ਕਿਰਤ ਤੇ ਰੋਜ਼ਗਾਰ ਮੰਤਰਾਲਾ
ਈਐੱਸਆਈ ਹਸਪਤਾਲਾਂ ਦਾ ਆਧੁਨਿਕੀਕਰਨ
Posted On:
29 JUL 2024 7:01PM by PIB Chandigarh
ਕਰਮਚਾਰੀ ਰਾਜ ਬੀਮਾ ਨਿਗਮ (ਈਐੱਸਆਈਸੀ) ਨੇ ਮਰੀਜ਼ਾਂ ਦੀ ਬਿਹਤਰ ਦੇਖਭਾਲ ਲਈ ਆਧੁਨਿਕ ਅਤੇ ਵਿਆਪਕ ਸੁਵਿਧਾਵਾਂ ਦੇ ਨਾਲ ਦੇਸ਼ ਭਰ ਵਿੱਚ ਈਐੱਸਆਈ ਹਸਪਤਾਲਾਂ ਦਾ ਆਧੁਨਿਕੀਕਰਨ/ਅੱਪਗ੍ਰੇਡ ਕਰਨ ਦੀ ਯੋਜਨਾ ਬਣਾਈ ਹੈ। ਇਨ੍ਹਾਂ ਸੁਵਿਧਾਵਾਂ ਤੋਂ ਇਲਾਵਾ ਇੰਟੈਂਸਿਵ ਕੇਅਰ ਯੂਨਿਟਾਂ ਵਾਲਾ ਓਪਰੇਸ਼ਨ ਥੀਏਟਰ ਕੰਪਲੈਕਸ, ਨਵਜਾਤ ਇੰਟੈਂਸਿਵ ਕੇਅਰ ਯੂਨਿਟ ਅਤੇ ਪੀਡੀਆਟ੍ਰਿਕ ਇੰਟੈਂਸਿਵ ਕੇਅਰ ਯੂਨਿਟਾਂ ਵਾਲਾ ਲੇਬਰ ਕੰਪਲੈਕਸ, ਵੱਖ-ਵੱਖ ਪ੍ਰਯੋਗਸ਼ਾਲਾ ਸੇਵਾਵਾਂ, ਰੀਸਸੀਟੇਸ਼ਨ ਏਰੀਆ, ਆਧੁਨਿਕ ਇਮੇਜਿੰਗ ਸੇਵਾਵਾਂ, ਕੇਂਦਰੀ ਸਟਰਾਈਲ ਸਪਲਾਈ ਵਿਭਾਗ/ਥੀਏਟਰ ਸਟਰਾਈਲ ਸਪਲਾਈ ਯੂਨਿਟ ਆਦਿ ਵੀ ਸ਼ਾਮਲ ਹਨ।
ਈਐੱਸਆਈ ਨਿਗਮ ਨੇ ਦੇਸ਼ ਵਿੱਚ 105 ਨਵੇਂ ਹਸਪਤਾਲਾਂ ਦੀ ਸਥਾਪਨਾ ਲਈ ਸਿਧਾਂਤਕ ਪ੍ਰਵਾਨਗੀ ਦੇ ਦਿੱਤੀ ਹੈ। ਈਐੱਸਆਈ ਨਿਗਮ (ਈਐੱਸਆਈਸੀ), ਨੇ 10.02.2024 ਨੂੰ ਹੋਈ ਆਪਣੀ ਮੀਟਿੰਗ ਵਿੱਚ, ਈਐੱਸਆਈ ਹਸਪਤਾਲਾਂ ਅਤੇ ਡਿਸਪੈਂਸਰੀਆਂ ਵਿੱਚ ਆਯੂਸ਼ ਯੂਨਿਟਾਂ ਦੀ ਸਥਾਪਨਾ ਲਈ ਮਾਪਦੰਡਾਂ ਨੂੰ ਪ੍ਰਵਾਨਗੀ ਦਿੱਤੀ ਹੈ। ਆਯੂਸ਼ ਯੂਨਿਟ ਉਨ੍ਹਾਂ ਈਐੱਸਆਈਸੀ/ ਈਐੱਸਆਈ ਸਕੀਮ (ਈਐੱਸਆਈਐੱਸ) ਹਸਪਤਾਲਾਂ ਅਤੇ ਡਿਸਪੈਂਸਰੀਆਂ ਤੇ ਡਿਸਪੈਂਸਰੀਆਂ-ਕਮ-ਸ਼ਾਖਾ ਦਫਤਰਾਂ ਵਿੱਚ ਸਹਿ-ਸਥਾਨ ਦੇ ਆਧਾਰ 'ਤੇ ਸਥਾਪਿਤ ਕੀਤੀਆਂ ਜਾਣੀਆਂ ਹਨ ਜਿੱਥੇ ਰੋਜ਼ਾਨਾ ਔਸਤ ਐਲੋਪੈਥਿਕ ਬਾਹਰੀ ਮਰੀਜ਼ ਵਿਭਾਗ (ਓਪੀਡੀ) ਵਿੱਚ ਪਿਛਲੇ 12 ਮਹੀਨੇ ਦੌਰਾਨ 150 ਤੋਂ ਵੱਧ ਮਰੀਜ਼ਾਂ ਦਾ ਰਜਿਸਟ੍ਰੇਸ਼ਨ ਹੁੰਦਾ ਹੈ। 50 ਬੈੱਡਾਂ ਵਾਲੇ ਈਐੱਸਆਈਸੀ ਆਯੂਸ਼ ਹਸਪਤਾਲ 500 ਜਾਂ ਇਸ ਤੋਂ ਵੱਧ ਬਿਸਤਰੇ ਵਾਲੇ ਮੌਜੂਦਾ ਈਐੱਸਆਈ ਐਲੋਪੈਥਿਕ ਹਸਪਤਾਲਾਂ ਦੇ ਨਾਲ ਸਹਿ-ਸਥਿਤ ਕੀਤੇ ਜਾਣੇ ਹਨ, ਜਿਨ੍ਹਾਂ ਵਿੱਚੋਂ 50 ਬਿਸਤਰੇ ਆਯੂਸ਼ ਹਸਪਤਾਲ ਲਈ ਨਿਰਧਾਰਤ ਕੀਤੇ ਜਾਣੇ ਹਨ।
ਇਸ ਤੋਂ ਇਲਾਵਾ, ਈਐੱਸਆਈ ਨਿਗਮ ਨੇ ਈਐੱਸਆਈ ਹਸਪਤਾਲਾਂ ਵਿੱਚ ਡਾਕਟਰੀ ਸੇਵਾਵਾਂ ਦੀ ਗੁਣਵੱਤਾ ਵਿੱਚ ਸੁਧਾਰ ਕਰਨ ਲਈ ਕਈ ਕਦਮ ਚੁੱਕੇ ਹਨ, ਜਿਵੇਂ ਕਿ:
-
ਨਵੇਂ ਮਾਪਦੰਡਾਂ ਦੇ ਅਨੁਸਾਰ, ਈਐੱਸਆਈਸੀ ਹਸਪਤਾਲਾਂ ਦੇ ਪ੍ਰਵਾਨਿਤ ਸਟਾਫ ਦੀ ਗਿਣਤੀ ਵਿੱਚ ਵਾਧਾ।
-
ਜੇਕਰ ਪਿਛਲੇ ਲਗਾਤਾਰ ਤਿੰਨ ਸਾਲਾਂ ਤੋਂ ਈਐੱਸਆਈਸੀ/ਈਐੱਸਆਈ ਸਕੀਮ (ਈਐੱਸਆਈਐੱਸ) ਹਸਪਤਾਲਾਂ ਵਿੱਚ ਬਿਸਤਰੇ ਦੀ ਸਮਰੱਥਾ 70% ਤੋਂ ਵੱਧ ਹੈ, ਤਾਂ 50% ਬੈੱਡ ਦੀ ਤਾਕਤ ਨੂੰ ਵਧਾਉਣਾ।
-
ਰਾਜ ਈਐੱਸਆਈ ਸੋਸਾਇਟੀਆਂ ਦਾ ਗਠਨ ਤਾਂ ਜੋ ਰਾਜਾਂ ਨੂੰ ਮੈਡੀਕਲ ਸੇਵਾਵਾਂ ਦੇ ਸੁਧਾਰ ਲਈ ਫੈਸਲੇ ਲੈਣ ਦੀ ਵਿੱਤੀ ਅਤੇ ਪ੍ਰਸ਼ਾਸਕੀ ਆਜ਼ਾਦੀ ਹੋਵੇ।
-
ਰਾਜ ਦੀਆਂ ਈਐੱਸਆਈ ਸਕੀਮਾਂ ਲਈ ਪ੍ਰੋਜੈਕਟ ਲਾਗੂ ਕਰਨ ਯੋਜਨਾ ਦੇ ਤਹਿਤ ਵਾਧੂ ਬਜਟ ਦੀ ਵੰਡ।
-
ਇੰਪਲਾਈਜ਼ ਸਟੇਟ ਇੰਸ਼ੋਰੈਂਸ ਕਾਰਪੋਰੇਸ਼ਨ ਰਾਜ ਸਰਕਾਰ ਨੂੰ ਪ੍ਰਤੀ ਸਾਲ 200/- ਰੁਪਏ ਪ੍ਰਤੀ ਆਈਪੀ ਪ੍ਰਦਾਨ ਕਰਦਾ ਹੈ, ਜਿੱਥੇ ਰਾਜ ਦੁਆਰਾ ਚਲਾਏ ਜਾ ਰਹੇ ਈਐੱਸਆਈਐੱਸ ਹਸਪਤਾਲਾਂ ਵਿੱਚ ਪਿਛਲੇ ਵਿੱਤੀ ਵਰ੍ਹੇ ਦੌਰਾਨ ਬੈੱਡਾਂ ਦੀ ਗਿਣਤੀ 70% ਤੋਂ ਵੱਧ ਹੈ।
ਸੁਪਰ ਸਪੈਸ਼ਲਿਟੀ ਸੇਵਾਵਾਂ ਦੇ ਸਬੰਧ ਵਿੱਚ, ਕੁਝ ਮੌਜੂਦਾ ਈਐੱਸਆਈਐੱਸ ਹਸਪਤਾਲਾਂ ਦੁਆਰਾ ਯੂਰੋਲੋਜੀ, ਕਾਰਡੀਓਲੋਜੀ, ਨੈਫਰੋਲੋਜੀ, ਪਲਾਸਟਿਕ ਸਰਜਰੀ, ਓਨਕੋਲੋਜੀ, ਪੀਡੀਆਟ੍ਰਿਕ ਸਰਜਰੀ, ਗੈਸਟ੍ਰੋਐਂਟਰੋਲੋਜੀ, ਐਂਡੋਕਰੀਨੋਲੋਜੀ, ਰਾਇਮੈਟੋਲੋਜੀ, ਨਿਊਰੋਲੋਜੀ ਆਦਿ ਵਰਗੀਆਂ ਸਹੂਲਤਾਂ ਪ੍ਰਦਾਨ ਕੀਤੀਆਂ ਜਾਂਦੀਆਂ ਹਨ। ਜਿਹੜੀਆਂ ਸੇਵਾਵਾਂ ਅੰਦਰ-ਅੰਦਰ ਉਪਲਬਧ ਨਹੀਂ ਹਨ, ਉਹ ਨਾਲ ਜੋੜੇ ਗਏ ਹਸਪਤਾਲਾਂ ਰਾਹੀਂ ਪ੍ਰਦਾਨ ਕੀਤੀਆਂ ਜਾਂਦੀਆਂ ਹਨ।
ਇਹ ਜਾਣਕਾਰੀ ਕੇਂਦਰੀ ਕਿਰਤ ਅਤੇ ਰੁਜ਼ਗਾਰ ਰਾਜ ਮੰਤਰੀ ਸ਼੍ਰੀਮਤੀ ਸ਼ੋਭਾ ਕਰੰਦਲਾਜੇ ਨੇ ਅੱਜ ਲੋਕ ਸਭਾ ਵਿੱਚ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ।
*****
ਹਿਮਾਂਸ਼ੂ ਪਾਠਕ
(Release ID: 2040150)
Visitor Counter : 27