ڈیجیٹل انڈیا وژن کے ساتھ ہم آہنگی میں، الیکٹرانکس اور انفارمیشن ٹیکنالوجی کی وزارت (ایم ای آئی ٹی وائی ) قومی ای گورننس ڈویژن (این ای جی ڈی ) کی صلاحیت سازی اسکیم کے ذریعے ڈیجیٹل گورننس کے لیے مربوط اور معیاری نقطہ نظر کو آگے بڑھا رہی ہے ۔

انڈین انسٹی ٹیوٹ آف مینجمنٹ، وشاکھاپٹنم کے تعاون سے این ای جی ڈی ، ایم ای آئی ٹی وائی  کے ذریعے 8 سے  9 اگست 2024 تک ‘اے آئی / ایم ایل  ایپلی کیشنز’ پر 2 روزہ تربیتی پروگرام کا افتتاح آئی آئی ایم، وشاکھاپٹنم میں مہمان خصوصی جناب  جی. ٹی.  وینکٹیشور راؤ،  آئی آر ایس (ریٹائرڈ)، پرسنل کمیشنر آف انکم ٹیکس   -  نے کیا جس میں نئی ​​دہلی، کیرالہ، لکشدیپ ، تمل ناڈو ، تلنگانہ ، تریپورہ اور مغربی بنگال کے 26 شرکاء موجود تھے ۔

افتتاحی خطاب میں، بنیادی ڈھانچے کو تیار کرنے کی اہم ضرورت پر زور دیا گیا جو موجودہ سسٹمز میں اے آئی  اور مشین لرننگ کے بغیر کسی رکاوٹ کے انضمام کی سہولت فراہم کرتا ہے، جبکہ ڈیٹا کی حفاظت اور رازداری کا بھی تحفظ کرتا ہے۔  اے آئی اور  ایم ایلکی طاقت کو بروئے کار لا کر، حکومتیں شہریوں کی ضروریات کا بہتر انداز میں اندازہ لگا سکتی ہیں، عمل کو ہموار کر سکتی ہیں، اور باخبر، ڈیٹا پر مبنی فیصلے کر سکتی ہیں۔

اس پروگرام کا مقصد افسران کو اے آئی کے ذمہ دارانہ نفاذ کے لیے موثر حکمت عملی فراہم کرنا ہے ۔ اس میں نیویگیٹنگ ریگولیٹری چیلنجز، اخلاقی معیارات پر عمل درآمد  اور ایسے طور  طریقوں کو برقرار رکھنا شامل ہے جو قابل وضاحت اور رازداری کے ضوابط کے مطابق ہوں ۔

ڈیجیٹل انڈیا پروگرام کے تحت صلاحیت سازی کی اسکیم تمام سرکاری سطحوں پر مناسب اور متعلقہ صلاحیتوں کی تعمیر کا ارادہ رکھتی ہے اور ای گورننس کے منصوبوں کو تصور کرنے، قیادت کرنے، ڈیزائن کرنے اور ان کو نافذ کرنے کے لیے ضرورت پر مبنی تربیت فراہم کرنا چاہتی ہے ۔  اس سلسلے میں بڑی تعداد میں سرکاری افسران تک پہنچنے اور انہیں متعلقہ مہارتوں پر تربیت دینے کے لیے بھرپور کوششیں کی گئی ہیں۔

۔۔۔۔۔۔۔۔۔

ش ح  ۔   م ع   ۔   ت  ح   ۔     

U - 9641

(Release ID: 2043817) Visitor Counter : 7