حکومت نے بہت چھوٹی، چھوٹی اور درمیانی صنعتوں (ایم ایس ایم ای) تک قرض کی رسائی کو آسان بنانے کے لیے کئی اقدامات کیے ہیں۔ ان میں سے کچھ اقدامات درج ذیل ہیں:

 

1. بہت چھوٹی اور چھوٹی صنعتوں کے لیے کریڈٹ گارنٹی اسکیم، جس کے تحت بہت چھوٹی اور چھوٹی صنعتوں کے لیے کریڈٹ گارنٹی فنڈ ٹرسٹ اپنے ممبر قرض دینے والے اداروں (ایم ایل آئی) کو ان کی طرف سے بہت چھوٹی اور چھوٹی صنعتوں کو دیے گئے قرض کی ضمانت فراہم کرتا ہے۔ بہت چھوٹی اور چھوٹی صنعتوں کو 500 لاکھ روپے کی حد تک ضمانت کے بغیر قرض، کریڈٹ گارنٹی اسکیم کے تحت قرض کی مختلف اقسام کے لیے 85 فیصد تک گارنٹی کوریج فراہم کی جاتی ہے۔ اسکیم کے آغاز سے لے کر 30.06.2024 تک، 91.76 لاکھ ضمانتیں منظور کی گئیں جن میں 6.78 لاکھ کروڑ روپے شامل تھے۔
2. پرائم منسٹر ایمپلائمنٹ جنریشن پروگرام (پی ایم ای جی پی) کریڈٹ سے منسلک ایک بڑا سبسڈی پروگرام ہے جس کا مقصد روایتی کاریگروں اور دیہی/شہری بے روزگار نوجوانوں کی مدد کر کے غیر فارم سیکٹر میں بہت چھوٹی صنعتوں کے قیام کے ذریعے خود روزگار کے مواقع پیدا کرنا ہے۔ اس اسکیم کے تحت مینوفیکچرنگ سیکٹر کے لیے 50 لاکھ روپے اور سروس سیکٹر کے لیے 20 لاکھ روپے تک کا قرض فراہم کیا جاتا ہے۔ آغاز سے لے کر اب تک 9.69 لاکھ سے زیادہ بہت چھوٹی صنعتوں کو 25,500 کروڑ روپے سے زیادہ کی مارجن منی سبسڈی کے ساتھ مدد کی گئی ہے جس سے اندازے کے مطابق 79 لاکھ افراد کو روزگار مل رہا ہے۔

• iii. پی ایم وشوکرما اسکیم کاریگروں اور دستکاروں کو 5 فیصد سود کی شرح پر کریڈٹ سپورٹ سمیت گارنٹی کوریج کے ساتھ شروع سے آخر تک مدد فراہم کرتی ہے۔
• iv. پردھان منتری مدرا یوجنا (پی ایم ایم وائی) ممبر قرض دہندہ اداروں کے ذریعہ 10 لاکھ روپے تک ضمانت کے مفت کریڈٹ میں توسیع کرتی ہے۔ کوئی بھی فرد جو بصورت دیگر قرض لینے کا اہل ہے اور اس کے پاس چھوٹے کاروباری ادارے کے لیے کاروباری منصوبہ ہے وہ اس اسکیم کے تحت مینوفیکچرنگ، ٹریڈنگ، سروس سیکٹر میں آمدنی پیدا کرنے والی سرگرمیوں کے لیے قرض حاصل کرسکتا ہے جس میں قرضوں کے تین زمرے شامل ہیں، یعنی شیشو ( 50,000 روپے تک کے قرضے)، کشور (50,000 روپے سے زیادہ اور 5 لاکھ روپے تک کے قرضے) اور ترون (5 لاکھ روپے سے زیادہ اور 10 لاکھ روپے تک کے قرضے)۔

5. اسٹینڈ اپ انڈیا (ایس یو آئی) اسکیم شیڈولڈ کمرشل بینکوں (ایس سی بی) کی ہر شاخ سے، کم از کم ایک شیڈولڈ کاسٹ (SC) یا شیڈولڈ ٹرائب (ST) قرض دار اور ایک خاتون قرض دار کو 10 لاکھ سے 1 کروڑ روپے کے درمیان قرض کی سہولت فراہم کرتی ہے۔

 

ٹریڈ ریسیو ایبلز الیکٹرانک ڈسکاؤنٹنگ سسٹم (ٹی آر ای ڈی ایس) مائیکرو، سمال اور میڈیم انٹرپرائزز کی تجارتی وصولیوں کی فنانسنگ/رعایت کا ایک پلیٹ فارم ہے۔ ان پلیٹ فارموں پر، فیکٹرنگ یونٹس (ایف یو) کی فنانسنگ ایم ایس ایم ای کی فنانس تک رسائی کو بہتر بنانے میں مدد کرتی ہے۔

بہت چھوٹی، چھوٹی اور درمیانے درجے کی صنعتوں کی وزیر مملکت محترمہ شوبھا کرندلاجے نے آج راجیہ سبھا میں ایک تحریری جواب میں یہ معلومات فراہم کی۔

************

 

ش ح۔ ف ش ع- ج ا

U: 9344

(Release ID: 2041837) Visitor Counter : 43