ای ایس آئی سی سنت نگر، حیدرآباد کے ایک فوت شدہ مریض (کیڈیور) نے 3 دیگر مریضوں کی جان بچائی۔ ای ایس آئی سی سپر اسپیشلٹی ہسپتال، سنت نگر نے میڈیکل سائنس اور اعضا کی پیوند کاری کے میدان میں یہ تاریخی کامیابی حاصل کی ہے۔ ہسپتال نے 06.08.2024 کو متوفی مریض کے اعضا کو کامیابی کے ساتھ بازیافت اور ٹرانسپلانٹ کیا۔ ہسپتال کی یہ کامیابی اس کی طبی خدمات کی صلاحیتوں اور جان بچانے کے عزم میں نمایاں پیش رفت کی عکاسی کرتی ہے۔

عضو کا عطیہ کرنے والا ایک 45 سالہ مرد تھا جسے ای ایس آئی سی ہسپتال، سنت نگر، حیدرآباد میں برین ڈیڈ قرار دیا گیا تھا۔ ڈاکٹر سیمسن کی سربراہی میں ہسپتال کی نیورو سرجری ٹیم نے اعضا کے عطیہ کے بارے میں قریبی رشتہ داروں کو مشاورت اور آگاہی دی اور اعضا کے عطیہ کے لیے مناسب رضامندی دی گئی۔  جیون دھن کے ذریعہ ای ایس آئی سی کو اعضا الاٹ کیے گئے تھے۔ جس مریض کو متوفی کا ایک گردہ ملا وہ 50 سالہ خاتون مریضہ تھیں۔ یہ خاتون مریضہ ای ایس آئی سی سے مستفید تھی اور پچھلے 4 سالوں سے ڈائیلاسس پر تھیں۔ متوفی مریض کا جگر اور ایک اور گردہ عثمانیہ جنرل اسپتال میں مختص کیا گیا تھا، جہاں دو اور وصول کنندگان کو عطیہ کرنے والے کے اعضا کا فائدہ ملا اور اس عمل میں ان کی جان بھی بچائی گئی۔

متوفی مریض کے اعضا ڈاکٹر مدھو، ڈاکٹر سندیپ اور ان کی ٹیم نے برآمد کیے۔ ڈونر ٹرانسپلانٹ ڈاکٹر جگدیشور اور ڈاکٹر پانڈو رنگا راؤ، چیف ٹرانسپلانٹ سرجن ای ایس آئی سی ہاسپٹل، سنت نگر نے کیا۔ اینستھیسیا ٹیم کی قیادت ڈاکٹر ناگ ارجن نے کی اور نیفرولوجی ٹیم کی قیادت ڈاکٹر دھن لکشمی کر رہی تھیں۔

اب ای ایس آئی سی کے لیے ایک اور موقع ہے جہاں وہ جیون دھن سے اعضا کا مختص حصہ حاصل کر سکتا ہے اور اس طرح زیادہ سے زیادہ مریض مطلوبہ عضو کی پیوند کاری کروا سکتے ہیں اور ایک صحت مند نارمل فعال زندگی گزار سکتے ہیں۔ اس بے مثال عمل کو درستگی اور احتیاط کے ساتھ مکمل کیا گیا۔

مرنے والے مریض کا گردہ نکال کر بیمہ شدہ مریض کے جسم میں ٹرانسپلانٹ کیا گیا۔ یہ کامیابی نہ صرف اعضا کے عطیہ اور ٹرانسپلانٹ کی پیشگی خدمات کی حوصلہ افزائی کے لیے ہسپتال کی لگن کی نشاندہی کرتی ہے بلکہ اعلیٰ ترین معیار کے ساتھ پیچیدہ طبی طریقہ کار کو کامیابی سے انجام دینے کی ان کی صلاحیت کو بھی ظاہر کرتی ہے۔ ہسپتال کے مردہ اعضا کی بازیافت کے عمل میں ڈاکٹروں، انتظامیہ، نرسوں اور پیرا میڈیکل کی ٹیموں کے درمیان مؤثر منصوبہ بندی اور ہم آہنگی شامل تھی۔ یہ کامیابی ہسپتال کے جدید انفراسٹرکچر اور اس کے خصوصی طبی پیشہ ور افراد کی مہارت کو اجاگر کرتی ہے۔

ای ایس آئی سی سپر اسپیشلٹی ہاسپٹل، سنت نگر، حیدرآباد جدید صحت کی دیکھ بھال کی خدمات اور اختراعی طریقوں اور جدید ترین ٹیکنالوجی کے ذریعے ای ایس آئی مستفیدین کی صحت کو بہتر بنانے کے لیے پُرعزم ہے۔ اس عمل کا کامیاب نفاذ ہسپتال کی اپنی صلاحیت کو بڑھانے اور کمیونٹی کو بہتر طبی نگہداشت فراہم کرنے کے لیے جاری کوششوں کی عکاسی کرتا ہے۔

*************

ش ح۔ ف ش ع- م ر

U: 9475