দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (DPIIT) গী নোর্থ ইস্তর্ন রিজন সবসিদী স্কিম (NERS) সেক্সন্না অৱাং নোংপোক লমদমগী চাউখৎ-থৌরাং মন্ত্রালয় (DoNER), মাইক্রো, স্মোল অমসুং মেদিয়ম ইন্তর্প্রাইজ মন্ত্রালয় (MSME) অমসুং ইনভেস্ত ইন্দিয়া, PIU অমসুং PMU তীমশিং য়াওনা মশক নাইবা পার্তনরশিংগা খুৎশম্নদুনা নই দিল্লীগী বঞ্জিয়া ভাবনদা উত্তর পুর্ভ ত্রান্সফোর্মেতিব ইন্দস্ত্রিএলাইজেসন স্কিম (UNNATI), 2024 গী মতাংদা NER ওফিসরশিংগী কম্প্রিহেন্সিব ৱার্কশোপ অমা পাঙথোকখ্রে। থৌরম অসিদা অৱাং নোংপোক্কী রাজ্য 8 অসিগী মীহুৎশিংনা মায়পাক্না শরুক য়াখি।

ৱার্কশোপ অসি সেক্রেতরী শ্রী রাজেশ কুমার সিংহনা লুচিংখি। রাজ্যশিং অসিগী অৱাবা কোক্নবা হোৎনবদা মহাক্কী লমজিং-লমতাক্না অচৌবা থৌদাং লৌখি। মহাক্কী ৱারোল অদুনা স্ত্রেতেজিক ফ্রেমৱার্ক অমা অমসুং UNNATI, 2024 স্কিম মায় পাক্না পায়খৎনবগীদমক অকুপ্পা ৱারোল য়াওবা লমজিং-লমতাক পীখি। মসিগী মথক্তা, জোইন্ত সেক্রেতরী শ্রী বালামুরুগন্না স্কিম অসি পায়খৎনবগীদমক  ক্লেরিতী অমসুং দিরেক্সন পীনবা অকুপ্পা ৱারোল য়াওবা রোদমেপ অমা পীখি।

ৱার্কশোপ অদুগী মনুংদা, রাজ্য খুদিংনা মখোয়গী লমদমশিংদা লৈরিবা ইন্দস্ত্রিএলাইজেসন ইন্সেন্তিবশিং অমসুং খুদোংচাবশিং অদু উৎখি। মসিনা অৱাং-নোংপোক্কী চাউখৎপগী অচৌবা ওইথোকপা য়াবশিং অদু উৎখি। অৱাং-নোংপোক্কী রাজ্যশিং অমসুং তোঙান তোঙানবা কেন্দ্রগী মন্ত্রালয়শিংগী ওফিসিএল 80 হেনবনা UNNATI স্কিমগী ইফেক্তিবিতী হেনগৎহন্নবগীদমক মমল য়াম্লবা সজেসনশিং পীরদুনা কান্নরবা খন্ন-নৈনবগী থৌরমদা শরুক য়াখি।

ৱার্কশোপ অসিনা কান্নরবা দাইলোগ অমা পাঙথোকহনখি অমসুং অৱাং-নোংপোক লমদমদা অহোংবা পুরক্নবা চাউখৎ-থৌরাংগীদমক অচেৎপা য়ুম্ফম অমা শেমখি। ৱার্কশোপ অসি মাপাকহনবদা শরুক য়ারিবশিং অমসুং স্তেকহোল্দর পুম্নমক্না চাউনা থৌদাং লৌখিবগীদমক দিরেক্তর দোক্তর কাজলনা থাগৎপা ফোংদোকখি।

মাংলোমদা চংশিল্লক্লিবা অসি য়েংলদুনা, UNNATI, 2024 স্কিমগী ওইথোকপা য়াবা অমসুং লমদম অসিদা মখা তানা খুমাং চাউশিনবা অমসুং চাউখৎপা পুরকপা ঙম্নবগী আশা থম্মি।

***