டிஜிட்டல் இந்தியா தொலைநோக்கு பார்வைக்கு இணங்க, மின்னணு மற்றும் தகவல் தொழில்நுட்ப அமைச்சகம்  தேசிய மின்-ஆளுமை பிரிவின் திறன் வளர்ப்பு திட்டத்தின் மூலம் டிஜிட்டல் ஆளுகைக்கான ஒருங்கிணைந்த மற்றும் தரப்படுத்தப்பட்ட அணுகுமுறையை தொடர்ந்து இயக்குகிறது.

விசாகப்பட்டினத்தில் உள்ள இந்திய மேலாண்மை நிறுவனத்துடன் இணைந்து 2024 ஆகஸ்ட் 8 முதல் 09 வரை செயற்கை நுண்ணறிவு இயந்திரவியல் கற்றல் பயன்பாடுகள்' குறித்த 2 நாள் பயிற்சித் திட்ட நிகழ்ச்சியில், ஓய்வு பெற்ற வருமான வரித்துறையின் முதன்மை  ஆணையர் திரு ஜி.டி.வெங்கடேஸ்வர ராவ், தலைமை விருந்தினராக கலந்து கொண்டார். புதுதில்லி, கேரளா, லட்சத்தீவு, தமிழ்நாடு, தெலுங்கானா, திரிபுரா மற்றும் மேற்கு வங்கத்தைச் சேர்ந்த 26 பங்கேற்பாளர்களுடன், விசாகப்பட்டினம் ஐஐஎம்மில் கலந்து கொண்டனர்.

தொடக்க உரையில், செயற்கை நுண்ணறிவு மற்றும் இயந்திர வழிகற்றலை தற்போதுள்ள அமைப்புகளில் தடையின்றி ஒருங்கிணைக்க உதவும் உள்கட்டமைப்பை உருவாக்குவதற்கான முக்கியமான தேவைக்கு முக்கியத்துவம் அளிக்கப்பட்டது, அதே நேரத்தில் தரவு பாதுகாப்பு மற்றும் தனியுரிமையையும் பாதுகாக்கிறது. AI மற்றும் ML இன் சக்தியைப் பயன்படுத்துவதன் மூலம், அரசு குடிமக்களின் தேவைகளை சிறப்பாக எதிர்பார்க்கலாம், செயல்முறைகளை நெறிப்படுத்தலாம் மற்றும் தகவலறிந்த, தரவு உந்துதல் முடிவுகளை எடுக்கலாம் என திரு வெங்கடேஸ்வர ராவ் கூறினார்.

செயற்கை நுண்ணறிவை பொறுப்புடன் செயல்படுத்துவதற்கான பயனுள்ள உத்திகளை அதிகாரிகளுக்கு வழங்குவதே இந்தத் திட்டத்தின் குறிக்கோள். இது ஒழுங்குமுறை சவால்களை வழிநடத்துதல், நெறிமுறை தரநிலைகளைப் பின்பற்றுதல் மற்றும் விளக்கக்கூடிய மற்றும் தனியுரிமை விதிமுறைகளுக்கு இணங்கக்கூடிய நடைமுறைகளைப் பராமரித்தல் ஆகியவற்றை உள்ளடக்கியது.

டிஜிட்டல் இந்தியா திட்டத்தின் கீழ் உள்ள திறன் மேம்பாட்டுத் திட்டம், அனைத்து அரசு மட்டங்களிலும் போதுமான மற்றும் பொருத்தமான திறன்களை உருவாக்குவதையும், மின்-ஆளுமை திட்டங்களை கருத்தாக்கம், வழிநடத்துதல், வடிவமைத்தல் மற்றும் செயல்படுத்த தேவை அடிப்படையிலான பயிற்சியை வழங்குவதையும் நோக்கமாகக் கொண்டுள்ளது. ஏராளமான அரசு அதிகாரிகளைச் சென்றடையவும், அவர்களுக்கு தொடர்புடைய திறன்களில் பயிற்சி அளிக்கவும் தீவிர முயற்சிகள் மேற்கொள்ளப்பட்டுள்ளன.

---

PKV/KPG/DL

(Release ID: 2043874) Visitor Counter : 16