কেন্দ্রগী হেল্থ সেক্রেতরী শ্রী অপুর্ভা চন্দ্রনা রাজ্যশিং অমসুং ম্যুনিসিপালিতীশিংদা দেঙ্গীগী লায়না অসি মতম চানা থিংনবা চেকশিন্না লৈনবা খঙহনখ্রে। “লৈবাক অসিদা দেঙ্গীগী কেসশিং থিংনবা অমসুং মেনেজ তৌনবা অর্বান দিবেলপমেন্ত মন্ত্রালয়, রাজ্যশিং, ম্যুনিসিপাল কোর্পোরেসনশিং অমসুং লোকেল সেলফ গভর্নমেন্ত বোদীশিং য়াওনা মরী লৈনবা স্তেকহোল্দরশিংনা পুন্না থবক তৌমিন্নবা অসি য়াম্না মরু ওই," হায়রদুনা মহাক্না হায় বার্দন য়াম্না ৱাংবা রাজ্য 9দা দেঙ্গীগী ফীভম য়েংশিন্নবা অমসুং দেঙ্গী থিংনবা, লাকশিন্নবা অমসুং মেনেজ তৌনবা পব্লিক হেল্থ সিস্তেমগী শেম-শাবা অদু য়েংশিন্নবা অৱাংবা থাক্কী ইন্তর-মিনিস্ত্রীএল মীফম (হাইব্রিদ মোদতা পাংথোকখিবা) অমদা ময়াই তাংবল লৌদুনা হায়খি। ঙসি পাংথোকখিবা মীফম অদুদা হাউজিং অমসুং অর্বান এফিয়র্স মন্ত্রালয়গী সেক্রেতরীশিং অমসুং দিল্লী, গুজরাত, কর্নাতকা, মহারাস্ত্র, রাজস্থান, তমিল নাদু, তেলঙ্গনা, উত্তর প্রদেশ অমসুং ৱেস্ত বেঙ্গলগী অৱাংবা থাক্কী ওফিসিএলশিং শরুক য়াখি। অহমাদাবাদ, বেঙ্লুরু, চেন্নাই, দিল্লী, হায়দ্রাবাদ অমসুং মুম্বাই য়াওনা ম্যুনিসিপাল কোর্পোরেসন 18না মীফম অসিদা ভর্চুএল ওইনা শরুক য়াখি। কর্নাতকা, কেরলা, তমিল নাদু অমসুং মহারাস্ত্রদগী কেস মশিং খ্বাইদগী য়াম্না রিপোর্ত তৌখ্রে।

শ্রী অপুর্ভা চন্দ্রনা ওগস্ত, সেপ্তেম্বর, ওক্তোবর অমসুং নবেম্বরগী মতমদা দেঙ্গীগী কেসশিং অয়াম্বনা য়াম্বা মতমদা, নোংজু থাগী মমাংদা চেকশিন থৌরাং লৌখৎপা অমসুং মীয়ামগী হকশেলগী খোঙথাংশিং লৌখৎপগী তঙাই ফদবা অদু পনখি। হৌখিবা চহি মরি অসিদা চহি খুদিংগী কেসশিং অসি হেনগৎলক্লি হায়না মহাক্না অকনবা ৱাফম থমখি। মহাক্না হায়খি মদুদি দেঙ্গী কেসশিং অসি ওক্তোবর থাদা অয়াম্বনা য়াম্লবসু, চহি অসিগী ওইরক্লিবা ফীভম অসিনা উৎলি মদুদি, জুলাই 31, 2024 ফাওবদা, কেস মশিং অসি মমাং চহিগী মতম অসিগা য়েংনবদা চাদা 50 হেনখ্রে।

হেল্থ সেক্রেতরীনা রাজ্যশিংদা লাক্কদৌরিবা পীক অসিগীদমক্তা মখোয়না শেম-শাদুনা লৈনবা তকশিনখি। হৌখিবা চহি মরি অসিদা কেস মশিং অসি হেনগৎলক্লি, অদুবু দেঙ্গী কেস ফেতেলিতী রেৎ অসি 1996দা 3.3%দগী 2023দা 0.17%দা হন্থরে। মসিগী মরমদি কন্না, মতম চানা অমসুং পুন্না হোৎনবদগীনি হায়না হেল্থ সেক্রেতরীনা ফোংদোকখি।

শ্রী অপুর্ভা চন্দ্রনা রাজ্যশিংদা রাজ্যশিংদা দেঙ্গী পেসেন্তশিংগী ইফেক্তিব হোস্পিতাল মেনেজমেন্তগা লোয়ননা শেম-শাদুনা লৈনবা পাউতাক পীখি। সেক্রেতরীনা হোৎ স্পোৎশিং মশক খঙদোকপা, ভেক্তর সর্ভিলেন্স হেনগৎহনবা, চেকশিন থৌরাং লৌখৎনবা কেসশিং জিওতেগ তৌবা অসিনচিংবশিংসু খঙহনখি। মহাক্না হায়খি, "ঐখোয়না ফেতালিতী রেৎ হন্থহন্নবা হেল্থ দিপার্তমেন্তশিংদা প্লেৎলেৎশিং অমসুং হোস্পিতালগী রিসোর্সশিং ফংহনগদবনি।" মহাক্না দেঙ্গী থেংনবদা রাজ্যশিংদা মতেং পাংগনি হায়না থাজবা পীখি অমসুং রাজ্যশিংবু মখোয়না মথৌ তারিবা মতেংগা মরি লৈননা মন্ত্রালয়দা মখোয়গী প্রোপোজেলশিং থাগৎনবা পুক্নিং থৌগৎখি।

প্রিভেন্সন অমসুং কন্ত্রোল ইসুশিং হেনগৎহন্নবা, কেন্দ্রগী হেল্থ সেক্রেতরীনা হকশেল মন্ত্রালয় অমসুং হাউজিং অমসুং অর্বান এফিয়র্স মন্ত্রালয়গী মরক্তা চাউনা কান্নবা ফংনবা জোইন্ত এক্সন প্লান্ত অমা শেম্নবা হায়খি। মহাক্না মরু ওইনা দেঙ্গীগী কেস মশিং য়াম্বা মতম, হায়বদি নোংজু পন্থা হৌরকপদগী নবেম্বর ফাওবা, লুনানবগী দ্রাইবকী মওংদা অর্বান দিবেলপমেন্ত মন্ত্রালয়দগী তেংবাং পীনবগী তঙাইফদবা অদু পনখি।

MoHUA গী এদিস্নেল সেক্রেতরী, শ্রী এস.পি. সিংহনা দেঙ্গী শন্দোরকপা থিংনবা অমসুং লাকশিন্নবা লৌখৎলিবা তোঙান তোঙানবা খোঙথাংশিং অদু পনখি। মহাক্না "সেফাই অপনাও, বীমারি ভাগাও কেম্পেন" অমসুং স্বচ্ছ ভারত পোর্তেলগী মতাংদা পনখি। মহাক্না হায়খি মদুদি থৌরাংশিং অসি স্তেগনেন্ত ঈশিং লৈহন্দনবা অমসুং ঈশিং তুংশিনবা থিংনবা মোনিতরিং এক্তিবিতীশিংদা মীৎয়েং থম্লি।

হকশেল মন্ত্রালয়না দেঙ্গী অমসুং চিকুনগুনিয়াগী প্রিভেন্সন অমসুং কন্ত্রোল তৌনবগীদমক তোঙান তোঙানবা স্ত্রেতেজীশিং অমসুং পব্লিক হেল্থগী খোঙথাংশিং পায়খৎলি, খুদম ওইনা:

1. সর্ভিলেন্স – দিজিজ এন্দ এন্তোমোলোজিকেল সর্ভিলেন্স

2. কেস মেনেজমেন্ত – লেব দাইগনোসিস অমসুং ক্লিনিকেল মেনেজমেন্ত

3. ভেক্তর মেনেজমেন্ত – এনভাইর্নমেন্তেল মেনেজমেন্ত, সোর্স রিদক্সন, কেমিকেল কন্ত্রোল, পর্সনেল প্রোতেক্সন অমসুং লেজিস্লেসন

4. আউৎব্রেক রেস্পোন্স – লাইচৎকী শেম-শাবা/রেস্পোন্স অমসুং মেদিয়া মেনেজমেন্ত

5. কেপাসিতী বিল্দিং – ত্রেনিং, স্ত্রেন্থনিং অমসুং ওপরেস্নেল রিসর্চ

6. বিহেভিয়রেল চেঞ্জ কম্ম্যুনিকেসন – সোসিএল মোবিলাইজেসন অমসুং IEC

7. ইন্তর-সেক্তোরেল কোওর্দিনেসন – তোঙান-তোঙানবা মন্ত্রালয়শিং (অর্বান দিবেলপমেন্ত, রুরেল দিবেলপমেন্ত, পঞ্চায়তি রাজ, এজুকেসন মন্ত্রালয়, ত্রাইবেল এফিয়র্স, ৱাতর সপ্লাই অমসুং সেনিতেসন)

8. মোনিতরিং অমসুং সুপর্ভিজন – রিপোর্তশিং, রিভ্যুশিং, ফিল্দ ভিজিৎশিং অমসুং ফীদবেক এনালাইসিস তৌবা

লৈবাক শীনবা থুংনা দেঙ্গীগী প্রিভেন্সন, কন্ত্রোল অমসুং মেনেজমেন্ত হেনগৎহনবগী মথক্তা, পায়খৎলিবা অতোপ্পা মরুওইবা খোঙথাংশিং অদু মখাদা পীরি:

• লেম্না দাইগ্নোস্ত তৌবা অমসুং লায়না য়েংশিনবগীদমক, সেন্তিনেল সর্ভেলেন্স হোস্পিতালশিং অসি 2007দা 110 ওইরম্বদগী 2024দা 848দা হেনগৎলে
• কেস মেনেজমেন্তকী অপদেৎ তৌরবা নেস্নেল গাইদলাইনশিং 10.8.2023দা ফোংখ্রে অমসুং রাজ্যশিংদা শিয়র তৌখ্রে
• মেদিকেল কোলেজশিং অমসুং দিস্ত্রিক্ত হোস্পিতালশিংগী মাস্তর ত্রেনরশিংনা নেস্নেল লেবেল ত্রেনিং মরিদা ক্লিনিকেল মেনেজমেন্ত ফগৎহন্নবা অমসুং দেঙ্গীগী মরম ওইদুনা শীবা ঙাকথোক্নবা অপদেৎ তৌরবা গাইদলাইনশিংদা ত্রেনিং পীখি।

এসিস্নেল সেক্রেতরী অমসুং MD (NHM ) শ্রীমতী অরাধনা পত্নাইক, জোইন্ত সেক্রেতরী (VBD) শ্রীমতি. ভন্দনা জৈন;নেস্নেল সেন্তর ফোর ভেক্তর বোর্ন দিজিস কন্ত্রোল (NCVBDC)গী দিরেক্তর দা. তনু জেন অমসুং হকশেল মন্ত্রালণগী মকোক থোংবা ওফিসিএলশিংনা মীফম অদুদা শরুক য়াখি। রাজ্যশিং অমসুং মখোয়গী ম্যুনিসিপাল কোর্পোরেসনশিংগী ওফিসিএলশিংনা মীফম অসিদা ভর্চুএল ওইনা শরুক য়াখি।

বেকগ্রাউন্দ

দেঙ্গী অসি য়াম্না থুনা থোক্লকপা, লাইনা-লাইচৎ শন্দোকপা য়াবা অমসুং কাংনা শন্দোকপা ভাইরেল ফিবর অমনি। অৱাংবা তেম্পরেচর (অর্বান হিত আইলেন্দ), মীশিং য়াম্বা, থুনা শাবা, মতিক চাবা সোল্দ ৱেস্ত মেনেজমেন্ত অমসুং মতিক চাবা ৱাতর স্তোরেজ প্রাক্তিস লৈতবনা মরম ওইদুনা ভেক্তর এদিস মোস্কিতোগী দেন্সিতী হেনগৎলকপা অসিনা মরম ওইদুনা চহি কয়াগী মমাংদা, দেঙ্গী অসি সহরগী সেন্তরশিংদা লাইচৎ অমা ওইনা অয়াম্বনা শন্দোরকখি।

2022দা, দেঙ্গীগী অপুনবা কেস লাখ 2.33 অমসুং শীখিবা 303  অমসুং 2023দা অপুনবা কেস লাখ 2.89 অমসুং শীখিবা 485 রিপোর্ত তৌখি। হৌখিবা চহি খরা অসিদা অপুনবা কেসশিংগী 55-58% সহরগী মফমশিংনা শরুক য়াদুনা লাক্লি, অদুম ওইনমক 2023দা মসি চাউরাক্না 68%দা হেনগৎলক্লি।

***