اسپیشلٹی اسٹیل کے لیے پیداواریت سے مربوط ترغیباتی (پی ایل آئی) اسکیم کے تحت اسپیشلٹی اسٹیل کے پانچ وسیع زمرے شناخت کیے گئے، جو ہیں – (i) کوٹیڈ/ پلیٹڈ فولاد کی مصنوعات؛ (ii) اعلیٰ مضبوطی کے حامل/ ویئر ریزسٹنٹ اسٹیل؛ (iii) اسپیشلٹی ریلز؛ (iv) مرکز اسٹیل کی مصنوعات اور اسٹیل کی تاریں اور (v) برقی اسٹیل۔اسپیشلٹی اسٹیل کے لیے پی ایل آئی اسکیم کے تحت منتخب کمپنیاں تقریباً 29530 کروڑ روپئے کے بقدر کی اضافی سرمایہ کاری اور اسکیم کی مدت کے خاتمے تک تقریباً 18000 افراد کو اضافی راست روزگار فراہم کرنے کے لیے پابند عہدہیں۔

اسٹیل مصنوعات کی میڈ اِن انڈیا برانڈنگ میں ملکی اسٹیل پروڈکٹس کی لیبلنگ کے لیے کیو آر کوڈ کے ساتھ 'میڈ اِن انڈیا' لیبل کے ذریعے مصنوعات کی تفصیلات فراہم کی جاتی ہیں۔ ایک پائلٹ رول آؤٹ بڑے مربوط اسٹیل پلانٹوں کے ذریعہ نافذ کیا گیا ہے۔ 'میڈ ان انڈیا' برانڈ اسٹیل کے صارفین کو کیو آر کوڈ کا استعمال کرتے ہوئے مصنوعات کی تفصیلات دیکھنے کے قابل بنائے گا، اس طرح ہندوستان میں تیار کردہ اسٹیل کی مصنوعات میں اعتماد میں اضافہ ہوگا۔ اسٹیل مل مالکان اپنی مصنوعات کو بین الاقوامی مارکیٹ میں 'برانڈ انڈیا' کے تحت پیش کر سکتے ہیں اور اس طرح اسٹیل کے صارفین کو اپنی جانب متوجہ کر سکتے ہیں جو ہندوستان میں بنی اسٹیل کی مصنوعات کو ترجیح دیتے ہیں۔ اصل ملک کی شروعات اور تعین اور اسٹیل کے معیار کو کوالٹی کونسل آف انڈیا (کیو سی آئی) کے ذریعے سہولت فراہم کرنے والے اسٹیک ہولڈرز کی مشاورت کے ذریعے چلایا گیا۔ کیو سی آئی نے 'میڈ ان انڈیا' لیبل کے لیے ٹیکنالوجی پلیٹ فارم کی ترقی اور انتظام میں بھی مدد کی ہے جو مینوفیکچررز کو پلیٹ فارم پر رجسٹر کرنے کی اجازت دیتا ہے۔

یہ اطلاع فولاد اور بھاری صنعتوں کے وزیر مملکت جناب بھوپتی راجو سری نواس ورما کے ذریعہ آج لوک سبھا میں ایک تحریری جواب میں دی گئی۔

**********

(ش ح –ا ب ن۔ م ف)

U.No:9423

(Release ID: 2042287) Visitor Counter : 35