7வது இந்திய கடலோர காவல்படை (ஐசிஜி) துணை அதிகாரிகள் மாநாட்டை ஆகஸ்ட் 01, 2024 அன்று புதுதில்லியில் உள்ள ஐசிஜி தலைமையகத்தில் இயக்குநர் ஜெனரல் ராகேஷ் பால் தொடங்கி வைத்தார். ஆகஸ்ட் 01-02 தேதிகளில் திட்டமிடப்பட்டுள்ள இரண்டு நாள் மாநாடு, 'உள்ளடக்கிய அணுகுமுறையை நோக்கி' என்ற கருப்பொருளில் உள்ளது. இது முழுமையான வாழ்க்கை, ஆயுர்வேதம் மூலம் மன அழுத்த மேலாண்மை, தியானம் மற்றும் யோகா, தகவல் தொழில்நுட்பம், சுகாதாரம், மனிதவளம் மற்றும் தலைமைத்துவம் பற்றிய விரிவுரைகளுடன் தொடர்ச்சியான சிந்தனை அமர்வுமற்றும் முழுமையான அமர்வுகளைக் கொண்டுள்ளது.
இந்த நிகழ்வு நாடு முழுவதும் உள்ள பல்வேறு கடலோரக் காவல்படை பிரிவுகளைச் சேர்ந்த மிகவும் உந்துதல் மற்றும் அர்ப்பணிப்புள்ள துணை அதிகாரிகளை ஒன்றிணைக்கிறது, இது முடிவெடுப்பவர்களுடன் புதுமையான யோசனைகள் மற்றும் சிந்தனை செயல்முறைகளைப் பகிர்ந்து கொள்ள அவர்களுக்கு ஒரு தளத்தை வழங்குகிறது. இயக்குநர் ஜெனரல் ராகேஷ் பால் தமது தொடக்க உரையில், 'சப்கா சாத், சப்கா விகாஸ் மற்றும் சப்கா பிரயாஸ்' என்ற நெறிமுறைகளை உள்ளடக்கிய சேவையின் உள்ளடக்கிய வளர்ச்சிக்கான புதுமையான யோசனைகளை வளர்ப்பதற்கான பிரதமர் திரு நரேந்திர மோடியின் பார்வையுடன் இந்த மாநாடு ஒத்துப்போகிறது என்று வலியுறுத்தினார்.
தற்சார்பு இந்தியாவின் கொள்கைகளின் அடிப்படையில் ஐ.சி.ஜி.யில் எதிர்கால சேர்க்கைகள், 'கர்மயோகி' முன்முயற்சியின் கீழ் அனைவரையும் உள்ளடக்கிய தொழில் வளர்ச்சிக்கான மனிதவள கொள்கைகளை செம்மைப்படுத்துதல் மற்றும் மேம்பட்ட தொழில்நுட்ப ஒருங்கிணைப்பு மூலம் செயல்பாட்டு திறன்களை மேம்படுத்துதல் ஆகியவை இந்த நிகழ்வின் முக்கிய விவாதங்களில் அடங்கும். நல்லாட்சியின் கொள்கைகளிலிருந்து பெறப்பட்ட சிறந்த மேலாண்மை நடைமுறைகளை இந்த மாநாடு காட்சிப்படுத்துகிறது, இது கூட்டு முன்னேற்றம், அனைத்து அணிகளிலும் ஒத்திசைவு ஆகியவற்றை மேம்படுத்துவதை நோக்கமாகக் கொண்டுள்ளது. இந்திய கடலோர காவல்படை தனது துணை அதிகாரிகளுக்கு அதிகாரம் அளிப்பதிலும், படையின் ஒருங்கிணைந்த உறுப்பினர்களாக அவர்களின் வளர்ச்சி மற்றும் மேம்பாட்டை உறுதி செய்வதிலும் அர்ப்பணிப்புடன் உள்ளது.

***

PKV/KPG/DL