স্কিল দিভেলপমেন্ত এন্দ ওন্ত্রপ্রিন্যুরসিপ মন্ত্রালয় (এম.এস.দি.ই.)গী মখাদা লৈবা দাইরেক্তোরেত জেনেরেল ওফ ত্রেনিং (দি.জি.তি.)না লৈবাক শিন্বা থুংনা লৈরিবা ইন্দস্ত্রিএল ত্রেনিং ইন্সতিত্যুৎ (আই.তি.আই.)শিংগী নেতৱর্ক্কী খুত্থাঙদা ত্রাফ্তসমেন ত্রেনিং স্কীম (সি.তি.এস.) পায়খৎলি‍।

হৌজিক, লৈবাকসিদা মথৌ তৌরিবা আই.তি.আই. ১৫,০৩৪ লৈ, মখোয়গী মনুংদা আই.তি.আই. ৩২৯৮না লৈঙাক্কী আই.তি.আই.শিংনি অমসুং আই.তি.আই. ১১,৭৩৬না লনাই আই.তি.আই.শিংনি‍। স্তেত-স্তেতশিংগী আই.তি.আই. মশিংশিংগী লিস্ত এনেক্সচর -১ দা পীরি‍।

হৌজিক, তামিল নাদু স্তেত্তা আই.তি.আই. ৫০৩ মথৌ তৌরি, মখোয়গী মনুংদা আই.তি.আই. ৯২না লৈঙাক্কী আই.তি.আই.নি অমদি আই.তি.আই.  ৪১১না লনাই আই.তি.আই.শিংনি‍।

আই.তি.আই.শিংগী ত্রেনিংগী ক্বালিতী ফগৎহন্বা হায়বসি লেপ্তনা চত্থরিবা থৌওংনি‍। হীরমসিগা মরী লৈননা, মতম মতমগী ওইনা আই.তি.আই.শিং য়েংশিল্লি, আই.তি.আই.শিংগী স্তেন্দর্দ অমসুং এফিলিএসনগী কাঙলোন মতম নাইনা য়েংশিল্লি, করিগুলম অমসুং কোর্সশিং ইন্দস্ত্রী স্তেন্দর্দকী মতুং ইন্না শেমদোক্লি, অমসুং এসেসমেন্তকী থৌওং মপাঙ্গল কনখৎহল্লি‍।

আই.তি.আই.শিং মরী লৈনবা স্তেত/য়ু.তি. লৈঙাকশিংগী শেল-থুম অমসুং এদমিনিস্ত্রেতিব কন্ত্রোলগী মখাদা লৈজরবসু, ভারত লৈঙাক্না আই.তি.আই.শিংগী ইনফ্রাস্ত্রকচর মপাঙ্গল কনখৎহন্নবা অমদি আই.তি.আই.শিংদা পীরিবা ত্রেনিংগী ক্বালিতী ফগৎহন্নবগীদমক স্তেত/য়ু.তি. লৈঙাকশিংদা শেল-থুমগী তেংবাং পীননবা মতম মতমগী ওইনা স্কীমশিং চলাইরি‍।

হন্দক্তা কুইদ্রিঙৈদা, দি.জি.তি.না লৈবাকসিদা আই.তি.আই.শিং অপগ্রেদ তৌনবা/ লিংখৎনবা স্তেত/য়ু.তি. লৈঙাকশিংদা শেলগী তেংবাং পীননবগীদমক “স্কিল্স স্ত্রেংদনিং ফোর ইন্দস্ত্রিএল ভেল্যু ইনহেন্সমেন্ত (স্ত্রাইব)”, “অপগ্রেদেসন ওফ একজিস্তিং গভর্নমন্ত আই.তি.আই.জ ইন্তু মোদেল আই.তি.আই.জ (মোদেল আই.তি.আই.)”, “ইনহেন্সিং স্কিল দিভেলপমেন্ত ইনফ্রাস্ত্রকচর ইন এন.ই. স্তেতস (ই.এস.দি.আই.)”, অমসুং “স্কিল দিভেলপমেন্ত ইন ৪৮ দিস্ত্রিক্তস এফেক্তেদ বাই এল.দব্লিউ.ই. (এল.দব্লিউ.ই. স্কীম)” পায়খৎখি‍।

‘স্ত্রাব’ স্কীমগী মখাদা, আই.তি.আই. ৫০০ (লৈঙাক্কী ৪৬৭ অমসুং লনাইগী ৩৩ য়াওরগা) আই.তি.আই.শিংগী ৱর্কসোপ, লেব অমসুং কেপাসিতী বিল্দিং অপগ্রেদ তৌননবা খনগৎখি‍। স্কীম অসি মে ৩১, ২০২৪দা লোইশিনখি‍, অমদি আই.তি.আই.শিংগী ৱর্কসোপ, লেব অমসুং কেপাসিতী বিল্দিং অপগ্রেদ তৌননবা স্তেত/য়ু.তি.শিংদা লুপা করোর ৫৮১.৫৬কী অপুন্বা শেলগী তেংবাং পীথখি‍।

‘মোদেল আই.তি.আই.’ স্কীম্না খনগৎলবা লৈঙাক্কী আই.তি.আই. ৩৫বু খুৎশু খুৎলাই অমদি সিভিল ৱর্কশিং অপগ্রেদ তৌননবা আই.তি.আই. অমমমদা লুপা করোর ১০ ফাওবগী শেলগী তেংবাং পীদুনা মোদেল আই.তি.আই. ওইনা অপগ্রেদ তৌননবা পান্দম থম্লি‍। স্কীম অসি মার্চ ৩১, ২০২৪দা লোইখি, অমদি স্কীম অসিগী মখাদা স্তেত/য়ু.তি.শিংদা পুন্না লুপা করোর ১৯২.১০গী শেলগী তেংবাং ফংহনখি‍।

ই.এস.দি.আই. স্কীম্না অৱাং নোংপোক স্তেতশিংদা লৈরিবা আই.তি.আই.শিংদা তেংবাং পীরি‍। মসিনা আই.তি.আই. খুদিংদা অনৌবা ত্রেদ ৩ হাপচুন্দুনা হান্না লৈরবা আই.তি.আই. ২২ (আই.তি.আই. অমদা লুপা করোর ২গী চাংদা) অপগ্রেদ তৌনবা; অনৌবা হোস্তেল, অনৌবা বাউন্দরী ৱাল, শাগত্তুনা, অমদি আই.তি.আই. খুদিংদা হান্না লৈরবা ত্রেদ ৩গী অরিবা অমদি মতমগা চুনদ্রবা খুৎশু খুৎলায়শিং ফগৎহন্দুনা আই.তি.আই. ২৮ (আই.তি.আই. অমদা লুপা করোর ২গী চাংদা) অৱাৎপা ইনফ্রাস্ত্রকচর মেনখৎনবা; অমদি অনৌবা আই.তি.আই. ৩৪ (আই.তি.আই. অমমমদা লুপা করোর ৯.৫গী চাংদা) লিংখৎনবা মীৎয়েঙ থম্লি‍। স্কীম অসি মার্চ ৩১, ২০২৪দা লোইখ্রে, অমদি স্কীম অসিগী মখাদা অৱাং নোংপোক স্তেতশিংদা পুন্না লুপা করোর ৩০৮.৮৪গী শেলগী তেংবাং ফংহনখি‍।

এল.দব্লিউ.ই স্কীম্না আই.তি.আই. অমমমদা লুপা করোর ৭.৩৪গী চাংদা লেফ্ত ৱিং এক্সত্রিমিজম্না শোকহল্লবা দিস্ত্রিক্ত ৪৮দা আই.তি.আই. ৪৮ লিংখৎপদা মতেং পাংলি‍। স্কীম অসি মার্চ ৩১, ২০২৪দা লোইখ্রে, অমদি স্কীম অসিগী মখাদা স্তেত/য়ু.তি.শিংদা পুন্না লুপা করোর ৩০৮.৩৫গী শেনফম মতেং ফংহনখ্রে‍।

আই.তি.আই. অমা হেক্তগী এফিলিএসন ২০১৮দা থোকখিবা এফিলিএসন নোর্ম্স ফোর আই.তি.আই.জকী ৱাফমশিং মপুং ফানা ইনবগী মখা পোন্না পী‍। আই.তি.আই. হাংদোক্নবা মথৌ তাবা ইনফ্রাস্ত্রকচরগী মচা খায়বা ৱারোলশিং এনেক্সচর-২দা পীরি‍।

এনেক্সচর-১

স্তেত-স্তেতকী ওইবা আই.তি.আই.শিংগী মশিং

এনেক্সচর-২

অনৌবা আই.তি.আই. অমা হাংদোক্ননবগী মথৌ তাবা ইনফ্রাস্ত্রকচরগী মপুং ফাবা অকুপ্পা ৱারোল, ২০১৮গী আই.তি.আই. এফিলিএসন নোর্ম্সকী চেপ্তর ২, “সিভিল নোর্ম্সস’তা ফংবিগনি‍।

অনৌবা আই.তি.আই. হাংদোক্নবগী মথৌ তাবা ইনফ্রাস্ত্রকচরগী চাউরাকপা ৱারোল মখাদা পীরি:

১.         লম: য়াম্লবদা ত্রেদ ৪ অমদি য়াম্লবদা য়ুনিত ৮ লৈবা আই.তি.আই. অমগী ওইনা কত্থোক্লবা মফম অমদি লমগী খ্বায়দগী হন্থবা পাক চাউবা স্ক. মিতর ৪২৯১.৪ হায়বদি একর ১.০৭ ওইগদবনি‍।

২.         ক্লাসরুম: ক্লাসরুমগী খ্বায়দগী হন্থবা পাক চাউবা য়ামদ্রবদা মিতর ৩ পাকপগা লোয়ননা স্ক. মিতর ২৫ ওইগদবনি (হৌজিক চৎনরিবা কাঙলোনগী মতুং ইন্না)‍। লৈমায় অদু য়ামদ্রবদা তাইল থাগদবনি‍।

৩.         ৱর্কসোপ: ত্রেদ পুম্নমক্কী ৱর্কসোপকী মওং রেক্তেঙ্গুলর ওইগদবনি অমদি অপাকপনা মিতর ৫দগী তারোইদবনি‍। মথৌ তাবা খ্বায়দগী হন্থবা ৱর্কসোপকী পাক চাউবা তোঙান তোঙানগী ত্রেদশিংগী ওইনা খেন্নৈ, ত্রেদ-ত্রেদকী ওইনা মথৌ তাবা খ্বায়দগী হন্থবা ৱর্কসোপকী পাক চাউবগী চাং ২০১৮গী এফিলিএসন নোর্মস ওফ আই.তি.আই.গী এনেক্সচর ২এম.দা ফংবিগনি‍।

৪.         মেচিনরী অমদি ইকুইপমেন্ত: ত্রেদ খুদিংগী খেন্নৈ, অকুপ্পা ৱারোল ত্রেদ অদুগী সীলেবসতা য়াওরিবা তুল লিস্ততগী ফংগনি‍।

৫.         ইলেক্ত্রিক লোদ: ফেজ ৩, কম্মর্সিএল পৱার সপ্লাই, ত্রেদ খুদিংগী মথৌ তাবা লোদ খেন্নৈ‍। অকুপ্পা ৱারোল ২০১৮গী এফিলিএসন নোর্ম্স ফোর আই.তি.আই.কী এনেক্সচর ২এন.দা ফংগনি‍।

৬.         আই.তি. লেব: কম্প্যুতর খুদিংদা মল্তিমিদিয়া, এন্তি-ভাইরস ফোফ্তৱেয়র, খ্বায়দগী নৌবা ওপরেতিং ফোফ্তৱেয়রগা লোয়ননা য়ু.পি.এস. য়াওরগা ইন্তরনেত কন্নেক্সন য়াওবা তোখাইবা কম্প্যুতর লেব অমা‍। কম্প্যুতর লেব অদুগী সেতঅপ অদু য়ামদ্রবদা কম্প্যুতর/ ৱর্কস্তেসন তরা অমদি পেরিফেরেলশিং লোয়ননা ত্রেদকী ৱাফম নত্তনা ইন্তরনেত ফেসিলিতী লৈগদবনি নৎত্রগা আই.তি.আই. অমগী ত্রেদকা মরী লৈনবা কম্প্যুতরগী মথৌ তাবা অসি সিফ্ত অমদা মী ১০০গী ফম্ফম লৈগদবনি‍।

ত্রেদ/য়ুনিত এক্রেদিতেদ/ এফিলিএতেদকী অহেন্বা ত্রেনী ২০ খুদিংগী, কম্প্যুতর/ৱর্কস্তেসন অনি হাপচিনগদবনি‍। সিফ্ত অমমমগী ত্রেনী ১০০গী কম্প্যুতর ১০ চন্ননবা লৈবা মফমগী চৎন-পথাপ্তি স্ক.মি. ২৫ ওইগদবনি‍। অহেন্বা কম্প্যুতর খুদিংগী অহেন্বা স্ক.মিই. ২.৫ ফংহনগদবনি‍।

লেবকী অপাকপা য়ামদ্রবদা মিতর ৩ ওইগদবনি, লৈমায় তাইল থাগদবনি‍।

৭.         দ্রোইং হোল: দ্রাফ্সমেন (সিভিল)/ দ্রাফ্সমেন (মেকানিকেল) ত্রেদশিংগী নত্তনা ইঞ্জিনিয়রিং ত্রেদ পুম্নমক্কী ওইনা য়ামদ্রবদা স্ক.মি. ৫০ পাক চাউবা দ্রোইং হোল মথৌ তাই‍। মফম অসি সিফ্ত অমদা ত্রেনী ১৬০ ফাওবা চন্নবনি অমদি মদুগী তুংদা অহেন্বা ত্রেনিং খুদিংগী চুনবা অহেন্বা মফম হাপচিনগদবনি‍।

৮.         বেকঅপ পৱার সপ্লাই: এফিলিএত তৌরবা ত্রেদ/য়ুনিৎ অমদি এফিলিএত তৌনবা চে থারকপা ত্রেদ/য়ুনিৎ পুম্নমক্কী মথৌ তাবা মৈগী ৫০%গী চাং ফাওবগী বেকঅপ পৱার সপ্লাই ইন্সতিত্যুৎ অমদা লৈগদবনি‍।

৯.         এদমিনিস্ত্রেতিব এরিয়া

প্রিন্সিপালগী কা: য়ামদ্রবদা স্ক.মি. ২০

রিসেপ্সন কম ৱেতিং লোব্বী: য়ামদ্রবদা স্ক.মি. ৪০

স্তাফ কা: য়ামদ্রবদা স্ক.মি. ২০

এদমিনিস্ত্রেতিব হোল/ সেক্সন: য়ামদ্রবদা স্ক.মি. ৫০

প্লেসমেন্ত/ কাউন্সেল্লিং কা: য়ামদ্রবদা স্ক.মি. ২০

ৱাফম অসি ঙসি লোক সভাদা স্কিল দিভেলপমেন্ত অমদি ওন্ত্রপ্রিন্যুরসিপ মন্ত্রালয়য় (এম.এস.দি.ই.)গী রাজ্য মন্ত্রী (ইন্দিপেন্দেন্ত চার্জ), শ্রী জয়ন্ত চৌধরীনা অইবা পাউখুম ওইনা পীখিবনি‍।

*****