ইকায়খুম্নরবা প্রধান মন্ত্রীনা কোবিদ-১৯ লাইচৎনা মরম ওইরগা ১১.০৩.২০২০ দগী ০৫.০৫.২০২৩ ফাওবগী মনুংদা মমা মপা অনিমক নৎত্রগা হিংহৌবা মমা-মপা নৎত্রগা লিগেল গার্জিয়ান নৎত্রগা য়োকচবা মমা মপা লৈখিদ্রবা অঙাংশিংদা ঙাক্লৌ পীনবগীদমক ২৯.০৫..২০২১দা পি.এম. কেয়র্স ফোর চীলদ্রেন স্কীম লাউথোকখি‍। স্কীম অসিগী পান্দমদি অঙাংশিংদা তুং কোইগদবা মওংদা মপুং ফাবা চেকশিন থৌরাং অমসুং ঙাকশেল পীবা অমদি, হেল্থ ইন্স্যুরেন্সকী খুত্থাঙদা মখোয়না তেক্ত-কায়দনা লৈবা ঙমহনবা মখোয়বু মহৈ মশিংগী খুত্থাঙদা মপাঙ্গল হাপ্পা অমদি মখোয়না চহি ২৩ শুবা ফাওবা শেলগী ঙাক্লৌ পীদুনা মরোমদোম হিংজবা ঙমহন্বনি‍। স্কীম অসি ওনলাইন পোর্তেল হায়বদি www.pmcaresforchildren.in দা চঙবা য়াগনি‍। স্কীম অসিগী মখাদা কান্নবশিং হৌজিক ফাওবদা মহারাস্ত্রগী ওস্মানাবাদ দিস্ত্রিক্তকী ইলিজিবল ওইবা অঙাং ১৪দা ফংহনখ্রে‍। ৱুমেন এন্দ চাইল্দ দিভেলপমেন্ত মন্ত্রালয়না ৱন স্তোপ সেন্তর, চাইল্দ কেয়র ইন্সতিত্যুসন, শক্তি সদন, ৱুমেন হেল্পলাইন অসিনচিংবা স্কীম/প্রোগ্রামশিং, সপ্লিমেন্তরী ন্যুত্রিসন, লৈফম চাফম, চিঞ্জাক, ফি-রোল, কাউন্সেল্লিং য়াওনা অনা লায়েং, লিগেল মতেঙ, ভোকেস্নেল ত্রেনিং অসিনচিংবা মচং ওইবা ফীভমশিং/ মথৌ তাবশিং ফংহন্দুনা রিলিফ অমসুং রিহেবিলিতেসন পীননবা কোবিদ-১৯ লাইচৎ মনুংদা পুংবা কায়রবা নুপীগী ইমুংশিং য়াওনা নুপী অমসুং অঙাংশিংদা শোয়দনা ফংহন্নবা থৌরাং পায়খৎখি‍। কোবিদ মনুংদা, অঙ্গনৱাদি ৱর্কর/ হেল্পরশিংনা থা ৬তগী চহি ৬ ফাওবূগী মনুংদা লৈবা অঙাং পুম্নমক্তা; প্রেগনেন্ত ৱুমেন এন্দ লেক্তেতিং মাদর্স (পি.দব্লিউ.&এল.এম.); মহৈ তম্বা তোক্লবা ইনখৎলক্লিবী নুপীমচাশিদা মখোয় মখোয়গী ময়ুমদা চাবা ৱাৎপদগী ওইরকপা ফীভমশিং থোক্তনবা থাখায় খুদিংগী তেক হোম রাসন ফংহনখি‍।

নেস্নেল কম্মিসন ফোর প্রোতেক্সন ওফ চাইল্দ রাইতস (এন.সি.পি.সি.আর.)দা দি জুবেনাইল জস্তিস (কেয়র এন্দ প্রোতেক্সসন ওফ চীলদ্রেন) এক্ত, ২০১৫, দি প্রোতেক্সন ওফ চীলদ্রেন ফ্রোম সেক্সুএল ওফেন্সেস (পোক্সো) এক্ত, ২০১২ অমসুং দি রাইত ওফ চীলদ্রেন তু ফ্রী এন্দ কম্পল্সরী এজুকেসন (আর.তি.ই.) এক্ত, ২০০৯ পায়খৎপা য়েংশিন্নবা থৌদাং শিন্নখি‍।

এন.সি.পি.সি.আর.না অঙাং অমসুং ইনখৎলক্লিবা শিন্মীশিংদা পান্দম থমদুনা লৈবাক পুম্বগী ওইবা কন্বগগী কেম্পেন অমা পায়খৎখি‍। ওপরেসন অসিনা ফেক্তরীশিং, ধাবাশিং, ইন্দস্ত্রীশিং, হোতেলশিং, অমসুং শেমগৎ শাগৎলিবা মফমশিং য়াওনা তোঙান তোঙানবা শিন্মী লৈগন্বা মফমশিংদা মীৎয়েঙ থমখি‍। কেম্পেন অসিনা জুবেনাইল জস্তিস এক্ত ২০১৫ অমসুং দি চাইল্দ এন্দ এদোলেসেন্ত লেবর (প্রোহিবিসন এন্দ রিগুলেসন) এক্ত, ১৯৮৬ ঙাক্না চৎহনখি‍।

মখা তানা, লেবর অমসুং এমপ্লোইমেন্ত মন্ত্রালয়না অঙাং থবক শীজিন্নবা থিংননবা তোঙান তোঙানবা থৌরাংশিং পায়খৎলে, মসিদা লেম্না মহৈ মশিং তম্নবগী মঙম পীবা অমসুং মপুং ওইবা খুন্নাই-শেন্মিৎলোন চাওখৎহন্নবগী লেজিসলেতিব থৌরাংশিং য়াওরি‍। স্তেতুতরী অমসুং লেজিসলেতিব মীজর অমসুং রিহেবিলিতেসন সস্ত্রেতেজীগী মচা খায়বা ৱাফমশিং মখাদা পীরি:

• দি চাইল্দ এন্দ এদোলেসেন্ত লেবর (প্রোহিবিসন এন্দ রিগুলেসন) (সি.এ.এল.পি.আর.) এক্ত, ২৯৮৬না চহি ১৪গী মখাদা লৈবা অঙাংশিং শিন্ফম নৎত্রগা থবক থৌওং অমা হেক্তদা, অমদি চহি ১৪দগী ১৮ ফাওবদা লৈবা ইনখৎলক্লিবা নহাশিংবু হকচাঙ শোক্নিংঙাই ওইবা শিন্ফম অমদি থবক থৌওংশিংদা শিন্মী ওইনা শীজিন্নবা মপুং ফানা থিংলি‍। মসিনা এক্ত অসিবু থুগাইবা থবক পীরিবা মীওইশিংদা হেন্না কন্বা চৈরাক পীননবা ৱাফম পীরি অমদি মরাল অসিবুসু কোগনিজেবল ওইহনখি‍।
• চাইল্দ এন্দ এদোলেসেন্ত লেবর (প্রোহিবিসন এন্দ রিগুলেসন) রুল্স, ১৯৮৮না এক্ত অসিগী ৱাফমশিং মওং মরিল নাইনা চৎনহন্নবগীদমক দিস্ত্রিক্ত মেজিসত্রেতকী চেয়রপর্সনসিপ মখাদা দিস্ত্রিক্তকী থাক্তা লৈবা দিস্ত্রিক্ত নোদেল ওফিসর (দি.এন.ও.) অমসুং তাস্ক ফোর্স থম্নবা ৱাফম পীরি‍।
• লেবর এন্দ এমপ্লোইমেন্ত মন্ত্রালয়না সি.এ.এল.পি.আর. এক্ত মতিং লৈনা চৎনহন্নবগীদমক পেন্সিল (প্লেতফোর্ম ফোর ইফেক্তিব এনফোর্সমেন্ত ওফ নো চাইল্দ লেবর) কৌবা ওনলাইন পোর্তেল অমা শেমগৎলে‍। পোর্তেল অসিদা অঙাং থবক শীজিন্নবগী মতাঙদা ৱাকৎ থাঙ্গৎলক্নবা ৱাকৎফম অমসু য়াওরি‍।

ৱাফম অসি ঙসি লোক সভাদা ৱুমেন এন্দ চাইল্দ দিভেলপমেন্ত মন্ত্রী, শ্রীমতী অন্নপুর্ন দেবীনা অইবা পাউখুম ওইনা পীদুনা ফোঙদোকখিবনি‍।

*****