பசுமை இல்ல வாயு உமிழ்வைக் குறைப்பதிலும், காலநிலை மாற்றத்திற்கு ஏற்ப திறனை வலுப்படுத்துவதிலும், வளரும் நாடுகளுக்கு ஆதரவளிப்பதற்காக 2010 ஆம் ஆண்டில் கட்சிகளின் 16-வது மாநாட்டில் (சிஓபி -16) காலநிலை மாற்றத்திற்கான ஐக்கிய நாடுகளின் கட்டமைப்பு மாநாட்டின் (யு.என்.எஃப்.சி.சி.சி) கீழ் பசுமை காலநிலை நிதி (ஜி.சி.எஃப்) அமைக்கப்பட்டது.குறைந்த உமிழ்வு மற்றும் காலநிலை-நெகிழ்திறன் மேம்பாட்டில் முதலீடு செய்ய நிதி திரட்டுவதை இந்த நிதியம் நோக்கமாகக் கொண்டுள்ளது. UNFCCC -ல் உள்ள அனைத்து வளரும் நாடுகளும் GCF இலிருந்து மானியங்கள், கடன்கள், பங்கு மற்றும் உத்தரவாதங்கள் வடிவில் வளங்களைப் பெற தகுதியுடையவர்கள். GCF 2015 முதல் வளரும் நாடுகளுக்கான திட்டங்களுக்கு ஒப்புதல் அளிக்கத் தொடங்கியுள்ளது.

நீர், தூய்மையான எரிசக்தி, கடலோரம், வாழ்வாதாரம், போக்குவரத்து, நடுத்தர மற்றும் சிறு தொழில்கள் மற்றும் காலநிலை புத்தாக்கத் தொழில் உள்ளிட்ட துறைகளில், காலநிலை மாற்றத்தைத் தணிக்கவும், மாற்றியமைக்கவும், மொத்தம் 782.4 மில்லியன் அமெரிக்க டாலர் ஒதுக்கீட்டில், இதுவரை பதினொரு (11) திட்டங்கள் இந்தியாவுக்கு ஒப்புதல் அளிக்கப்பட்டுள்ளன.

மாநிலங்களவையில் இன்று கேள்வி ஒன்றுக்கு எழுத்து மூலம் அளித்த பதிலில் சுற்றுச்சூழல், வனம் மற்றும் பருவநிலை மாற்றத் துறை இணையமைச்சர் திரு கீர்த்தி வர்தன் சிங் இந்தத் தகவலைத் தெரிவித்துள்ளார்.

***

MM/AG/KR/DL