’ون ڈی اے ای      ون سبسکرپشن‘ (او ڈی او ایس) کی افتتاحی تقریب آج ممبئی کے ٹاٹا میموریل اسپتال میں منعقد ہوئی۔او ڈی او ایس ایک منفردتصور( آئیڈیا) ہے جو محکمہ جوہری توانائی (ڈی اے ای) اور اس کی تمام اکائیوں/ ذیلی یونٹس (تقریباً 60) کو قومی اور بین الاقوامی تحقیقی مقالوں کے ساتھ ساتھ سائنسی جرائد کو پڑھنے اور شائع کرنے کے لیے ایک چھتری کے نیچے ایک ساتھ فعال کرتا ہے۔ اس اقدام سے اب وسائل کو ڈیجیٹل طور پر تقسیم کرنا اور اجتماعی طور پر ترقی اور فروغ دینا ممکن ہے۔ڈی اے ای نے میسرز ولے انڈیا پرائیویٹ لمیٹڈ اورمیسرز اسپرنگر نیچر گروپ  کے ساتھ اسی کو آگے بڑھانے میں کنسورشیم کے معاہدوں پر دستخط کیے ہیں۔

 

 

افتتاح کے موقع پر، سکریٹری،ڈی اے ای اور چیئرمین اے ای سی ، ڈاکٹراے کے موہنتی نے مبارکباد کا پیغام دیا اور کہا، او ڈی او ایس تبدیلی کا معاہدہ  ڈی اے ای کی پڑھنے تک رسائی اور اشاعت کی ضروریات کو ہم آہنگ کرنے کے لیے ایک اہم سنگ میل ہے۔ مجھے یقین ہے کہ او ڈی او ایس ہزاروں سائنس دانوں، انجینئروں،ایچ بی این آئی کے نوجوان طلباء اور امداد یافتہ اداروں کےمحققین کو بہت بڑے علمی پلیٹ فارم تک رسائی حاصل کرنے اور کھلی رسائی کے جرائد میں شائع کرنے کے لیے فائدہ پہنچائے گا۔او ڈی او ایس بعد میں ایک بڑے قومی اقدام کے ساتھ ضم ہو جائے گا، جسے ون نیشن ون سبسکرپشن (او این او ایس) کہا جاتا ہے جسے حکومت ہند کے پرنسپل سائنسی مشیر کے دفتر نے شروع کیا ہے۔او این او ایس اس وقت نفاذ کے مختلف مراحل میں ہے۔

 

 

جلسہ سے خطاب کرتے ہوئے جناب۔ اے کے نائک، سربراہ،این سی پی ڈبلیو ،ڈی اے ای ، نے کہا کہ او ڈی او ایس پہل کا مقصد زیادہ سے زیادہ لوگوں تک علم کو قابل رسائی بنانا ہے۔او ڈی او ایس او این او ایس کی طرف ایک چھوٹا لیکن فیصلہ کن قدم ہے جس کے نتیجے میں علم کو ہر کسی کے لیے قابل رسائی بنایا جائے گا اور ایک ترقی یافتہ ہندوستان کے خواب کو پورا کیا جائے گا۔

ٹی ایم سی کے ڈائریکٹر ڈاکٹر سدیپ گپتا نے اظہار خیال کیا کہ لائبریریاں اب اینٹوں اور مارٹر کی عمارتیں نہیں بلکہ کمپیوٹر ہیں۔ موجودہ دور میں دنیا تخلیقی اختراعات پر زور دیتی ہے جو صرف اس وقت ہو سکتی ہیں جب ہمیں کسی خاص شعبے میں حکمت کی موجودہ حالت تک رسائی حاصل ہو۔دہرائی جانے والی تحقیق کو کم سے کم کرنے کا ایک طریقہ یہ ہےکہ ہر ایک کو سائنس کی موجودہ حالت تک رسائی دی جائے تاکہ ہم آگے بڑھیں اور جو کچھ ہو چکا ہے اسے دہرانے سے گریز کریں۔ ڈی ای اے نے ایک بار پھر ثابت کیا ہے کہ وہ قیادت کرنے اور راستہ دکھانے میں پیش پیش ہے۔

او ڈی او ایس کے بارے میں

میسرز ولے انڈیا پرائیویٹ لمیٹڈ  پہلا او ڈی او ایس معاہدہ 1353 ولے جرائد کے مجموعے تک رسائی فراہم کرے گا جس میں پوری ڈی اے ای کمیونٹی کے لئے 1997 سے آرکائیوز شامل ہیں۔ یہ 166 منفرد جرائد کی موجودہ رسائی کے خلاف ہے جو قیمت میں زیادہ اضافہ کیے بغیر ڈی اے ای  کے صرف 12 یونٹس کو فراہم کیے گئے ہیں۔سال 2024 کے لیے تمام جرائد کے لیے ڈی اے ای کی تمام اکائیوں کو دائمی حقوق دیے جائیں گے۔ڈی اے ای کو اوپن رسائی جرنلز میں مزید مضامین شائع کرنے کا حق بھی ملے گا۔ اس معاہدے کے تحت آرٹیکل پروسیسنگ چارجز (اےپی سی) کا احاطہ کیا گیا ہے۔

میسرز اسپرنگر نیچر گروپ  کے ساتھ دوسرااو ڈی او ایس معاہدہ۔ تقریباً 2,686 اسپرنگر نیچر ٹائٹلز تک رسائی فراہم کرے گا جس میں 553 جرنلز بطور فل اوپن ایکسیس (ایف او اے) شامل ہیں۔ یہ رسائی پورے  ڈی اے ای کو فراہم کی جائے گی جب کہ پہلے 14 یونٹس تک 1752 منفرد جرائد کی رسائی فراہم کی گئی تھی۔ 2024 کے تمام جرائد کے لیے ڈی اے ای کی تمام اکائیوں کو دائمی حقوق دیے جائیں گے۔ اسپرنگر ٹائٹلز کے لیے سال 1997 اور نیچر ٹائٹلز کے لیے سال 2012 کے آرکائیوز بھی قابل رسائی ہوں گے۔ یہ معاہدہ ڈی اے ای کو اس قابل بنائے گا کہ وہ اسپرنگر ہائبرڈ جرنلز میں آرٹیکل پروسیسنگ چارجز (اےپی سی) کے بغیر کھلی رسائی کے طور پر 281 مضامین شائع کر سکے۔

او ڈی او ایس تبدیلی کے معاہدے (ٹی اے) نے میسرز ولے انڈیا پرائیویٹ لمیٹڈکے ساتھ دستخط کیے ہیں۔اسپرنگر نیچر گروپ ڈی اے ای کی سائنسی کمیونٹی کے لیے ایک اہم سنگ میل ہے اور سائنس اور ٹیکنالوجی کی پائیدار ترقی کو ممکن بناتا ہے۔ اس سے سائنسی حوصلے بڑھیں گے، اختراع کو فروغ ملے گا، تحقیق کو فروغ ملے گا اور علمی اشاعتوں میں اضافہ ہوگا۔

***********

ش ح ۔  ش ت - م ش

U. No.8908

(Release ID: 2038601) Visitor Counter : 54