ভারতকী সম্বিধানগী তরেতশুবা সেদ্যুলগী মতুং ইন্না ‘পুলিস’ অমসুং ‘পব্লিক ওর্দর’ অসি রাজ্যগী হিরমশিংনি। রাজ্যশিং/য়ু.তি.শিংনা মখোয়গী লো এজেন্সীশিংগী খুত্থাংদা সাইবর ক্রাইমশিং য়াওনা ক্রাইমশিংগী প্রিভেন্সন, দিতেক্সন, ইনভেস্তিগেশন অমসুং প্রোসেক্যুশনগীদমক্তা মপুং ওইবা থৌদাং লৌরি। কেন্দ্র সরকারনা রাজ্যশিং/য়ু.তি.শিংনা লৌখৎলিবা অনৌবা খোংথাংশিং অদুবু মখোয়গী LEAশিংগী কেপাসিতী বিল্দিংগীদমক্তা স্কীম কয়া অঞগী মখাদা এদভাইজরীশিং অমসুং শেলথুমগী তেংবাং পীদুনা অহেনবা মতেং পাংলি।

সাইবর ক্রাইম অসি য়াম্না চাউবা শিংনবা অমনি মখোয়গী পাক্লবা অমসুং ঙমখৈ লৈতবা মওং অসিনা, সাইবর ক্রিমিনেল অমনা মফম অমহেক্তদা ফম্মগা ক্রাইম তৌবা য়াই। ২০২৪গী জনুৱারী ১দগীনা জুলাইগী ২২ ফাওবদা নেস্নেল সাইবর ক্রাইম রিপোর্তিং পোর্তলদা নাগ্রিকশিংনা রিপোর্ত তৌরকখিবা সস্পেক্তশিং অদুগ মোবাইল নম্বরদা য়ুমফম ওইরগা লৈবাক অসিদা সাইবরক্রাইমগী হৌরকপফম ওইরিবা মরু ওইবা সিতীশিং অমসুং মফমশিং অদুদি দীগ (রাজস্থান), দেওঘর (ঝারখন্দ), নহ (হরিয়ানা), অলৱার (রাজস্থান), নাৱাদা (বিহার), ৱেস্ত দিল্লী (দিল্লী), নালন্দা (বিহার), জামতারা  (ঝারখন্দ), মথুরা (উত্তর প্রাদেশ), পতনা (বিহার), বেঙ্গলুরু অর্বান (কর্নাতকা), দুমকা (ঝারখন্দ), গোতম বুধ নাগর (উত্তর প্রদেশ), জয়পুর (রাজস্থান), খেরতাল-তিজারা (রাজস্থান), নোর্থ ২৪ পার্গানাস (ৱেস্ত বেঙ্গল), কোলকাতা (ৱেস্ত বেঙ্গল), নোর্থ ৱেস্ত দিল্লী (দিল্লী), শৈখপুরা (বিহার) অমসুং সোউথ ৱেস্ত দিল্লী (দিল্লী)।

নেস্নেল ক্রাইম রেকোর্দস ব্যুরো (NCRB)না “ক্রাইম ইন ইন্দিয়া” হায়রিবা মখোয়গী পব্লিকেশন অদুদা ক্রাইমশিংগী মতাংদা স্তেতিস্তিকেল দেতা কমপাইল তৌই অমসুং পব্লিস তৌই। খ্বাইদগী নৌনা পব্লিশ তৌখিবা রিপোর্ত অদু চহি ২০২২গীনি। সাইবর ক্রাইম তৌরিবা ক্রিমিনেলশিংগা মরি লৈনবা অকক্নবা দেতা অদু NCRBনা তোঙান্না থমদে।

সাইবর ক্রাইমশিংবু কমপ্রেহেন্সিব অমসুং কোওর্দিনেতেদ ওইবা মওংদা লাকশিন্নবা মেকানিজম অদুবু হেন্না কনখৎহন্নবা, কেন্দ্র সরকারনা খোংথাংশিং লৌখৎখ্রে, ঞকৌয়শিং অদুগা মনুংদা মখাদা পীরিবশিং অসি য়াওরি:

1. হোম এফিয়র্স মন্ত্রালয়না লৈবাক অসিদা লৈরিবা সাইবর ক্রাইম খুদিংমকপু কোওর্দিনেতেদ অমসুং কমপ্রেহেন্সিব ওইবা মওংদা লাকশিন্নবা এতেচ ওফিস ওইনা ‘ইন্দিয়ন সাইবর ক্রাইম কোওর্দিনেশন সেন্তর’ (I4C) লিংখৎখিবনি।
2. রাজ্যশিং/য়ু.তি.শিংগী লো এনফোর্সমেন্ত এজেন্সীশিংগী মরক্তা কোওর্দিনেশন ফ্রেমৱার্ক হেনগৎহন্নবা ওন বোর্দিং রাজ্যশিং/য়ু.তি.শিং মল্তি জুরিস্দিকস্নেল ইশুশিং লৈবা সাইবর ক্রাইম হোতস্পোতশিং/এরিয়াশিংদা য়ুমফম ওইদুনা I4Cগী মখাদা লৈবাক শিনথুংনা কোন্দুনা মেৱাত, ঝামতারা, এহ্মদাবাদ, হাইদ্রবাদ, চন্দগর, বিশাখাপত্নম অমসুং গুৱাহাতিগীদমক্তা জোইন্ত সাইবর কোওর্দিনেশন তীম (JCCT) তরেত শেমখ্রে। ২০২৩দা হাইদ্রবাদ, এহমদাবাদ, গুৱাআতি, বিশাখাপত্নম, লখনৌ, রাঞ্চি অমসুং চন্দিগরদা JCCTকীদমক্তা ৱার্কশোপ তরেত শিনখি।
3. রাজ্য/য়ু.তি. পুলিসকী ইনভেস্তিগেতিং ওফিসরশিং (IOশিং)দা অর্লি স্তেজ ফোরেন্সিক এসিস্তেন্স পীনবা নই দিল্লীদা, I4Cগী শরুক অমা ওইনা মতম অসিগী খ্বাইদগী নৌবা ‘নেস্নেল সাইবর ফোরেন্সিক লেবোরেতরী (ইনভেস্তিগেশন)’ লিংখৎখ্রে। হৌজিক ফাওবদা, নেস্নেল সাইবর ফোরন্সিক্স লেবোরেতরী (ইনভেস্তিগেশন)না রাজ্যগী LEAশিংদা সাইবর ক্রাইমগা মরি লৈনবা কেসশিংগী ইনভেস্তিগেশনদা মতেং পাংনবা মোবাইল ফোরেন্সিক্স, মেমোরী ফোরেন্সিক্স, CDR এনালিসিস অসিনচিংবগুম্বা সাইবর ফোরেন্সিক্স ১০,২০০ মুক্তা মখোয়গী সর্বিসশিং অদু পীখি।
4. ‘নেস্নেল সাইবর ক্রাইম রিপোর্তিং পোর্তল’ (https://cybercrime.gov.in) অসি নুপী অমসুং অঙাংশিংদা অকন্নবা মিৎয়েং থমদুনা মীয়াম্না সাইবর ক্রাইমগা মরি লৈনবা মখল খুদিংমক্কী থৌদোকশিং রিপোর্ত তৌবা য়াহন্ননবা I4Cগী শরুক অমা ওইনা হৌদোকখিবনি। মসিগী পোর্তল অসিদা রিপোর্ত তৌরকখিবা সাইবর ক্রাইমগী থৌদোকশিং, মখোয়বু FIRশিংদা ওইনা ওন্থোকপা অমসুং মসিগী মতুং তারকপা থবক-থৌরমশিং অদু লোদা পীরিবা প্রোভিজনগী মতুং ইন্না রাজ্য/য়ু.তি.গী মরি লৈনবা লো এনফোর্সমেন্ত এজেন্সীশিংনা লৌখৎলি।  
5. I4Cগী মখাদা ‘সিতিজন ফাইনান্সিয়েল সাইবর ফ্রোদ রিপোর্তিং এন্দ মেনেজমেন্ত সিস্তেম’ অসি ফাইনান্সিয়েল ফ্রোদশিং খুদক্তা রিপোর্ত তৌনবা অমসুং ফ্রোদ তৌরিবশিংনা ফন্দশিং নমথাক তৌদুনা লৌথোকখিবদগী থিংনবনি। হৌজিক ফাওবদা লুপা করোর ২৪০০ হেনবা শেনফম অমা কমপ্লেন্ত লাখ ৭.৬ হেন্নগী কনবা ঙমহৌরে। ওনলাই সাইবর কমপ্লেন্তশিং থাজিন্নবগী তোল-ফ্রী ওইবা হেল্পলাইন নম্বর ‘১৯৩০’ অসি ওপরেত তৌহনখ্রে।
6. মেসিব ওপন ওনলাইন কোর্সেস (MOOC) প্লেতফোর্ম, মিং ওইনা পল্লবদা ‘CyTrain’ পোর্তল অসি I4Cগী মখাদা সাইবর ক্রিআম ইনভেস্তিগেশন, ফোরেন্সিক্স, প্রোসিক্যুশন অসিনচিংবশিং অসিগী মরু ওইবা আসপেক্তশিংগী মতাংদা সর্তিফিকেত পীদুনা ওনলাইন কোর্সকী খুত্থাংদা পুলিস ওফিসরশিং/জুদিসিয়েল ওফিসরশিংগী কেপাসিতী বিল্দিংগীদমক্তা দেবেলপ তৌখি।
7. হৌজিক ফাওবদা সিম কার্দ লাখ ৫.৮ অমসুং IMEI 1,08,000 হেনবা অসি পুলিস ওথোরিতীশিংগী রিপোর্তকী মতুং ইন্না ভারত সরকারনা ব্লোক তৌখ্রে।
8. I4Cনা ভারত সরকারগী মন্ত্রালয়/দিপার্তমেন্ত কয়া অমগী ওফিসিয়েল ৬,৮০০তা সাইবর হাইজিন ত্রেনিং পীখ্রে।
9. I4Cনা NCC কেদেৎ ৩৫,০০০ হেনবদা সাইবর হাইজিন ত্রেনিং পীখ্রে।  
10. হোম এফিয়র্স মন্ত্রালয়না রাজ্য/য়ু.তি.শিংদা মখোয়গী কেপাসিতী বিল্দিংগীদমক্তা ‘সাইবর ক্রাইম প্রিভেন্সন এগেন্সত ৱিমেন এন্দ চিল্দ্রেন (CCPWC)’ স্কীম অসিগী মখাদা লুপা করোর ১৩১.৬০ রোমগী ওইবা শেলগী মতেং পীখ্রে, খুদম ওইনা সাইবর ফোরেন্সিক-কম-ত্রেনিং লেবোরেতরৌশিং থম্বা, জুনিয়র সাইবর কন্সল্তেন্তশিং নেকপা অমসুং LEAগী পর্সোনেলশিং, পব্লিক প্রোসিক্যুতরশিং অমসুং জুদিসিয়েল ওফিসরশিং ত্রেনিং পীবা হায়বনচিংবশিং অসিনি। সাইবর ফোরেন্সিক-কম-ত্রেনিং লেবোরেতরীশিং অসি রাজ্য অমসুং য়ু.তি. ৩৩দা কমিসন তৌখ্রে অমসুং LEA পর্সোনেল, জুদিসিয়েল ওফিসর অমসুং প্রোসিক্যুতর ২৪,৬০০ হেনবদা সাইবর ক্রাইম এৱেয়রনেস, ইনভেস্তিগেশন, ফোরেন্সিক্স অসিনচিবশিং অসিগী মতাংদা ত্রেনিং পীখ্রে।
11. নেস্নেল সাইবর ফোরেন্সিক লেবোরেতরী (এভিদেন্স) অসি হাইদ্রবাদতা থমখ্রে। মসিগী লেবোরেতরী অসি থম্বনা সাইবর ক্রাইমগা মরি লৈনবা এভিদেন্সকী মতাংদা মথৌ তাবা ফোরেন্সিক সপোর্ত পীবা, IT এক্ত অমসুং এভিদেন্স এক্ততা পীরিবা প্রোভিজশিং অদুগী মতুং ইন্না এভিদেন্স অদুবু নিংথিজনা থম্বদা অমসুং মদুগী এনালিসিস তৌবা; অমসুং এভিদেন্সশিং অদুবু পুথোকপদা চংবা মতম অদুবুশু হন্থহল্লে।

12. সাইবর ক্রাইমগী মতাংদা এৱেয়রনেস শন্দোকপা, কেন্দ্র সরকারনা মসিগী মতাংদা থবক কয়ামরুম অমা পাইখৎখ্রে, মখোয়শিং অদুগী মনুংদা য়াওরিবশিং অদুদি; SMSকী খুত্থাংদা মেসেজশিং থাদোকপা, I4Cগী সোসিয়েল মীদিয়া একাউন্ত হায়বদি X (মমাংদা তএইত্তর হায়না খঙনরম্বা) (@CyberDost), ফেসবুক (CyberDostI4C), ইনস্তাগ্রাম (cyberDostI4C), তেলিগ্রাম (cyberdosti4c), রেদিয়ো কেমপেন, তোঙান-তোঙানবা মীদিয়ম কয়াদা পব্লিসিতীগীদমক্তা MyGov এনগেজ তৌবা, রাজ্যশিং/য়ু.তি.শিংগা খুৎশম্নদুনা সাইবর সেফতী অমসুং সেক্যুরিতী এৱেয়রনেস ৱীকশিং শিনবা, এদোলেসেন্তশিং/মহৈরোইশিং অসিনচিংবশিং অসিগীদমক্তা হেন্দবোক ফোংবা। রাজ্যশিং/য়ু.তি.শিংদা মাস এৱেয়রনেস পীনবা পব্লিসিতী চৎনবশু খঙহনখি।

মসি হোম এফিয়র্সকী রাজ্য মন্ত্রী, শ্রী বন্দি সঞ্জয় কুমারনা রাজ্য সভাদা হংখিবা ৱাহংগী অইবা পাউখুম ওইনা পীখিবনি।

*****