புள்ளியியல் சேகரிப்பு (CoS) சட்டம், 2008, 2009-ம் ஆண்டு ஜனவரி 7, அன்று பாராளுமன்றத்தால் இயற்றப்பட்டது. இச்சட்டம் சில குறிப்பிட்ட சந்தர்ப்பங்களில் தகவல்களை வெளிப்படுத்தவும், அவற்றின் பயன்பாட்டைக் கட்டுப்படுத்தவும் வழிவகை செய்கிறது. தனிநபர்களிடமிருந்து சேகரிக்கப்படும் தகவல்கள் ரகசியமாக வைக்கப்படும் என்றும், புள்ளிவிவர நோக்கங்களுக்காக மட்டுமே பயன்படுத்தப்படும் என்றும் இந்தச் சட்டம் கூறுகிறது. ஒரு வேளை, தனிப்பட்ட தகவலை வெளியிட வேண்டிய அவசியம் ஏற்பட்டால், அது தனிநபரின் அடையாள விவரங்களை மறைத்த பின்னரே செய்யப்படும்.

மேலும், இந்திய அரசின் அறிவியல் மற்றும் தொழில்நுட்ப அமைச்சகம் உருவாக்கிய, தேசிய தரவு பகிர்வு மற்றும் அணுகல் கொள்கை, 2012-க்கு இணங்க, இந்திய அரசின் புள்ளியியல் மற்றும் திட்ட அமலாக்க அமைச்சகம்  புள்ளியியல் தரவு பரவல் குறித்த வழிகாட்டுதல்களை 2019 ஏப்ரல் 1 அன்று வெளியிட்டது.

தேசிய மாதிரி ஆய்வுகள் மூலம் அமைச்சகம் சேகரித்த தரவுகள் பகிரக்கூடியவை மற்றும் பகிர முடியாதவை என வகைப்படுத்தப்பட்டுள்ளன; இதில், தேசிய பாதுகாப்பை சமரசம் செய்யக்கூடிய தகவல்கள் / அல்லது தனிப்பட்ட தகவலறிந்தவர்கள் / நிறுவனங்களின் அடையாள விவரங்களைக் கொண்ட தரவு பகிரப்படாது. தனிப்பட்ட தகவலறிந்தவரின் அடையாளத்தை நேரடியாகவோ அல்லது மறைமுகமாகவோ வெளிப்படுத்த முயற்சிக்கும் எந்தவொரு தரவும் பகிரப்படாது.

டிஜிட்டல் தனிப்பட்ட தரவு பாதுகாப்பு (DPDP) சட்டம், 2023 11 ஆகஸ்ட், 2023 அன்று இயற்றப்பட்டது, இது டிஜிட்டல் தனிப்பட்ட தரவைப் பாதுகாப்பதற்கும், அவர்களைப் பொறுப்புக்கூற வைப்பதற்கும், அதே நேரத்தில் தரவு அதிபர்களின் உரிமைகள் மற்றும் கடமைகளை உறுதிப்படுத்துவதற்கும் தரவு நம்பகத்தன்மை கொண்டவர்களுக்கு கடமைகளை விதிக்கிறது.

மக்களவையில் இன்று கேள்வி ஒன்றுக்கு எழுத்து மூலம் அளித்த பதிலில், புள்ளியியல் மற்றும் திட்ட அமலாக்கத் துறை இணையமைச்சர் (தனிப்பொறுப்பு) திரு ராவ் இந்தர்ஜித் சிங் இந்தத் தகவலைத் தெரிவித்தார்.

******

(Release ID: 2036287)

PKV/KPG/KR