ثقافت اور سیاحت کے مرکزی وزیر جناب گجیندر سنگھ شیخاوت نے آج لوک سبھا میں ایک تحریری جواب میں یہ معلومات فراہم کی کہ حکومت ہند کے ایک بھارت شریشٹھ بھارت (ای بی ایس بی) پروگرام کا مقصد مختلف ریاستوں/مرکز کے زیر انتظام علاقوں کے لوگوں کے درمیان بات چیت  اورروابط میں اضافہ کرنا اور ریاست/ مرکز کے زیر انتظام علاقہ کی جوڑی بنانے اور تجرباتی طور پر سیکھنے کے تصور کے ذریعہ باہمی افہام و تفہیم کو فروغ دینا ہے۔ حصہ لینے والی 16وزارتیں/محکمے زبان سیکھنے، ثقافت، روایات اور موسیقی، سیاحت اور کھانوں، کھیلوں اور بہترین طور طریقوں کے اشتراک وغیرہ کے شعبوں میں جوڑی والی ریاستوں/مرکز کے زیر انتظام علاقوں کے درمیان پائیدار اور منظم ثقافتی روابط کو فروغ دینے کے لیے سال بھر سرگرمیاں جاری  رکھتے ہیں۔ نوجوانوں کو ہندوستانی ثقافت اور ورثے کے متنوع پہلوؤں  سے واقف کرانےاوراس کےبارےمیں بیداری پیدا کرنے کی غرض سےای بی ایس بی کے زیراہتمام مختلف النوع اقدامات اور مہمات کا اہتمام کیا جاتا ہے۔  ان میں شامل ہیں:

1. یووا سنگم: یہ ایک جاری تعلیمی نیز ثقافتی تبادلہ ہے جس میں تنوع کا جشن منایا جاتا ہے جس میں شرکاء میزبان ریاست کی زبان، ادب، کھانوں، تہواروں، روایات، آرٹ کی شکلوں،  فنو ن لطیفہ ،تعمیراتی، انجینئرنگ اور تاریخی عجائبات کا عمیق تجربہ حاصل کرتے ہیں۔
2. کاشی تمل سنگمم (کے ٹی ایس): قدیم ہندوستان میں تعلیم حاصل کرنے اورسیکھنے کے دو مشہور مراکز تمل ناڈو اور کاشی کے درمیان تاریخی روابط کو منانے اور تقویت دینے کے لیے ای بی ایس بی کے زیراہتمام کاشی تمل سنگمم- کے ٹی ایس کے دو پروگراموں کا انعقاد کیا گیا ہے۔ ان دونوں پروگراموں میں تقریباً 3,900 تامل مندوبین نےشرکت کی جو ثقافتی وسرجن کے لیے وارانسی، پریاگ راج اور ایودھیا کے 8 روزہ دورے پر سفر کر رہے تھے۔ کے ٹی ایس کے تحت ہونے والی سرگرمیوں میں سیمینار، مظاہرے، ثقافتی تبادلے اور نمائشیں وغیرہ شامل تھیں جن میں تمل ناڈو اور اتر پردیش کے ہینڈلوم، ہتھ کرگھہ ، دستکاری، کھانوں اور تاریخی مقامات کواجاگرکیا گیا۔
3. ایک بھارت سنسکرتی سنگم (ای بی ایس ایس): نوجوانوں (18 سے30 سال) کو مختلف ریاستوں/مرکز کے زیر انتظام علاقوں کی ثقافتوں، روایات اور آرٹ کی شکلوں کو سیکھنے اور قبول کرنے کی ترغیب دینے کے لیے جولائی سےاکتوبر 2023 کے دوران ایک آن لائن سوشل میڈیا مہم چلائی گئی۔ انہیں چار زمروں -رقص، گانے، پینٹنگ اور فوٹو گرافی کے تحت اپنی آبائی ریاست کے علاوہ کسی بھی ریاست کی زبان میں فن کا مظاہرہ کرنے کے لئے کہاگیا تھا ۔

ملک بھر میں آزمائشی مرحلہ سمیت یووا سنگم کے مختلف مراحل میں کل 5,284 شرکاء اور کوآرڈینیٹروں نے حصہ لیا ہے۔ یووا سنگم کے مختلف مراحل میں ریاست مہاراشٹر سے کل 245 شرکاء نے حصہ لیا ہے۔

‘ایک بھارت شریشٹھ بھارت’ مہم کے تحت مہاراشٹر کے ساتھ ساتھ مختلف ریاستوں میں ثقافت کی وزارت کے تحت تمام زونل کلچرل سینٹرز (زیڈ سی سیز) کی طرف سے منعقد کی جانے والی اہم سرگرمیاں ضمیمہ میں منسلک کی گئی ہیں۔

ثقافت کی وزارت،ای بی ایس بی کے تحت اپنے زونل کلچرل سینٹرز (زیڈ سی سیز) کے ذریعہ جوڑی بنانے والی ریاستوں کو مدنظر رکھتے ہوئے مختلف ثقافتی پروگراموں/ سرگرمیوں کا اہتمام کرتی ہے۔ مہاراشٹر میں جن سرگرمیوں کی منصوبہ بندی کی گئی ہے ،ا ن میں لوک کلا درشن، لوک نرتیہ بھارت، قبائلی رقص کا میلہ، لوک تھیٹر فیسٹیول، روایتی/ قبائلی پینٹنگ ورکشاپ، اسٹری فیسٹیول، ڈاکٹر وسنت راؤ دیش پانڈے اسمرتی سنگیت مہوتسو، اورنج سٹی کرافٹ میلہ اور لوک رقص فیسٹیول-2025، اسٹون کارونگ یعنی سنگ تراشی ورکشاپ-2024، ابھیویکتی سنسکرتک کٹا، گرو شیشیا پرمپارا، تحقیق اور دستاویزات وغیرہ شامل ہیں۔

ای بی ایس بی کے تحت،شرکت کرنےوالی وزارتوں/محکموں اور اداروں کے ذریعہ مختلف سرگرمیوں کی منصوبہ بندی اور ان کے انتظامی دائرہ کار کے تحت مہاراشٹر سمیت پورے ہندوستان میں عمل درآمد کیا جاتا ہے۔

ضمیمہ

‘ایک بھارت شریشٹھ بھارت’ مہم کے تحت مہاراشٹر کے ساتھ ساتھ مختلف ریاستوں میں تمام زیڈ سی سیز کی طرف سے منعقد کی گئی اہم سرگرمیاں درج ذیل ہیں:

******

ش ح۔ع م ۔ ف ر

U:8963