جمہوریہ ہند کی حکومت کے نوجوانوں کے امور اور کھیلوں کے محترم وزیر ڈاکٹر منسکھ مانڈوِیا نے وفاقی سینٹ کرسٹوفر اینڈ نیویس کی حکومت کے وزیر خارجہ ڈاکٹر ڈینزل ڈگلس کے ساتھ کھیلوں کے معاملات میں تعاون کے مختلف شعبوں پر تبادلہ خیال کیا۔ دونوں فریقوں نے آج کھیلوں کے معاملات میں تعاون پر ایک مفاہمت نامے پر دستخط کیے۔

اس مفاہمتی عرضداشت کے تحت امدادِ باہمی کے اہم امور مندرجہ ذیل ہیں:

1. کھلاڑیوں اور ایتھلیٹک ٹیموں کی تربیت اور مقابلہ،
2. کوچز کے لیے تربیت اور تکنیکی مدد،
3. کھیلوں کے رہنماؤں، عہدیداروں، کھیلوں کے منتظمین، پیشہ ور افراد، تکنیکی ماہرین اور کھیلوں کے معاون اہلکاروں کے تبادلے کے پروگرام اور دورے،
4. بیڈمنٹن، شوٹنگ، ریسلنگ، کبڈی اور ایتھلیٹکس سمیت مختلف شعبوں میں نوجوانوں/جونیئر کا تبادلہ،
5. اسپورٹس سائنسز کے عملے کے لیے تربیت، تبادلہ اور منسلکہ پروگرام اور اسپورٹس سائنسز میں دیگر ترقیاتی امداد،
6. کوچ کی تعلیم، نصاب کی ترقی، کھیلوں کی تعلیم، کھیلوں کے انتظام اور کھیلوں کے بنیادی ڈھانچے کی ترقی اور انتظام کے شعبوں میں تربیت، تبادلہ اور منسلکہ پروگرام
7. کھیلوں کے میدان میں معلومات اور تحقیق کی ترقی میں بنیادی ڈھانچے اور پروگراموں کے لیے تربیت، ٹیکنالوجی کا تبادلہ؛
8. تربیت میں کھیلوں کی تحقیق اور ترقی کے شعبے میں تعاون؛
1. کھیل سائنس، تحقیق اور ترقی اور اینٹی ڈوپنگ پروگرام کے شعبوں میں تعاون؛
10. دونوں ممالک کی یونیورسٹیوں یا فزیکل ایجوکیشن انسٹی ٹیوٹ کے درمیان فزیکل ایجوکیشن اور فٹنس ڈویلپمنٹ پروگرام کے شعبے میں تعاون۔

**********

 (ش ح –ا ب ن۔ م ف)

U.No:9367