زراعت اور کسانوں کی بہبود کی وزارت، حکومت ہند کے تحت انڈین کونسل آف ایگریکلچرل ریسرچ (آئی سی اے آر) نے ایک فلیگ شپ نیٹ ورک پروجیکٹ شروع کیا ہے جس کا نام نیشنل انوویشنز ان کلائمیٹ ریسیلینٹ ایگریکلچر (این آئی سی آر اے) ہے۔ اس منصوبے کا مقصد فصلوں، مویشیوں، باغبانی اور ماہی گیری سمیت زراعت پر موسمیاتی تبدیلیوں کے اثرات کا مطالعہ کرنا اور زراعت میں موسمیاتی لچکدار ٹیکنالوجیز کو تیار کرنا اور فروغ دینا ہے جو ملک کے کمزور علاقوں کو تعاون فراہم کرے گی اور اس منصوبے کے نتائج سے اضلاع اور خطوں کو انتہائی موسمی حالات جیسے خشک سالی، سیلاب، ٹھنڈ، گرمی کی لہروں وغیرہ سے متاثر ہونےسے نمٹنے میں مدد ملے گی۔۔

آئی سی اے آر کی نمایاں کامیابیاں درج ذیل ہیں:

• گزشتہ 10 برسوں (2024 - 2014) کے دوران، آئی سی اے آر کی طرف سے کل 2593 اقسام جاری کی گئی ہیں، ان میں سے 2177 اقسام ایک یا زیادہ حیاتیاتی اور/ یا ابیوٹک دباؤ کو برداشت کرنے والی پائی گئی ہیں۔
• آب و ہوا کی تبدیلی کے لیے زراعت کے خطرے اور دیگر خطرات کا جائزہ 651 بنیادی طور پر زرعی اضلاع کے لیے ضلعی سطح پر بین الحکومتی پینل آن کلائمیٹ چینج (آئی پی سی سی ) پروٹوکول کے مطابق کیا جاتا ہے۔ کل 109 اضلاع کو 'بہت زیادہ' اور 201 اضلاع کو 'انتہائی' کمزور کے طور پر درجہ بندی کی گئی ہے۔
• ان 651 اضلاع کے لیے ڈسٹرکٹ ایگریکلچر کنٹیجنسی پلانز (ڈی اے سی پیز) موسم کی خرابیوں جیسے خشک سالی، سیلاب، غیر موسمی بارشوں اور شدید موسمی واقعات جیسے کہ گرمی کی لہر، سردی کی لہر، ٹھنڈ، ژالہ باری، طوفان وغیرہ کے لیے تیار کیے گئے ہیں اور جگہ مخصوص آب و ہوا کی لچکدار فصلوں  اور زراعت اور کسانوں کے ریاستی محکموں کے ذریعہ استعمال کے لئے اقسام اور انتظام کے طریقے کی سفارش کرتے ہیں۔
• موسمیاتی تغیرات کے لیے کسانوں کی لچک اور موافقت کی صلاحیت کو بڑھانے کے لیے،این آئی سے آر اے کے تحت ’’کلائمیٹ ریسیلئنٹ ولیجز‘‘   (سی آر ویز) کا تصور شروع کیا گیا ہے۔
• کسانوں کی طرف سے اپنانے کے لیے آب و ہوا کے لحاظ سے 151 کمزور اضلاع کے سی آر ویز 448 میں محل وقوع سے متعلق موسمیاتی لچکدار ٹیکنالوجیز کا مظاہرہ کیا گیا۔
• آئی سی اے آر اپنے  این اائی سی آر اے پروجیکٹ کے ذریعے کسانوں میں زراعت میں موسمیاتی تبدیلی کے اثرات کے بارے میں بیداری پیدا کرتا ہے۔ کسانوں کو موسمیاتی تبدیلی کے مختلف پہلوؤں سے آگاہ کرنے کے لیے کیپسٹی بلڈنگ پروگرام چلائے جا رہے ہیں تاکہ موسمیاتی لچکدار ٹیکنالوجیز کو وسیع تر اپنایا جا سکے۔ حکومت نے موسمیاتی تبدیلیوں سے نمٹنے کے لیے قومی مشن فار سسٹین ایبل ایگریکلچر (این ایم ایس اے) کے ذریعے اقدامات کیے ہیں، جو کہ موسمیاتی تبدیلی پر قومی ایکشن پلان (این اے پی سی سی) کے اندر ایک مشن ہے۔

اس مشن کا مقصد بدلتی ہوئی آب و ہوا کے لیے ہندوستانی زراعت کو زیادہ لچکدار بنانے کی حکمت عملیوں کو تیار کرنا اور ان پر عمل درآمد کرنا ہے۔ کسانوں کی بیداری/ صلاحیت کی تعمیر این ایم ایس اے حکمت عملی کا ایک اہم حصہ ہے۔ ابتدائی طور پر این ایم ایس اے کو درج ذیل تین بڑے اجزاء پر مشتمل کے لیے منظور کیا گیا تھا، یعنی رین فیڈ ایریا ڈویلپمنٹ (آر اے ڈی) ؛ آن فارم واٹر مینجمنٹ (او ایف ڈبلیو ایم) ؛ اور مٹی کی صحت کا انتظام (ایس ایچ ایم) ۔

اس کے بعد، نئے پروگرام جیسے سوائل ہیلتھ کارڈ (ایس ایچ سی) ، پرمپراگت کرشی وکاس یوجنا (پی کے وی وائی) ، شمال مشرقی خطے میں نامیاتی ویلیو چین ڈیولپمنٹ (ای او وی سی ڈی این ای آر) ، فی ڈراپ مور کراپ، نیشنل بانس مشن  (این بی ایم) وغیرہ کو بھی شامل کیا گیا۔

یہ معلومات زراعت اور کسانوں کی بہبود کے مرکزی وزیر جناب شیوراج سنگھ چوہان نے آج راجیہ سبھا میں ایک تحریری جواب میں دی۔

۔۔۔

ش ح۔ ش ت۔  ت ح                                                

U - 8836