ماہی پروری، مویشی پروری اور ڈیری کے مرکزی وزیر جناب راجیو رنجن سنگھ عرف للن سنگھ نے آج راجیہ سبھا میں ایک تحریری جواب میں بتایا کہ دودھ کی ڈبہ بندی اور بنیادی ڈھانچہ ترقیاتی فنڈ  (ڈی آئی ڈی ایف ) اسکیم 21 جنوری 2017 سے 30 جنوری 2024 تک نافذ رہی۔ دودھ کی ڈبہ بندی اور بنیادی ڈھانچہ ترقیاتی فنڈ  (ڈی آئی ڈی ایف ) ایک بنیادی ڈھانچہ ترقیاتی اسکیم ہے، جس کا مقصد دودھ کی پروسیسنگ اور چِلنگ پلانٹس کو جدید بنانا اور ساتھ ساتھ ویلیو ایڈیشن کو بڑھانا ہے۔ اس طرح دودھ کی ڈبہ بندی اور بنیادی ڈھانچہ ترقیاتی فنڈ  (ڈی آئی ڈی ایف ) اسکیم کا مقصد دودھ کے پروڈیوسروں کو فائدہ پہنچانا ہے، انہیں پروجیکٹ کے علاقوں میں ان کی پیداوار اور روزگار کے مواقع کے لیے ایک منظم مارکیٹ فراہم کرنا ہے۔ جون 2024 تک، کل 42.48 لاکھ پروڈیوسر ممبران میں سے تقریباً 12.52 لاکھ خواتین دودھ پروڈیوسرز کو دودھ کی ڈبہ بندی اور بنیادی ڈھانچہ ترقیاتی فنڈ  (ڈی آئی ڈی ایف ) کے تحت لایا گیا ہے، جس میں 30 فیصد کی نمایاں شرکت ہے۔

دودھ کی ڈبہ بندی اور بنیادی ڈھانچہ ترقیاتی فنڈ  (ڈی آئی ڈی ایف ) اسکیم کو  مویشی پروری بنیادی ڈھانچہ ترقیاتی فنڈ میں ضم کر دیا گیا ہے، اور اس کے نفاذ کو اگلے دو سالوں (2026 - 2024) کے لیے 29,110.25 کروڑ روپے کے اخراجات کے ساتھ بڑھا دیا گیا ہے۔ دودھ تیار کرنے والوں کو بالواسطہ فوائد حاصل ہوتے رہتے ہیں، اور اب خواتین کو اے ایچ آئی ڈی ایف کے تحت انفرادی کاروباریوں کے طور پر ڈیری انڈسٹری قائم کرنے کا موقع ملا ہے۔ آج تک اے ایچ آئی ڈی ایف نے 6 خواتین کو ایک انفرادی کاروباری کے طور پر مدد فراہم کی ہے، اس کے علاوہ یہ اسکیم ڈیری فارمرز کے لیے ایک ماحولیاتی نظام تشکیل دیتی ہے جس میں خواتین بھی شامل ہیں تاکہ اے ایچ آئی ڈی ایف کے تحت مالی اعانت فراہم کیے جانے والے دیگر ڈیری پروجیکٹس (157) سے مستفید ہو سکیں۔

*********

(ش ح – م ع– ت ح)

U. No.9487