دیہی ترقی اور زراعت اور کسانوں کی بہبود کے مرکزی وزیر جناب شیوراج سنگھ چوہان نے کہا کہ کیوں کوئی گاؤں میں غریب ہی رہے اور اسی لیے ہمارے وزیر اعظم کا  غریبی سے پاک گاؤں  کا ایک خوابہے۔ مرکزی وزیر آج راجندر نگر تلنگانہ کے نیشنل انسٹی ٹیوٹ آف رورل ڈیولپمنٹ اینڈ پنچایتی راج کی 66ویں جنرل کونسل میٹنگ میں شرکت کے بعد اجتماع سے خطاب کررہے تھے۔

جنابچوہان نے مزید کہا کہ ’’گاؤں میں کوئی بھی غریب نہیں ہونا چاہئے اور ہر ایک کو روزگار ملنا چاہئے۔ مہاتما گاندھی کا وژن گرام سوراج تھا۔ جب ہم دیہی ترقی کی بات کرتے ہیں تو انفراسٹرکچر کی ترقی سب سے آگے ہے۔ جناب چوہان نے مزید کہا کہ دیہی ترقی کا مطلب ہے اچھے اسکول، اچھا پنچایت بھون، اچھاکمیونٹی بھون، گاؤں میں صحت کی بہتر سہولیات۔ اس لیے بنیادی ڈھانچہ اہم ہے۔ گاؤں کو مناسب سڑک کنیکٹیویٹی، پینے کے پانی، صحت کی سہولیات وغیرہ کی ضرورت ہے۔ آنجہانی وزیر اعظم جناب اٹل بہاری واجپئی نے سال  2000 میں پردھان منتری گرام سڑک یوجنا (پی ایم جی ایس وائی) کا آغاز کیا، اور ان منصوبوں کو ہمارے دور اندیش وزیر اعظم جناب نریندر مودی نے آگے بڑھایا۔ جب دیہی بنیادی ڈھانچے کی ترقی کی بات کی جاتی ہے، تو جل جیون مشن ایک اور اسکیم قابل ذکر ہے۔‘‘

آجیویکا اسکیم کا ذکر کرتے ہوئے مرکزی وزیر نے کہا کہ دیہی ترقی کی وزارت نے روزی روٹی مشن کے ذریعے بہنوں کو بااختیار بنانے کے لیے ایک شاندار کام کیا ہے۔ ملک بھر میں 10 کروڑ بہنیں روزی روٹی مشن سے وابستہ ہیں۔ بہنوں نے نہ صرف اپنی زندگی بدلی ہے بلکہ ہندوستان کی معیشت کو بدلنے میں بھی اہم کردار ادا کر رہی ہیں۔ یہ صرف ہندوستان بھر میں خواتین کو دی گئی تربیت اور صلاحیت سازی کی وجہ سے ممکن ہے، وہ لیڈر بن کر ابھر رہی ہیں۔ جناب چوہان نے مزید کہا کہ ہمارے وزیر اعظم نے فیصلہ کیا ہے کہ فی الحال 1 کروڑ لکھ پتی دیدی ہیں اور اب 3 کروڑ لکھ پتی دیدی بنانے ہیں۔ ہم گاؤں تک تمام ضروری سہولیات پہنچانے کی بھرپور کوشش کر رہے ہیں۔

مرکزی وزیر نے کہا کہ دیہی ترقی کی وزارت کو ایک تھنک ٹینک کی شکل میں این آی آر ڈی پی آرکی طرف سے ادا کیے گئے اہم کردار کے علاوہ، مزید صلاحیت سازی اور تربیتی سرگرمیوں کی ضرورت ہے۔ جنابشیوراج سنگھ چوہان نے مزید کہا کہ این آی آر ڈی پی میں پوسٹ گریجویٹ پروگرام کرنے والے طلباء دیہی ترقی کے لیے کام کریں۔

اس موقع پر، پی ایچ ڈی کے لیے جے این یو، نئی دہلی کے ساتھ دو مفاہمت نامے پروگرام اور انڈین انسٹی ٹیوٹ آف پبلک ایڈمنسٹریشن (آئی آئی پی اے)، نئی دہلی، نے معززین کی موجودگی میں دستخط کئے۔ مرکزی وزیر برائے دیہی ترقی اور زراعت اور کسانوں کی بہبود نے گرام روزگار سیوک (جی آر ایس) کے لیے آن لائن کورس کا بھی آغاز کیا۔

دن کے بعد، جناب شیوراج سنگھ چوہان نے کیمپس میں دیہی ٹیکنالوجی پارک کا دورہ کیا اور پی ایم اے وائی-جی ماڈل ہاؤس (ڈبل بیڈ روم) کا افتتاح کیا۔ گھر 409.5 مربع فٹ میں تعمیر کیا گیا تھا۔ 4.04 لاکھ روپے کی لاگت سے، جو کہ 987 روپے فی مربع فٹ بنتا ہے۔ گھر کی تعمیر ٹیکنالوجی کے استعمال سے کی گئی ہے جیسے کہ فاؤنڈیشن کے لیے بے ترتیب ملبے کے پتھر، اینٹوں کے کالم اور آر سی سی بیم، بامکریٹ والنگ کیمیکل ٹریٹڈ بانس کی پٹیوں کا استعمال کرتے ہوئے، مخروطی ٹائلوں کی چھت، فرش کے لیے مقامی طور پر دستیاب پتھر اور گائے کے گوبر پر مبنی پینٹ سے پینٹ کیا گیا ہے۔

جناب کملیش پاسوان، مرکزی وزیر مملکت برائے دیہی ترقی؛ ڈاکٹر چندر شیکھر پیمسانی، مرکزی وزیر مملکت برائے دیہی ترقی اور مواصلات؛ جناب شیلیش کمار سنگھ، سکریٹری، دیہی ترقی؛ ڈاکٹر جی نریندر کمار، ڈائریکٹر جنرل، این آئی آر ڈی پی آر؛ محترمہ تنوجا ٹھاکر خالقو، جے ایس اینڈ ایف اے، ایم او آر ڈی؛ محترمہ کیرلین کھونگوار دیشمکھ، ایڈیشنل سیکرٹری، ایم او آر ڈی؛ جواہر لال نہرو یونیورسٹی کے وائس چانسلر پروفیسر سنت شری دھولیپوڈی پنڈت اور انڈین انسٹی ٹیوٹ آف پبلک ایڈمنسٹریشن کی پروفیسر نوپور تیواری بھی موجود تھیں۔

مرکزی وزیر اور دیگر معززین نے آر ٹی پی میں پودے لگائے اور پارک میں مڈ بلاک بنانے والے یونٹ کا بھی دورہ کیا۔

************

ش ح ۔ ا  م    ۔  م  ص ۔

 (U: 9782)

(Release ID: 2045007) Visitor Counter : 76