ভারতিয়া ন্যায় সনহিতা, ২০২৩ (BNS), ভারতিয়া নাগরিক সুরক্সা সনহিতা, ২০২৩ (BNSS), অমসুং ভারতিয়া সক্স্যা অধিনিয়ম, ২০২৩ (বি.এস.এ.) অসি দিসেম্বর ২৫, ২০২৩দা ভারতকী গেজেত্তা নোতিফাই তৌখি। BNSগী প্রোভিজনশিং অসিদা সেক্সন ১০৬কী সব-সেক্সন (২)গী প্রোভিজন নত্তনা অমসুং BNSS অমসুং বি.এস.এ.গী অহানবা সেদ্যুলদা য়াওরিবা BNSকী সেক্সন ১০৬ (২)গা মরী লৈনবা এন্ত্রী নত্তনা জুলাই ১, ২০২৪দগী চৎনবা হৌখি।

অনৌবা ক্রিমিনেল লোশিংগী শম্লপ্পা ৱারোল এনেক্সর ১দা পীরি।

BNSSকী সেক্সন ৪৭৮তগীনা ৪৯৬ ফাওবদা বেল অমসুং বোন্দগা মরী লৈনবা প্রোভিজনশিংগী অকুপ্পা মরোলশিং য়াওরি।

জেলশিংদা মী হেন্না চিনবা হন্থনবগীদমক, মখাগী প্রোভিজনশিং অসি BNS ২০২৩ অমসুং BNSS ২০২৩দা হাপ্লি।

১. BNSSকী সেক্সন ২৯০ দা, প্লী বার্গেনিং অসি অপীবা মতমগী মনুংদা লৈহল্লে অমসুং চার্জ ফ্রেম তৌবা তারিখতগী হৌদুনা নুমিৎ ৩০নিগী মনুংদা এপ্লিকেসন থাংগৎপা য়াগনি। মখা তানা, BNSSকী সেক্সন ২৯৩না এক্যুস অদুনা ইহান হান্না তৌবা ওফেন্দর ওইরবদি অমসুং মমাংদা অমুক্তা কনভিক্ত ওইখিদবা তারবদি, কোর্তনা অদুগুম্বা মরাল লৈরবা মীওইদু ওফেন্স অদুগী পীরিবা দন্দিগী মরি থোকপগী অমা নৎত্রগা তরুক থোকপগী অমা পীবা য়াই।

২. অন্দরত্রাইএল প্রিজনরগী খ্বাইদগী শাংবা ফাজিন্দুনা থম্বগী মতম অসি BNSS, ২০২৩গী সেক্সন ৪৭৯ দা পীরি। মসিমসু হায়রি মদুদি ক্রিগুম্বা মীওই অদুনা ইহান হানবা ওফেন্দর ওইরবদি (মমাংদা ওফেন্স অমহেক্তগী মরাল লৈত্রিবা) ওইরবদি, করিগুম্বা মহাক্না অদুগুম্বা ওফেন্স অদুগীদমক আইন্না ফাদোক পীবগী খ্বাইদগী শাংবা মতম অদুগী অহুম থোকপগী অমা লৈরবদি কোর্তনা বোন্দা থাদোকপা য়াই। মখা তানা, হায়রিবা হীরম অসিগী মতাংদা কোর্ত্তা এপ্লিকেসন থাবগী মথৌদি জেল অদুগী সুপরিন্তেন্দেন্ত অদুগী মথৌ ওইগনি,

৩. ইহান হানবা ওইনা কম্ম্যুনিতী সর্ভিসপু BNS। ২০২৩গী সেক্সন ৪দা দন্দি ওইনা হাপ্লে।

এনেক্সর ১

অনৌবা ক্রিমিনেল লোশিংগী হায়লাইত

অনৌবা ক্রিমিনেল লোশিং অসি ভারতকী নাগরিকশিংবু শক্তি হেন্না পীনবগী মায়কৈদা থাংজিনবা মশক থোকপা খোঙথাং অমা ওইরে। হায়রিবা আইনশিং অসি হেন্না ফংহনবা য়াবা, শৌগৎপীবা অমসুং মীপুম খুদিংমক্কী খ্বাইদগী ফবা ৱায়েল পথাপ অমা ওইহন্নবগী পান্দম থম্লি। অনৌবা ক্রিমিনেল লোগী মখাগী প্রোভিজনশিং অসিনা লনাই মীওই অমগী হক অমসুং ঙাকপী শেনবীবগী মতাংদা তাক্লিঃ

১. থৌদোক ওনলাইন্দা রিপোর্ত তৌবাঃ মীওই অমনা হৌজিক্তি পুলিস স্তেসন্দা চৎলুবা তৌদনা ইলেক্ত্রোনিক কম্ম্যুনিকেসনগী খুত্থাংদা রিপোর্ত তৌবা য়ারে। মসিনা হেন্না লায়না অমসুং থুনা রিপোর্ত তৌবা য়াহল্লদুনা পুলিসনা খোঙজেল য়াঙনা থবক পায়খৎপা ঙমহল্লি।

২. পুলিস স্তেসন অমহেক্তদা এফ.আই.আর. ফাইল তৌবা। জিরো এফ.আই.আর. হৌদোকপদগী, মীওই অমনা ফার্স্ত ইনফোর্মেসন রিপোর্ত (এফ.আই.আর.) অসি পুলিস স্তেসন অমহেক্তদা জুরিসদিক্সন থিদনা ফাইল তৌবা য়ারে। মসিনা আইনগী থবকশিং লৌখৎপদা থিন্থবা কোকহল্লি অমসুং ওফেন্স অদুগী রিপোর্ত খুদক্তা তৌবা য়াহল্লি।

৩. এফ.আই.আর.গী ফ্রী কোপীঃ ভিক্তিমশিং অসিনা এফ.আই.আর.গী ফ্রী কোপী অমা ফংজদুনা আইনগী থবক থৌরমদুদা শরুক য়াহল্লি।

৪. ফাবা মতমদা পাউ পীনবগী হকঃ ফাবা পুনবা মতমদা, লনাই মীওই অদুনা মখোয়গী ফিভম অদুগী মতাংদা কনাগুম্বা মহাক্না পাম্বা মীওই অমদা পাউ পীবগী হক লৈ। মসিনা খুদক্কী ওইবা মতেং ফারিবা মীওই অদুদা ফংগনি।

৫. ফাবগী ঈ পাউ উৎপাঃ ফাওবগী অকুপ্পা মরোলশিং অসি পুলিস স্তেসন অমসুং দিস্ত্রিক্ত হেদক্বার্তরশিংদা মতীক চানা থেত্তুনা ফাখ্রিবা মীওই অদুগী ইমুং মনুং অমসুং মরুপ মপাংশিংনা মরুওইবা ঈ পাউশিং ইরাই লায়না ফংহনবা য়াই।

৬. ফোরেন্সিক ইভিদেন্স খোমজিনবা অমসুং ভিদিওগ্রাফীঃ কেস অমসুং ইনভেস্তিগেসনদু হেন্না মপাঙ্গল কলহন্নবা, ফোরেন্সিক এক্সপর্তশিংনা সিরিয়স ওফেন্সকী ক্রাইম চত্থরিবা মফম অদুদা ইভিদেন্স খোমজিন্নবা শোইদনা চৎকদবনি। মসিগী মথক্তা, ক্রাইম সিন্দা ইভিদেন্স খোমজিনবগী থবকসু ইভিদেন্স মাঙহনবগী থবক চত্থদনবা ভিদিওগ্রাফ শোইদনা লৌগদবনি। হায়রিবা থবক অনি অসিনা ইনভেস্তিগেসনগী মগুন অমসুং থাজবগী চাং হেন্না ৱাংহনগনি অমসুং ৱায়েল চত্থবদা মরীক চুমহনগনি।

৭. ফাস্ত ত্রেক ইনভেস্তিগেসনঃ অনৌবা আইনশিং অসিনা নুপী অমসুং অঙাংশিংদা চত্থবা ওফেন্সশিং থিজিন হুমজিনবদা মরুওইবা থম্লি, মসিনা মতম চানা ঈ পাউ লৌবগী থা অনিগী মনুংদা লোইশিনবা ঙমহনগনি।

৮. ভিক্তিমদা খুমাং চাউশিনবগী পাউদম পীবাঃ ভিক্তিমশিং অসিদা নুমিত ৯০গী মনুংদা মখোয়গী কেসকী মতাংদা খুমাং চাউশিনবগী চাং তমগদবনি। মসিগী প্রোভিজন অসিনা ভিক্তিমশিংদা পাউ তমগনি অমসুং আইনগী থৌওংশিংদা শরুক য়াহল্লি, মনুং মপান ফাওনা উবা ঙমহল্লি অমসুং থাজবা হেনগৎহল্লি।

৯. ভিক্তিমশিংগী ফ্রী মেদিকেল ত্রিত্মেন্তঃ অনৌবা আইনশিং অসিনা ফ্রী ফর্স্ত এদ নৎত্রগা মেদিকেল ত্রিত্মেন্তশিং নুপী অমসুং অঙাংশিংগী মাইয়োক্তা চত্থবা ক্রাইম অদুগী ভিক্তিমশিং অদু হোস্পিতালদা লেম্না ত্রিত্মেন্ত পীবা য়াহল্লি। প্রোভিজন অসিনা খুদক্তা তঙাইফদবা হিদাক লাংথক ফংহল্লি, ভিক্তিমশিং অদুনা অৱাবা তারবা মীকুপ অদুদা রিকভরী ফংহল্লি।

১০. ইলেক্ত্রোনিক সম্মোনঃ সম্মোন অসি হৌজিক্তি ইলেক্ত্রোনিক ওইনা পীবা য়ারগনি, আইনগী থবকশিং থুনা পায়খৎপা ঙমহল্লি, চেগী থবক হন্থহল্লি, অমসুং মসিদা চেন্নরিবা মীওই খুদিংমক্তা মতীক চানা পাউ ফাওনবা ফংহল্লি।

১১. নুপী মেজিস্ত্রেতকী ৱারোলশিং: নুপীগী মাইয়োক্তা চত্থবা ওফেন্স খরগী ওইনা, ভিক্তিম অদুগী স্তেত্মেন্তশিং অসি ঙম্লিবা মখৈ নুপী মেজিস্ত্রেত অমনা লৌগনি, মহাক্না লৈতবা মতমদা, নুপা মেজিস্ত্রেত অমনা নুপী অমা মনাক্তা লৈহন্দুনা সেন্সিতিভিতী অমসুং অচুম্বা ফংনবগীদমক চত্থগনি, মসিনা ভিক্তিম অদুবু শৌগৎপীবগী মশক অমা উৎলি।

১২. পুলিস রিপোর্ত অমসুং অতৈ চে চাং পীবাঃ এক্যুজ অমসুং ভিক্তিম অনিমক্তা এফ.আই.আর., পুলিস রিপোর্ত/চার্জ শিত, স্তেত্মেন্ত, কনফেসন, অমসুং অতৈ চে চাংশিং নুমিৎ ১৪নিগী মনুংদা ফংহনগনি।

১৩. লিমিতেদ এদজর্ন্মেন্তঃ কোর্তশিংনা কেস হিয়রিংদা থিন্থদনা মতম চানা ৱায়েল বিচার পীনবগীদমক এদজর্নেমেন্ত য়াম্লবদা অনি ফাওবতমক অয়াবা পীরি।

১৪. ৱিৎনেস প্রোতেক্সন স্কিমঃ অনৌবা আইনশিং অসিনা রাজ্য সরকার খুদিংমক্তা ৱিৎনেস প্রোতেক্সন স্কিম চৎনদুনা ৱিৎনেস অদুবু শাফনা থম্নবা, আইনগী থৌওং অদুবু হেন্না থাজবা হেন্নাব অমসুং কান্নবা ফংহনবা হোৎনগদবনি।

১৫. জেন্দর ইনক্লুসিবিতীঃ "জেন্দর"গী ৱাহন্থোক অসি হৌজিক্তি ত্রান্সজেন্দরশিংবুসু মান্নবা পুরক্নবগীদমক য়াওরে।

১৬. প্রোসিদী খুদিংমক ইলেক্ত্রোনিক মোদতাঃ আইনগী থবক থৌরম খুদিংমক ইলেক্ত্রোনিক ওইনা চত্থদুনা, অনৌবা আইনশিং অসিনা ভিক্তিম, শাখি অমসুং এক্যুজশিংদা শিংদা খুদোংচাবা পীদুনা আইনগী থবক পুম্বা খোঙজেল য়াঙনা চত্থবা ঙমহনগনি।

১৭. স্তেত্মেন্তকী ওদিও-ভিদিও রেকোর্দিং: নমজা নম্থেক্নবগা মরী লৈনবা ওফেন্সতা ভিক্তিম্বু হেন্না ঙাকপী শেনবীনবগীদমক অমসুং ইনভেস্তিগেসন্দা হেন্না মনুং মপান ফাওনা উহন্নবগীদমক ভিক্তিমগী ৱারোল অদু পুলিসনা ওদিও ভিদিও ওইনা রেকোর্দ তৌগদবনি।

১৮. পুলিস স্তেসন চৎনদবাঃ নুপীশিং, চহি ১৫গী মখাদা লৈবা, চহি ৬০ গী মথক্তা লৈবা অমসুং নাম্ম শোইরবা নৎত্রগা অকনবা লায়নানা নারবা মীওইশিংনা পুলিস স্তেসন্দা চৎনদবা য়ারে।

১৯. নুপী অমসুং অঙাংশিংদা চত্থবা ওফেন্সঃ BNSদতা অখন্না নুউপী অমসুং অঙাংশিংদা চত্থবা ওফেন্সশিংদা ঙাকপী শেনবীবগা লোইননা অচুম্বা ৱায়েল পীনবগীদমক অনৌবা পন্দুপ অমা হাপ্লে।

২০. জেন্দর-ন্যুত্রেল ওফেন্সঃ নুপী অমসুং অঙাংশিংদা চত্থবা তোঙান-তোঙানবা ওফেন্সশিং অসি BNSতা জেন্দর ন্যুত্রেল ওইহল্লে, মসিনা ভিক্তিম অমসুং পর্পিত্রেতর খুদিংমক জেন্দরগী খেন্নবা লৈতনা কোনশিল্লি।

২১. কম্ম্যুনিতী সর্ভিসঃ অনৌবা আইনশিং অসিনা মশা ফগৎনবা অমসুং লনাই অমনা খুনাইদা লৌগদবা থৌদাংশিং হেন্না খঙহন্নবা মাইনর ওফেন্সকী ওইনা কম্ম্যুনিতী সর্ভিস হৌদোকখ্রে। কম্ম্যুনিতী সর্ভিসকী মখাদা, ওফেন্দর অদুনা খুনাইদা হেন্না থৌদাং য়াবা, মশাগী অশোইবদগী পরা তমজবা অমসুং হেন্না মপাঙ্গল লৈবা বোন্দ অমা পীবা ঙম্লগনি।

২২. ওফেন্সকী চুনবা ফাইনঃ অনৌবা আইনগী মখাদা, করিগুম্বা ক্রাইম খরগী ওইনা লৈবা ফাইনশিং অসি ওফেন্স অদুগী কা হেনবগী চাং য়েংদুনা, অচুম্বা অমসুং চুনবা দন্দি ফংহন্নবগীদমক, তুংদা চত্থদনবা অমসুং মীয়াম্না আইনগী পথাপতা হেন্না থাজবা হেন্নবা শেমদোক্লে।

২৩. লায়থোকহল্লবা আইনগী থৌওং: আইনগী থৌওংশিং অসি মখোয়দা হেন্না ভাপ তাহন্নবা, অচুম্বা অমসুং ৱায়েল ফংহন্নবা হেন্না লায়থোকহল্লে।

২৪. খোঙজেল য়াঙবা অমসুং অচুম্বা রাইঃ আইনগী থৌওংশিং অসিনা হেন্না য়াঙবা অমসুং অচুম্বা কেসকী ৱারেপ পুথোকপা, আইনগী পথাপতা হেন্না থাজবা লৈহল্লগনি।

পাউদম অসি লোক সভাদা রাজ্যগী গৃহ মন্ত্রী শ্রী বন্দি সঞ্জয় কুমারনা অইবা পাউখুম ওইনা পীখিবনি।

***