உள்நாட்டில் விமான பராமரிப்பு, பழுதுபார்ப்பு (எம்ஆர்ஓ) தொழில்துறைக்கு ஒரு பெரிய ஊக்கமாக, குறிப்பிட்ட நிபந்தனைகளுக்கு உட்பட்டு, கருவிகளின் இறக்குமதிக்கு 5% ஐஜிஎஸ்டி சீரான விகிதத்தில் பொருந்தும் என்று அரசு அறிவித்துள்ளது. இந்த கொள்கை மாற்றம் இந்திய எம்.ஆர்.ஓ துறையின் போட்டித்தன்மையை மேம்படுத்துவதற்கும், புதுமை மற்றும் செயல்திறனை வளர்ப்பதற்கும், வலுவான மற்றும் திறமையான விமானத் துறையை உருவாக்குவதற்கும் ஒரு முக்கியமான படியாகும்.

விமான பராமரிப்பு, பழுதுபார்ப்பு சேவைகளை இந்தியாவில் அமைப்பதற்கு பல்வேறு கொள்கைகள், ஒழுங்குமுறை மற்றும் பிற சலுகைகள் மூலம் அரசு பல்வேறு நடவடிக்கைகளை எடுத்துள்ளது.

1. மத்திய பட்ஜெட் 2024-25 இல் வெளியிடப்பட்ட அறிவிப்புகளின் ஒரு பகுதியாக, பழுதுபார்ப்புக்காக இறக்குமதி செய்யப்படும் பொருட்களின் ஏற்றுமதிக்கான காலம் ஆறு மாதங்களில் இருந்து ஒரு வருடமாக நீட்டிக்கப்பட்டுள்ளது. மேலும், உத்தரவாதத்தின் கீழ் பழுதுபார்ப்புக்கான பொருட்களை மறு இறக்குமதி செய்வதற்கான கால வரம்பு மூன்று ஆண்டுகளில் இருந்து ஐந்து ஆண்டுகளாக நீட்டிக்கப்பட்டுள்ளது.

ii. செப்டம்பர் 1, 2021 அன்று அறிவிக்கப்பட்ட புதிய எம் ஆர் ஓ வழிகாட்டுதல்கள், விமான நிலையங்களில் எம் ஆர் ஓ க்களுக்கான நில ஒதுக்கீட்டில் வெளிப்படைத்தன்மை மற்றும் உறுதியை உருவாக்கும்.

iii. 2020 ஏப்ரல் 1 முதல் முழு உள்ளீட்டு வரிக் கடனுடன் எம் ஆர் ஓ மீதான ஜிஎஸ்டி 18% முதல் 5% ஆக குறைக்கப்பட்டுள்ளது.

வெளிநாட்டு அசல் உபகரண உற்பத்தியாளர்கள் மூலம் உள்நாட்டு எம் ஆர் ஓவுக்கு துணை ஒப்பந்தம் செய்யப்பட்ட பரிவர்த்தனைகள் 2020 ஏப்ரல் 1 முதல் பூஜ்ஜிய ஜிஎஸ்டியுடன் 'ஏற்றுமதி'யாகக் கருதப்படும்

v. கருவிகள் மற்றும் கருவிப் பெட்டிகள் மீதான விலக்களிக்கப்பட்ட சுங்க வரி

vi. பாகங்களின் எளிமைப்படுத்தப்பட்ட அனுமதி செயலாக்கம்

7. 100% அன்னிய நேரடி முதலீடு

அனுமதிக்கப்படுகிறது.

மக்களவையில் கேள்வி ஒன்றுக்கு எழுத்து மூலம் அளித்த பதிலில் சிவில் விமானப் போக்குவரத்துத் துறை இணையமைச்சர் திரு முரளிதர் மொஹால் இந்தத் தகவலைத் தெரிவித்தார்.

மேலும் விவரங்களுக்கு இந்த ஆங்கில செய்திக்குறிப்பைக் காணவும்: https://pib.gov.in/PressReleasePage.aspx?PRID=2040688

----------------

PLR/RS/KV/DL