ہندوستان- سری لنکا کی مشترکہ فوجی مشق  متر  شکتی کا 10 واں ایڈیشن آج، آرمی ٹریننگ اسکول، مدورو اویا، سری لنکا میں شروع ہوا۔ یہ مشق 12 سے 25 اگست 2024 تک منعقد کی جائے گی۔

مجموعی طور پر 106  اہلکاروں پر مشتمل ہندوستانی دستے کی نمائندگی راجپوتانہ رائفلز کی ایک بٹالین کے ساتھ دیگر ہتھیاروں اور خدمات کے اہلکاروں نے کی ہے۔ سری لنکا کے دستے کی نمائندگی سری لنکن فوج کی گجابا رجمنٹ کے اہلکار کر رہے ہیں۔ مشترکہ مشق متر شکتی ،  ایک سالانہ تربیتی پروگرام ہے جو  باری باری سے  ہندوستان اور سری لنکا میں منعقد کیا جاتا ہے۔ آخری ایڈیشن نومبر 2023 میں پونے میں منعقد کیا گیا تھا۔

مشترکہ مشق کا مقصد ، اقوام متحدہ کے منشور کے باب VII کے تحت ،  ذیلی روایتی منظر نامے میں شورش کے خلاف کارروائیوں کے لیے دونوں فریقوں کی مشترکہ فوجی صلاحیت کو بڑھانا ہے۔ مشق نیم شہری ماحول میں آپریشنز پر توجہ مرکوز کرے گی۔

مشق کے دوران ریہرسل کی جانے والی ٹیکٹیکل مشقوں میں دہشت گردی کی کارروائی کا جواب، مشترکہ کمانڈ پوسٹ کا قیام، ایک انٹیلی جنس اور نگرانی کے مرکز کا قیام، ہیلی پیڈ /  لینڈنگ سائٹ کی حفاظت، چھوٹی ٹیم کا اندراج اور اخراج ، خصوصی ہیلی بورن آپریشنز اور کورڈن  ،  ڈرونز اور کاؤنٹر ڈرون سسٹم کی ملازمت کے علاوہ سرچ آپریشنز اور دیگر مشقیں شامل ہیں ۔

متر شکتی کی مشق ، دونوں فریقوں کو حکمت عملیوں، تکنیکوں اور مشترکہ کارروائیوں کے طریقہ کار میں بہترین طریقوں کا اشتراک کرنے کے قابل بنائے گی۔ یہ دونوں فوجوں کے درمیان باہمی تعاون، دوستی اور تعلقات  کو فروغ دینے میں سہولت فراہم کرے گی۔ مشترکہ مشق دفاعی تعاون کو بھی فروغ دے گی اور دونوں دوست ممالک کے درمیان دوطرفہ تعلقات کو مزید فروغ دے گی۔

************

ش ح   ۔    اع   ۔    ت ح

(U: 9736)