ایڈمرل دنیش کے ترپاٹھی، چیف آف دی نیول اسٹاف 9 اگست 2024 کو آئی این ایس  چلکا میں اگنی ویروں کے چوتھے بیچ کی پاسنگ آؤٹ پریڈ  (پی او پی) کا جائزہ لیں گے۔ غروب آفتاب کے بعد کی تقریب میں 1390 اگنی ویر بشمول 216 خواتین اگنی ویر آئی این ایس چلکا کے مقدس پورٹلز سے ’انتم پگ‘ لیتے ہوئے  نظر آئیں گے ۔ اس موقع پر بحریہ کے اگنیوروں کے ساتھ 330 کوسٹ گارڈ ناوک بھی پاس آؤٹ ہوں گے۔ وائس ایڈمرل وی سرینواس، فلیگ آفیسر کمانڈنگ ان چیف، سدرن نیول کمانڈ پریڈ کے کنڈکٹنگ آفیسر ہوں گے۔ اس اہم واقعہ کا مشاہدہ پاس آؤٹ ہونے والے اگنیوروں کے قابل فخر خاندانوں، نامور سابق فوجیوں اور کھیلوں کی شخصیات کریں گے۔

پی او پی نہ صرف اگنی ویروں کی 16 ہفتوں کی ابتدائی بحریہ کی تربیت کی کامیاب تکمیل کو ظاہر کرتا ہے بلکہ جنگی تیار، قابل اعتماد، ہم آہنگ اور مستقبل کے لیے تیار ہندوستانی بحریہ میں ان کے نئے سفر کو بھی ظاہر کرتا ہے۔ چلکا میں ہونے والی تربیت تعلیم، خدمت کے مختلف پہلوؤں اور فرض، عزت اور ہمت کی بنیادی اقدار پر مبنی بیرونی تربیت شامل ہے۔ پی او پی کے دوران، مستحق اگنی ویروں کو سی این ایس کی جانب سے مختلف زمروں میں ایوارڈز پیش کیے جائیں گے۔

تقریب کے ایک حصے کے طور پر، سی این ایس نئی بنیادی ڈھانچے کی عمارت/سہولیات کا افتتاح کریں گے اور اگنی ویر کے اختتامی تقریب میں شرکت کریں گے اور مختلف ڈویژنوں کو ایوارڈز پیش کریں گےْ

09 اگست 2024 کو شام پانچ بجکر 10 منٹ پی او پی ہندوستانی بحریہ کے یوٹیوب چینل، فیس بک پیج اور علاقائی دور درشن نیٹ ورک پر براہ راست نشر کیا جائے گا۔

****

ش  ح۔ ا ک ۔ ج

UNO-9343