کیمیکلز اور فرٹیلائزرس کی مرکزی وزیر مملکت محترمہ انوپریہ پٹیل نے آج راجیہ سبھا میں ایک سوال کے جواب میں بتایا ہے کہ ڈرگس (پرائس کنٹرول) آرڈر، 2013 (ڈی پی سی او،2013)  کے ضابطوں کے مطابق، ڈی پی سی او کے شیڈول-I میں درج فارمولیشنز کو ڈی پی سی او ، 2013 کے سیکشن 2(1)(زیڈ بی) کے تحت شیڈول فارمولیشن کے طور پر بیان کیا گیا ہے۔ جو فارمولیشنز شیڈول-I میں شامل نہیں ہیں، ان کو ڈی پی سی او 2013 کے پیرا 2(1)(v)  ،  کے تحت غیر  شیڈولڈ   فارمولیشن کے طور پر بیان کیا گیا ہے۔ اس طرح، شیڈولڈ اور غیر شیڈولڈ دونوں دوائیں  ڈی پی سی او، 2013 کے تحت آتی ہیں۔

ڈی پی سی او، 2013 کے موجودہ ضابطوں  کے مطابق، نیشنل فارماسیوٹیکل پرائسنگ اتھارٹی (این پی پی اے) کی طرف سے گزشتہ کیلنڈر سال کے لیے ہول سیل پرائس انڈیکس (ڈبلیو پی آئی) (تمام اشیاء) کی بنیاد پر شیڈول ادویات کی زیادہ سے زیادہ قیمتوں پر سالانہ نظر ثانی کی جاتی ہے، ہر سال اپریل یکم کو یا اس سے قبل یہ نظر ثانی کی جاتی ہے اور ہر سال  یکم اپریل کو  حکومت کے ذریعے  اسے نوٹیفائی  کیا جاتا ہے۔ این پی پی اے کی طرف سے مقرر کردہ قیمت کی تفصیلات این پی پی اے کی ویب سائٹ یعنی nppaindia.nic.in  پر دستیاب ہیں۔ ڈی پی سی او ، 2013 کے پیرا 20 کے مطابق غیر  شیڈولڈ  فارمولیشن (برانڈڈ یا جنرک ) کی صورت میں، کوئی بھی مینوفیکچرر پچھلے 12 مہینوں کے دوران زیادہ سے زیادہ خوردہ قیمت(ایم آر پی) کو ایم آر پی کے 10فیصد سے زیادہ  اضافہ نہیں کر سکتا۔ ڈی پی سی او، 2013 کے دفعات کے مطابق شیڈول اور نان شیڈول ادویات کے لیےقیمتوں میں زیادہ سے زیادہ منظور شدہ   اضافہ، ان کے متعلقہ مینوفیکچررز  کے ذریعے اپنے  تجارتی تحفظات اور مارکیٹ کی صورت حال  کی بنیاد پر کیا جاسکتا ہے  یا نہیں بھی کیا جاسکتا۔

ڈرگس اینڈ کاسمیٹکس ایکٹ، 1945 اور اس کے تحت  تیار کئے گئے قواعد کے تحت، ادویات کے مینوفیکچرر کو مینوفیکچرنگ لائسنس کی شرائط اور گڈ مینوفیکچرنگ پریکٹسز (جی ایم پی) کے تقاضوں کی تعمیل کرنے کی ضرورت ہے۔ ڈرگ رولز، 1945 کے مطابق، مینوفیکچرنگ، ٹیسٹنگ، لیبلنگ، پیکیجنگ، اسٹوریج اور ڈسٹری بیوشن لائسنس کی شرائط کی تعمیل میں کرنے کی ضرورت ہے جس میں ڈرگ رولز کے تحت  شیڈول ایم کے تحت تجویز  کی گئیں گڈ مینوفیکچرنگ پریکٹس (جی ایم پی) شامل ہیں۔جن  خلاف ورزی کی صورت میں، لائسنسنگ اتھارٹی کو مذکورہ ایکٹ اور قواعد کے مطابق کارروائی کرنے کا اختیار حاصل ہے۔

ڈی پی سی او  2013 کے تحت  این پی پی اے  شیڈولڈ  اور غیر شیڈولڈ ادویات کی قیمتوں کی نگرانی کرتی ہے۔ ان کمپنیوں کے خلاف کارروائی کی جاتی ہے، جو  منظور شدہ  قیمت سے زیادہ قیمتوں پر ادویات  فروخت کرتی ہیں، اور ڈی پی سی او ،  2013کے متعلقہ ضابطوں کے مطابق کمپنی سے زائد چارج شدہ رقم وصول کی جاتی ہے۔ مالی سال 2024-2023 کے دوران خاطی  کمپنیوں سے 72.73 کروڑ روپےکی رقم  وصول کی گئی۔

**********

ش ح۔ا گ ۔ رض

U:8977