমুক হন্না শেমগৎখিবা অদুদগী পাৎ অসিগী মমিং অসি থোনখিবনি।
মসিগী মথক্তা, পাৎ অসিগী মনুং অমসুং অকোইবদা উচেক মখল 191, কুরাক মখল 87, অম্ফিবিয়ন মখল 7, রেপ্তাইল মখল 21, অপীকপা মেমলম মখল 11 অমসুং পাম্বী মখল 77 থেংনখি। মফম অসি রেসিদেন্ত বর্দ স্পিসিসশিংগীদমক ফীদিং অমসুং নেস্তিং হেবিতেত ওইনা মথৌ তৌই, মাইগ্রেতিং বর্দশিংনা মাইগ্রেতিং সিজনগী মতমদা মসিগী পাৎ অসিবু মখোয়গী ফীদিং গ্রাউন্দ ওইনা শিজিন্নৈ। পাৎ অসি লমদম অসিদা লৌউ-শিংউগী পান্দমগীদমক মরুওইবা ঈশিংগী হৌরকফম অমা ওইনসু মথৌ তৌই। পাৎ অসিনা গ্রাউন্দ ৱাতর রিচার্জ তৌবদা মরুওইবা থৌদাং অমা লৌই। তমিল নাদুগী অঙকপা মখল কয়াগী অইং অশাগী মতুং ইন্না পাৎ অসি তমিল নাদুগী 17শুবা বর্দ সেংচুএরী ওইনা লাউথোকখ্রে। মফম অদুগী খুন্নাইনা পাৎ অমসুং মসিগী লৈফম অসিবু ঙাক-শেন্নবা এসোসিয়েসন অমা শেমখ্রে। ফোরেস্ত দিপার্তমেন্তনা লোকেল কম্ম্যুনিতীগা খুৎশম্নদুনা পাৎ অসিবু তুং কোইনা চৎনহনগনি।
![](https://static.pib.gov.in/WriteReadData/userfiles/image/111111ghgX542.png)
বার হেদেদ গুজ নোরদর্ন শোবেল্লরগী শঙ্গু
![](https://static.pib.gov.in/WriteReadData/userfiles/image/222222gffgVQ1V.png)
জুবেনাইল স্পোত-বিল্দ পেলিকানগী শঙ্গু হেরোনরী
2. হেক্তর 5151.6গী এরিয়া অমা কোনশিনবা কাজুভেলী বর্দ সেংচুএরী অসি কুমজা 2021দা তমিল নাদুগী 16শুবা বর্দ সেংচুএরী ওইনা লাউথোকখি। মসি পোন্দিচেরীগী অৱাংথংবা, ভিল্লুপুরম দিস্ত্রিক্তা লৈবা কোরোমন্দেল কোস্ততা লৈবা অথেনবা পাৎ অমনি। পাৎ অসি বে ওফ বেঙ্গলগা উপুকাল্লি ক্রিক অমসুং এদয়ান্তিৎতু ইস্তুএরীগা শম্নৈ। কাঝুভেলী অসি মরুওইবা অমসুং বাইওদাইভর্সিটি য়াম্না লৈবা ৱেতলেন্দ অমনি। পাৎ অসি পেনিন্সুলার ইন্দিয়াগী খ্বাইদগী চাউবা ৱেতলেন্দশিংগী মনুংদা অমনি। ঈশিংগী ফিচরশিংদা য়ুম্ফম ওইদুনা পাৎ অসিবু শরুক অহুম থোক্না খায়দোকপা য়াই, হায়বদি, ঈশিং মরাং কায়না লৈবা ইস্তুরাইন শরুক, সমুদ্রগী ঈশিং পীরিবা উপপোকালি ক্রিক অমসুং মহি-মনাইগী ঈশিং য়াওবা কাজুভেলী বেসিন।
কাজুভেলী বর্দ সেংচুএরী অসি সেন্ত্রেল এসিয়ন ফ্লাইৱেদা লৈ। মসি মাইগ্রেতিব স্পিসিসকী উচেকশিংগী মরুওইবা স্তোপওভর সাইত অমনি অমসুং রেসিদেন্ত স্পিসিসকী উচেকশিংগী মচা য়োকপগী মফম অমনি, ঙাশিংগী মচা য়োকপগী মফম অমনি অমসুং একুইফরশিংগী মরুওইবা রিচার্জ সোর্স অমা ওইনা মথৌ তৌই। অয়ুক-নুমিদাংগী ঈশিং লৈবা মফমশিংদা এভিসেন্নিয়া স্পিসিস য়াওবা য়াম্না ফৎলবা মেঙ্গ্রোভ পেচশিং ফংই। মমাংগী চহিশিংদা, হায়রিবা মফম অসি ত্রোপিকেল দিরি এভরগ্রীন ফোরেস্তশিং লৈরম্মি হায়না পাউদম্নখি। হায়রিবা মফম অসিদা, রীদ (তাইফংগুস্তাতা) অসি হেক্তর চাম্মরোমদা ফংই।
![](https://static.pib.gov.in/WriteReadData/userfiles/image/3333333333333hjhjgjg7Z1S.png)
য়ুরেসিয়ন কুত অমসুং মখোয়গী মচাশিং পেন্তেদ স্তোর্ক
![](https://static.pib.gov.in/WriteReadData/userfiles/image/444444444444dsfdsfsdf4VYB.png)
গ্রেতর ফ্লেমিঙ্গোগী শঙ্গু ব্লেক হেদেদ আইবিসকী শঙ্গু
3. তাৱা রিজর্বর অসি তাৱা অমসুং দেনৱা তুরেলগী পূনফমদা শাবনি। মালানী, সোনভদ্রা অমসুং নাগদৱারী হায়রিবা তুরেলশিং অসি তাৱা রিজর্বরগী মরুওইবা মশাশিংনি। তাৱা তুরেল, লেফ বেঙ্কগী শরুক অমা ওইরিবা তুরেল অসি চিংদুরা জিলাগী মহাদেও চিংদগী হৌরকই, বেতুল জিলাগী খুত্থাংদা চেনশিল্লি অমসুং নর্মদা জিলাগী নর্মদা তুরেলদা চেনশিল্লি। মসি নর্মদা তুরেলগী খ্বাইদগী শাংবা শরুক্নি (কিলোমীতর 172) । তাৱা রিজর্বর অসি ইতারসি শহরগী মনাক্তা লৈ। রিজর্বৱার অসি মরু ওইনা ইরিগেসনগীদমক্তা শাখি। অদুবু তুংদা মসি পাৱর পুথোক্নবা অমসুং এক্বাকলচরগীদমক্তা শীজিন্নরক্লি। তাৱা রিজর্বৱারগী অপুনবা সবমের্সেন্স এরিয়া অসি হেক্তর 20,050নি। রিজর্বৱার অসিগী অপুনবা বেসিনেসন এরিয়া অসি হেক্তর 598,290নি।
তাৱা রিজর্বর অসি নর্মদাপুরম দিস্ত্রিক্তকী ফোরেস্ত দিপার্তমেন্তকী এদমিনিস্ত্রেতিব কন্ত্রোল মখাদা লৈ। রিজার্বয়র অসি সাতপুরা তাইগর রিজার্বকী মনুংদা লৈ অমসুং মসিনা সাতপুরা নেস্নেল পার্ক অমসুং বোরি ৱাইল্দলাইফ সেংচুএরীগী নোংচুপ থংবা ঙমখৈ শেম্মি। রিজর্বৱার অসি ঈশিংগী পাম্বী অমসুং শা-ঙা মরুওইনা উচেক অমসুং লম্লক্কী শা-ঙাগীদমক মরু ওই। মফম অসিদা পাম্বী, রেপ্তাইল অমসুং ইন্সেক্তকী য়াম্না তাঙবা অমসুং মুৎশিল্লক্লিবা স্পিসিস কয়া অমা ফংই। মসি মফম অসিদা লৈবা অমসুং মফম হোংবা ঙম্বা উচেকশিংগী মরুওইবা মফম অমনি। মসি মধ্য প্রদেশকী খ্বাইদগী চাউবা ঙাক-শেনবা মফম অমনি। লমদম অসি ইকোলোজিকেল, আর্কিোলোজিকেল, হিস্তোরিকেল অমসুং ফোরেস্তরীগী মীৎয়েংদগী তোপ তোপ্পা মশক কয়া অমা লৈ।
![](https://static.pib.gov.in/WriteReadData/userfiles/image/5555555fgfdgfdgfdD5OK.png)
তাৱা রিজর্বরগী মনিং তাৱা রিজর্বরদা লৈবা স্পোত্তেদ দিয়র
![](https://static.pib.gov.in/WriteReadData/userfiles/image/666666666gdfgdfgdfBXCI.png)
পেন্তেদ স্তোর্ক্কী শঙ্গু রিভর তর্নগী মরুক কোকফম
*****
(Release ID: 2045422)
Visitor Counter : 11