দেবেলপমেন্ত ওফ নোর্থ ইস্তর্ন রিজন (DoNER) মন্ত্রালয়না শগোলশেল নুমিত্তা নই দিল্লীগী ৱিগ্যান ভাৱন এনেক্সতা “এসেলরেতেদ দেবেলপমেন্ত ওফ নোর্থ ইস্তর্ন স্তেতস” হায়রিবা ইরমঅসিদা পোস্ত-বজেত ৱেবিনার অমা শিনখ্রে। থৌরম অদু DoNERগী রাজ্য মন্ত্রী, দা. সুকান্তা মাজুমদারনা ময়াই তাংবল লৌদুনা সেক্রেতরী, শ্রী চঞ্চল কুমার; MDoNER পআলনিং সেক্রেতরীশিং, ফাইনান্স সেক্রেতরীশিং অমসুং নোর্থ ইস্তর্ন স্তেত নিপালগী রেসিদেন্ত কমিস্নরশিং, MDoNERগী সেনিয়র গোবর্নমেন্ত ওফিসিয়েলশিং, নোর্থ ইস্তর্ন কাউন্সিল, MDoNERগী CPSEশিং অমসুং ফাইনান্স মন্ত্রালয়না ৱেবিনার অদুদা শরুক য়াখি।

MDoNERগী সেক্রেতরীনা GDPদা শাহৌ লাকপগা লোইননা শেন্মিৎলোনদা ফগৎলকপা অদুবু পনখি, মমাং চহিগা চাংদম্নবদা ফিস্কেল দেফিসিততা হন্থরকখি অমসুং ইনফ্রাস্ত্রকচরদা কেপিতল এক্সপেন্দিচরগীদমক্তা লুপা করোর লাখ 11.11 পীখ্রে। মসিনা নোর্থ ইস্তর্ন রিজন (NER)দা হেন্না ফবা কেনেক্তিবিতী লৈহল্লগনি। মহাক্না MDoNERগী হৌজিক-হৌজিক পাইখৎলিবা প্রোজেক্তশীং অদু খোংজেল য়াংশিনহল্লগনি হায়না থাজবা পীরকখি অমসুং প্রোজেক্তশীংগী বজেত মতম চানা থাদোকহন্নবগীদমক্তা মন্ত্রালয় অসিনা পাইখৎলকখিবা মরু ওইবা রিফোর্মশিং অমসুং মখোয়গী এপ্রুভল প্রোসেস অদুবু খোংজেল য়াংশিনহন্নবা দেজিতেল তেক্নোলোজী শিজিন্নবগী মতাংদা পনখি।

দা. মাজুমদারনা মহাক্কী ৱারোলদা নোর্থ ইস্তর্ন রিজিনগী চাউখৎ-থৌরাংগীদমক্তা প্রধান মন্ত্রী, শ্রী নরেন্দ্র মোদীগী ভিজনদা থাজবা ফোএদোকখি; “ইকাইখুম্নবদা মতিক চারবা, শ্রী নরেন্দ্র মোদী জীগী য়াম্না ইচং থৌবা লুচি মখাদা, বিকসিত ভারতকী খুমাং চাউশিল্লিবা খোংচৎ অসিনা নোর্থ ইস্তর্ন রাজ্যশিংগী চাউখৎ-থৌরাংদা অণৌবা অৱাংবা থাক অমদা য়ৌহল্লগনি। বিকসিত নোর্থ ইস্ত অসিনা ‘সবকা সাথ, সবকা বিকাস’কী মোতো অসিগা লোইননা বিকসিত ভারতকীদমক্তা য়াম্না মরু ওইবা থৌদাং অমা লৌদুনা লাক্লি।”

মহাক্না শেল-থুমগি মন্ত্রী, শ্রীমতি নির্মালা সিতারামনবু লাইরবশিং, নুপীশিং, নহাশিং অমসুং লৌমীশিংদা অখন্নবা মিৎয়েং থমদুনা য়াম্না শিংথানিংঙাই ওইরবা থংন-থংননা তরেতশুবআ বজেত পুথোরকপগীদমক্তা থাগৎপা ফোংদোকখি অমসুং বজেত্তা এজুকেশন, এমপ্লোইমেন্ত অমসুং স্কিল্লিংগীদমক্তা লুপা করোর লাখ 1.48 অমসুং নুপীশিং অমসুং নুপীমচাশিংদা কানগদবা স্কীমশিংগীদমক্তা লুপা করোর লাখ ৩ খাইদোকখিবগী মতাংদা পনখি। মহাক্না মখা তারকখি মদুদি নন-একজেমতেদ সেন্ত্রেল মিনিস্ত্রিশিং অমসুং NERদা লৈরিবা দিপার্তমেন্তশিংনা 2014-15 অমসুং 2023-24 ফাওবগী মরক্তা অপুনবা এক্সপেন্দিচর লুপা করোর লাখ ৫.২২ ফাওবগী ওইবা মরু ওইবা ফাইনান্সিয়েল ইনভেস্তমেন্তশিং তৌখি।

দা. মাজুমদারনা অহানবা ওইনা 2023-24দা লমদম অসিদা একচুৱল এক্সপেন্দিচর লুপা করোর লাখ ১.০০ হেনখিবা অসিদা অপেনবা ফোংদোকখি। PM-DevINEগী অনৌবা থৌরাংদা 2022-23দগী 2025-26 ফাওবদা লুপা করোর 6,600 শেন্থংগা লোইননা ইনফ্রাস্ত্রকচর, সোসিয়েল দেবেলপমেন্ত অমসুং লাইলিহুদ প্রোজেক্তশিংদা য়াম্না চাউনা শরুক য়াখি। মন্ত্রী অসিনা পল্লকখি মদুদি প্রধান মন্ত্রী, শ্রী নরেন্দ্র মোদীগী ‘এক ভারত শ্রেস্থ ভারত’কী ভিজনদা,  SC অমসুং ST কম্যুনিতীশিং অমসুং নুপীশিং অমসুং নহাশিংগী শেন্দান লম্বিদা অখন্নবা মিৎয়েং থমদুনা লুপা করোর ৫,৯০০গী শেন্থং কাইথোকখি।

“মন্ত্রালয়দা ঐগী মকোক থোংবা ওইরিবা, শ্রী জ্যোতিরাদিত্যা সিনদ্যা জীগী ইচং থৌবা অদুনা অনৌবা থাজবা অমা ফাওহনখ্রে। মহাক্কী য়াম্লবা এক্সপরিয়েন্সশিং অদুদগী তমদুনা ঐহাক্না বিকসিত নোর্থ ইস্তকী ঐখোয়গী খোংচৎ অদুগী মনুংদা নখোয় ময়ামদা য়ৌরক্নবা হোৎনগনি হায়নশু মহাক্না পনখি।”

দা. মাজুমদারনা মখা তারকখি মদুদি ফাইনান্সিয়েল ইনক্লুজন হেনগৎহন্নবা, NERদা ইন্দিয়া পোস্ত পেমেন্ত বেঙ্ককী ব্রাঞ্চ 100 হাংলগনি। মসিগী ব্রাঞ্চশিং অসিনা বেঙ্কিং সর্বিসশিংবু নোর্থ ইস্তর্ন রাজ্যশিংগী ইচিল-ইনাওশিংগীদমক্তা হেন্না এসেসিবল অমসুং এফোর্দেবল ওইহল্লগনি অমসুং হেন্না থাজবা অমা ওইহল্লগনি। ইনফ্রাস্ত্রকচর প্রোজেক্তশিং খুদম ওইনা আগর্তালা-আখাউরা রেলৱে লিঙ্ক, সেলা তনেল, কামখ্যা কোরিদো, কালাদান মল্তি-মোদল ত্রান্সিত ত্রান্সপোর্ত প্রোজেক্ত অমসুং ইন্দিয়া-বংগ্লাদেশ ফ্রেনশিপ পাইপলাইনবু কেনেক্তিবিতী অমসুং সোসিয়ো-ইকোনোমিক দেবেলপমেন্ত হেনগৎহন্নবা সরকারগী অচেৎপা ফিরেপকী খুদম ওইনা পনখি।

MDoNERনা পাইখৎলিবা স্কীমশিং, PM-DevINE, NESIDS (লম্বিশিং), NESIDS (OTRI), নোর্থ ইস্তর্ন কাউন্সিল (NEC)গী অখন্নবা পেকেজশিং অমসুং স্কীমশিং.মতাংদা অকুপ্পা মরোলগা লোইনা প্রেজেন্তেশনশু তৌখি।

***