কেন্দ্রগী শেল-থুম মন্ত্রী, শ্রীমতি নির্মলা সিতারামন্না পুথোখিবা কেন্দ্রগী বজেত ২০২৪-২৫না ভারতকী শেন্মিৎলোন চাউখৎনবগীদমক্তা তুংলমচৎকী শাফগদবা লম্বি অঞা য়াৎপীরে। বজেত অদুনা “নেক্স জেনরেশন রিফোর্মস” হায়রিবা থীম অসিদা অহেনবা মিৎয়েং থমদুনা শেনমিৎলোন চাউখৎহনবা, পোত্থোক হেনগৎহনবা অমসুং মার্কেত অমসুং সেক্তরশিংগী এফিসিয়েন্সী হনগৎহনবা হায়বা পান্দম থম্লি। বজেত অসিনা অসিনা সেক্তর কয়া অমদা মরু ওইবা রিফোর্মশিংগী মতাংদা পল্লি, মসিদা কমপিতিতিব ফেদরেলিজম প্রোমোত তৌনবা অমসুং শেন্মিৎলোন লেপ্তনা চাউখৎহন্নবা সেন্তর অমসুং স্তেতশিংগী মরক্তা খুৎশম্নদুনা থবক তৌমিন্নবা হায়বসিদা মরু ওইবা থমখি।

ইকোনোমিক পোলিসী ফ্রেমৱার্ক অমসুং মরু ওইবা রিফোর্মশিং

সরকার অসিনা পোত্থোক হেনগৎহনবা অমসুং মার্কেত এফিসিয়েন্সীদা অহেনবা মিৎয়েং থমদুনা লৈবাক অসিগী চাউখৎ-থৌরাংদা লমজিং-লমতাকপীনবা কমপ্রেহেন্সিব ইকোনোমিক পোলিসী ফ্রেমৱার্ক অমা শেম্লগনি। ফ্রেমঢার্ক অসিনা লেন্দ, লেবর, কেপিতল অমসুং এন্ত্রপ্রেনরশিপ য়াওনা পোত্থোক্কা মরি লৈনবা ফেক্তর খুদিমক য়েংশিল্লগনি, লোইন-লোইননা তোতেল ফেক্তর প্রোদক্তিবিতী হেনগৎহনবদা অমসুং ইনইক্বালিতী হন্থহনবদা তেক্নোলোজীনা য়াম্না মরু ওইবা থৌদাং লৌরগনি।

লমগা মরি লৈনবা রিফোর্মশিং

রুরল অমসুং অর্বান এরিয়াশিং অনিমক্তা থৌরাং তৌরিবা লমগা মরি লৈনবা রিফোর্মশিং অমসুং থবক-থৌরমশিং অদু মরু ওইবা হিরম অনিদা অহেনবা মিৎয়েং থমগনি:

(1) লেন্দ এদমিনিস্ত্রেশন, প্লানিং অমসুং মেনেজমেন্ত ফগৎহনবা অমসুং

(2) অর্বান প্লানিং, লেন্দ য়ুসেজ অমসুং বিল্দিং বাইলোশিং অপদেৎ তৌবা।

মসিগী অনৌবা থৌরাংশিং অসি মথংগী চহি অহুমগী মনুংদা লোইশিন্নবগী পান্দমগা লোইননা মতিক চাবা ফিস্কেল সপোর্তকী খুত্থাংদা ইন্সেন্তিভাইজ তৌরগনি।

রুরল রিফোর্মশিং: য়ুনিক লেন্দ পার্সেল আইদেন্তিফিকেশন নম্বর (ULPIN) নত্রগা ভু-আধার হৌদোকপা, কেদেস্ত্রেল মেপশিং দিজিতাইজেশন তৌবা, মেপ সব-দিভিজনশিং সর্ভে তৌবা, লেন্দ রেজিস্ত্রী থম্বা অমসুং লৌমীশিংগী রেজিস্ত্রীদা লিঙ্ক তৌবা।

অর্বান রিফোর্মশিং: GIS মেপ্পিং তৌদুনা অর্বান লেন্দ রেকোর্দশিংগী দিজিতাইজেশন তৌবা, প্রোপর্তী রেকোর্দ এদমিনিস্ত্রেশনগীদমক্তা ITদা য়ুমফম ওইবা সিস্তেম থম্বা, অমসুং অর্বান লোকেল বোদীশিং ফাইনান্সিয়েল পোজিশনশিং হেনগৎহনবা।

লেবরগা মরি লৈনবা রিফোর্মশিং

এমপ্লোইমেন্ত অমসুং স্কিল্লিং সর্বিসশিং য়াওনা লেবরদা মপুংফাবা সর্বিস পীনবগীদমক্তা অতোপ্পা প্লেতফোর্মশিংগা ই-শ্রম পোর্তলগা পুনশিনবা। ইনদ্স্ত্রীশিংগীদমক্তা কমপ্লায়েন্স তৌবা কোম্নবা শ্রম সুবিধা অমসুং সামাধান পোরতলশিংবু নৌনা অমুক শেমদোকপা।

ফাইনান্সিয়েল সেক্তর ভিজন অমসুং স্তেতেজী

সরকার অসিনা ফাইনান্সিয়েল সেক্তরগীদমক্তা তুংগী ভিজন উত্তুনা, সাইজ, কেপাসিতী অমসুং স্কিলশিং এদ্রেস তৌদুনা স্তরেতেজী দোক্যুমেন্ত অমা থাদোক্লগনি।

ক্লাইমেত ফাইনান্সকীদমক্তা তাক্সোনোমী: ভারতকী গ্রীন ত্রাঞ্জিশন অমসুং ক্লাইমেত কমিৎমেন্তশিং সপোর্ত তৌদুনা ক্লাইমেত এদাপ্তেশন অমসুং মিতিগেশন তৌনবগীদমক্তা কেপিতাল মরাং কাইনা লৈহন্নবা ক্লাইমেত ফাইনান্সকীদমক্তা তেক্সোনোমী অমা দেবেলপ তৌবা।

ভেরিয়েবল কেপিতল কমপনী স্ত্রকচর: ভেরিয়েবল কেপিতল কমপনী স্তরকচর অমগীদমক্তা লেজিস্লেতিবকী অয়াবা লৌরগনি, মসিনা এয়রক্রাফ অমসুং জহাজশিং লীজদা থাদোক্নবগীদমক্তা অমসুং প্ইভেত ইক্বিতী পুল্দ ফন্দশিং সপোর্ত তৌনবগীদমক্তা ফ্লেক্সিবল ওইবা ফাইনান্সিং মোদ অমা পীরগনি।

ফোরেন দাইরেক্ত ইনভেস্তমেন্ত অমসুং ওভরসীজ ইনভেস্তমেন্ত: ফোরেন ইনভেস্তমেন্তশিং ফেসিলিতেত তৌনবা, মরু ওইবা সেক্তরশিং হেন্না মরু ওইবা পীনবা  অমসুং ওভরসীজ ইনভেস্তমেন্তকীদমক্তা ইন্দিয়ন রুপী শিজিন্নবা প্রোমোত তৌনবা ফোরেন দাইরেক্ত ইনভেস্তমেন্ত (FDI) অমসুং ওভরসীজ ইনভেস্তমেন্তশিংগীদমক্তা রুলস অমসুং রেগুলেশনশিং লাইথোকহনবা।

NPS ভাতসাল্যা

NPS-ভাতসাল্যা প্লান হৌদোকপা, মসিনা পেরেন্তশিং অমসুং গার্জিয়ানশিংবু চহি শুদ্রিবা অঙাংশিগী একাউন্তশিংদা শরুক য়াবা য়াহনবা, হায়রিবা অসিনা মাইনর অদুনা চহি শুরকপা মতমদা রেগুলর NPS একাউন্তশিংদা ওইনা ওনথোকপা য়াগনি।

তেক্নোলজী শিজিন্নবা অমসুং দিজিতেলাইজেশন

হৌখিবা দেকেদ অসিদা, সরকার অসিনা শেন্মিৎলোন অসিদা প্রোদক্তিবিতী হেনগৎহন্নবা অমসুং ইনইক্বালিতী হন্থহন্নবা তেক্নোলোজীবু নিংথিজনা শিজিন্নখি। দিজিতেল ইনফ্রাস্ত্রকচরদা পব্লিক ইনভেস্তমেন্তকা প্রাইভেত সেক্তর ইনোভেশনশিংগনা মারকেত রিসোর্সশিং, এজুকেশন, হেল্থকিয়র অমসুং অতোপ্পা সর্বিসশিংদা নাগ্রিকশিংগী এক্সেস হেনগৎহল্লে, হায়রিবা অসি মরু ওইনা ময়ামদগী থোইদোক-হেন্দোক্না খুদোংচাদ্রবশিংদা কান্নবা ফংহল্লি। সরকার অশিনা তেক্নোলোজী শিজিন্নবা হেনগৎহল্লগনি, মসিনা শেন্মিৎলোনগী দিজিতেলাইজেশন হেনগৎহল্লগনি।

ইজ ওফ দুইং বিজনেস

বিজনেস রিফোর্মস এক্সন প্লানশিং অমসুং দিজিতেলাইজেশনগী পাম্বৈশিং ইমপ্লিমেন্ত তৌনবা জন বিস্বাস বিল ২.০ অমসুং ইন্সেন্তিবশিংগী মতাংদা থবক কন্না পাইখৎলি।

দেতা অমসুং স্তেতিস্তিক্স

দেতা গোবর্নেন্স অমসুং দেতা কলেক্সন , প্রোসেসিং অমসুং মেনেজমেন্তকী প্রোসেস ফগৎহন্নবা সরকারনা দিজিতেল ইন্দিয়া মিসনগী মখাদা দেবেলপ তৌখিবশিং অদু য়াওনা সেক্তোরেল দেতাবেজ কয়া অমা শিজিন্নগনি। পাইখৎলিবা থবকশিং অসিবু এদভান্স ওইরবা তেক্নোলোজিগী তুলশিংবু শিজিন্নদুনা তোঙান-তোঙানবা সেক্তরশিংদা দেতা অমসুং স্তেতিস্তিকশিং হেন্দলিং তৌববু স্ত্রীমলাইন তৌনবা অমসুং ওপ্তিমাইজ তৌনবগী পান্দম থমলি।

ন্যু পেন্সন স্কীম (NPS)

কেন্দ্রগী শেল-থুম মন্ত্রীনা হায়খি মদুদি NPSরিভ্যু তৌগদৌরিবা কমিতীনা মখোয়গী থবক্তা য়াম্না খুমাং চাউশিনখ্রে অমসুং ইচম-চম্লবা নাগ্রিকশিংবু ঙাকপী-শেনবীনবা ফিস্কেল প্রুদেন্স নিংথিনা থমদুনা মরি লৈনবা অৱাবশিং অদুবু য়েংশিন্নবা সোল্যুশন পুথোক্লগনি।

২০২৪-২৫কী বজেত এস্তিমেতশিং

চহি ২০২৪-২৫, বোরোৱিংস অমসুং অপুনবা এক্সপেন্দিচরনত্তনা অপুনবা রিসীপশিং অদু মথংশিৎনা লুপা করোর লাখ ৩২.০৭ অমসুং লুপা করোর লাখ ৪৮.২১দা এস্তিমেত তৌরি। নেত তেক্স রিসীপশিং অদু লুপা করোর লাখ ২৫.৮৩দা এস্তিমেত তৌরি অমসুং ফিস্কেল দেফিসিতনা GDPগী চাদা ৪.৯দা এস্তিমেত তৌরি।

২০২৪-২৫কী মনুংদা দেতেদ সেক্যুরিতীশিংগী খুত্থাংদা গ্রোস অমসুং নেত মার্কেত বোরোৱিং অদু মথংশিৎনা লুপা করোর লাখ ১৪.০১ অমসুং লুপা করোর লাখ ১১.৬৩দা এস্তিমেত তৌরি। ২০২১দা লাউধোকখিবা ফিস্কেল কন্সোলিদেশন পাথ না ইকোনোমী অসিবু নিংথিনা সেবা তৌখি হায়না য়াম্না মরু ওইনা পনখি অমসুং সরকার অশিনা মথংগী চহি দেফিসিত অদু চাদা ৪.৫কী মখাদা য়ৌহন্নবগী পান্দম থম্লগনি।

মসিগী মথক্তা বজেত ফিস্কেল রেস্পোন্সিবিলিতী য়াম্না মরু ওইনা লৌই, মসিনা রিফোর্মশিং অসিবু তুং-কোইনা চৎকদবা ফাইনান্সিয়েল স্ত্রকচর অমগী মনুং চন্না ইমপ্লিমেন্ত তৌহল্লগনি।

ৱারোইশিন

কেন্দ্রগী বজেত ২০২৪-২৫না নেক্স জেনরেশন রিফোর্মশিংদা মরু ওইবা থমদুনা শেনমিৎলোনদা শাহৌ পুরক্নবা অমসুং চাউখৎহন্নবা কমপ্রেহেন্সিব ওইবা প্লান অমা উৎলি। পোত্থোক হেনগৎহন্দুনা, মার্কেত এফিসিয়েন্সী হেনগৎহন্দুনা অমসুং তেক্নোলোজী শিজিন্নদুনা, সরকার অসিনা য়াম্না চাউবা অমসুং ইনক্লুসিব ওইবা ইকোনোমিক ফ্রেমৱার্ক অমা শেম্নবগী পান্দম থম্লি। লেন্দ, লেবর, ফাইআন্স অমসুং তেক্নোলোজী সেক্তরশিংদা পুরক্কনি হায়রিবা রিফোর্মশিং অসি তুং-কোইনা লিংশাং শিৎনা শাহৌ পুরক্নবা অমসুং নাগ্রিক খুদিংমক্কী য়াম্না নুংঙাই-য়াইফবা তুংলমচৎ অমা পুরক্নবগীদমক্তা দিজাইন তৌখিবনি।

 

রেফরেন্স

https://pib.gov.in/PressReleasePage.aspx?PRID=2035618

https://www.indiabudget.gov.in/doc/Budget_Speech.pdf

*****

(Release ID: 2036966) Visitor Counter : 65