ہندوستان کی صدرجمہوریہ  محترمہ دروپدی مرمو آج صبح (10 اگست 2024) فیجی، نیوزی لینڈ اور تیمور-لیستے کے اپنے سرکاری دورے کے آخری مرحلے میں ڈلی، تیمور-لیسے پہنچیں۔ یہ کسی ہندوستانی سربراہ مملکت کا اس ملک کا پہلا دورہ ہے۔

صدر جمہوریہ دروپدی مرمو کا ہوائی اڈے پر تیمور کے صدر ہوزے راموس ہورٹا نے پرتپاک استقبال کیا۔ ایئرپورٹ سے واپسی پر بچوں نے ان کا استقبال کیا۔

صدر مرمو نے اپنے ہم منصب صدر ہوزے راموس ہورٹا سے سرکاری محل میں ملاقات کی۔ ملاقات کے دوران، دونوں رہنماؤں نے ہندوستان اور تیمور-لیستے کے درمیان دو طرفہ تعاون کو بڑھانے کے مواقع پر تبادلہ خیال کیا۔ انہوں نے کہا کہ ہمارے پاس انفارمیشن ٹیکنالوجی، فن ٹیک، ہیلتھ کیئر، زراعت اور صلاحیت سازی جیسے شعبوں میں دوطرفہ تعاون کو مضبوط کرنے کے کافی مواقع ہیں۔ انہوں نے صدر ہوزے راموس ہورٹا کو یقین دلایا کہ ہندوستان تیمور لیستے کا ایک مضبوط شراکت دار رہے گا اور ہم ترقیاتی تعاون اور دیگر شراکت داری کو بڑھانے کی ہر ممکن کوشش کریں گے۔

صدر ہوزے راموس ہورٹا نے صدر دروپدی مرمو کو گرینڈ کالر آف دی آرڈر آف تیمور لیستے سے نوازا، جو ملک کا سب سے بڑا شہری اعزاز ہے۔ یہ ایوارڈ عوامی خدمت اور تعلیم، سماجی بہبود اور خواتین کو بااختیار بنانے میں ان کی کامیابیوں کے اعتراف میں دیا جاتا ہے۔ صدر دروپدی مرمو نے کہا کہ یہ اعزاز ہندوستان اور تیمور-لیستے کے درمیان دوستانہ تعلقات کا عکاس ہے۔

ملاقات کے بعد دونوں رہنماؤں نے پریس بیان جاری کیا۔

تیمور کے وزیر اعظم کائے رالا زنانا گسماو نے اگلے پروگرام میں صدر دروپدی مرمو سے ملاقات کی۔ دونوں رہنماؤں نے دفاعی اور سیکورٹی تعاون، کنیکٹیویٹی، تجارت اور سیاحت جیسے وسیع مسائل پر تبادلہ خیال کیا۔ صدر دروپدی مرمو اور وزیر اعظم کائے رالا  زنانا گسماو نے تین مفاہمت ناموں پر دستخط کیے، جن میں (i) ثقافتی تبادلے، (ii) پرسار بھارتی اور 'تیمور-لیستے ریڈیو اینڈ ٹیلی ویژن' (آر ٹی ٹی ایل) کے درمیان تعاون، (iii) سرکاری اور سروس پاسپورٹ رکھنے والوں کے لیے سفارتی، بشمول ویزا کی شرائط سے استثنیٰ موضوعات شامل ہیں ۔ صدر نے اس اعتماد کا اظہار کیا کہ ان مفاہمت ناموں سے دونوں ممالک کے درمیان دوطرفہ تعلقات مزید مستحکم ہوں گے۔ صدر دروپدی مرمو نے آخری تقریب میں "ہورٹا شو" کے مہمان خصوصی کے طور پر شرکت کی، جو مقبول پروگرام صدر ہوزے راموس ہورٹا نے تیمور-لیستے ریڈیو اور ٹیلی ویژن (آر ٹی ٹی ایل) پر میزبانی کی تھی۔ ایک دلچسپ اور انوکھی گفتگو میں، اس نے اپنی زندگی کے سفر، ہندوستان کے بھرپور ثقافتی ورثے، پسماندہ برادریوں کو بااختیار بنانے کے لیے حکومت ہند کے اقدامات اور خواتین کو بااختیار بنانے کے لیے اپنے وژن کے بارے میں فصاحت کے ساتھ بات کی۔

صدر دروپدی مرمو نے تیمور-لیستے میں ہندوستان کے سفیر کی طرف سے منعقدہ ہندوستانی کمیونٹی کی استقبالیہ تقریب میں شرکت کی۔ اجتماع سے خطاب کرتے ہوئے انہوں نے کہا کہ تیمور لیستے میں ہندوستانی برادری چھوٹی ہے لیکن ہندوستان کے ساتھ تعاون بڑھانے میں متحرک اور موثر ہے۔ وہ ایک اہم قوت ہیں جو ثقافتوں کو جوڑتی ہیں اور سرحدوں سے باہر خیر سگالی کو فروغ دیتی ہیں۔ انہوں نے ان پر زور دیا کہ وہ تیمور-لیستے کے ساتھ تعاون کو بڑھانے کی ہندوستان کی کوششوں میں فعال کردار ادا کریں۔

صدر ہوزے راموس ہورٹا نے دن کی آخری سرکاری تقریب میں پالاسیو نوبرے ڈی لوہانے میں صدر دروپدی مرمو کے اعزاز میں ضیافت کا اہتمام کیا۔

اس موقع پر اپنی تقریر میں صدر دروپدی مرمو نے کہا کہ تیمور-لیستے کے ساتھ مضبوط تعلقات کو فروغ دینے کے لیے ہندوستان کا عزم امن، استحکام اور خوشحالی کو فروغ دینے کے ہمارے مشترکہ اہداف سے ظاہر ہوتا ہے۔ انہوں نے یقین دلایا کہ ہندوستان عالمی امن کے لیے ایک طاقت رہے گا اور اپنے واسو دھئیو کٹمبکم کے اصولوں کے مطابق خوشحالی کا اشتراک کرے گا۔

صدر دروپدی مرمو اپنے تین ملکی سرکاری دورے کی کامیاب تکمیل کے بعد کل (11 اگست 2024) نئی دہلی روانہ ہوں گی۔ اس دورے پر ان کے ساتھ وزیر مملکت جناب جارج کورین اور لوک سبھا کے ممبران پارلیمنٹ جناب سومترا خان اور جناب  جگل کشور بھی تھے۔

**********

ش ح ۔ ا م    ۔  م  ص۔

 (U: 9703)