মালেমগী শীংনবশিংগী মরক্তা ইনক্লুসিব গ্রোথ অমসুং রেজিলিয়েন্সতা মীৎয়েং থম্নবা, মীৎয়েং শানবা কেন্দ্রগী বজেৎ 2024 পুথোকপগীদমক ঐহাক্না শেল-থুম মন্ত্রী নির্মলা সিতারামনবু থমোয় শেংনা থাগৎপা ফোঙদোকচরি। বজেৎ অসিনা সরকারনা ভারত মচা খুদিংমক মরু ওইনা লায়রবা, নুপীশিং, নহারোল অমদি লৌমীদা শক্তি পীনবা লেংদ্রবা ফিরেপ অদু উৎলি।

কেন্দ্রগী বজেৎ 2024 অসি চাউখৎপা অমসুং ইনক্লুসিব ওইবা ভারত অমগীদমক কম্প্রিহেন্সিব ব্ল্যুপ্রিন্ত অমনি। মসিদা ভারত মচা খুদিংমক্না মখোয়গী পান্দমশিং অমসুং মঙলানশিং থুংহন্নবা অপুনবা এস্পিরেসন অমসুং কম্মিৎমেন্ত য়াওরি। পুন্না ঐখোয়না মপাঙ্গল কনবা, স্কিল লৈবা অমসুং শক্তি লৈবা লৈবাক অমা মখা তানা শেমগৎলগনি।

স্কিল্লিং অমসুং এমপ্লোইমেন্তগী ইনিসিএতিবশিং

হন্দক্কী বজেৎ অসিনা এমপ্লোইমেন্ত, স্কিল্লিং, MSMEশিং অমসুং মিদ্দল ক্লাসকীদমক মতেং পীবা অসিগুম্বা মরুওইবা সেক্তরশিংদা প্রাইওরিতী পীদুনা মীৎয়েং শান্না য়েংবা এপ্রোচ অমগী মমি তারি। ইকায় খুম্নরবা শেল-থুম মন্ত্রী, শ্রীমতি নির্মলা সীতারমন্না প্রধান মন্ত্রীগী পেকেজ অমা হৌদোকখ্রে। মসিদা মরুওইবা স্কিম অমসুং থৌরাং মঙা য়াওরি অমসুং মসিগী পান্দমদি থবক ফংহন্নবা অমসুং স্কিল্লিংগী খুদোংচাবা কয়া ফংহনবা য়াওরি। মসিগী অচৌবা পেকেজ অসিনা লাক্কদৌরিবা চহি মঙা অসিদা নহারোল করোর 4.1দা কান্নবা পীগনি। মসিগীদমক কেন্দ্রগী লুপা করোর লাখ 2গী শেনফম থাদগনি।

মসিগী মথক্তা, বজেৎ অসিদা এজুকেসন, এমপ্লোইমেন্ত অমসুং স্কিল্লিংগীদমক্তা লুপা করোর লাখ 1.48গী অখন্নবা শেনফম থম্লে। মসিনা মরুওইবা লমশিং অসিদা সরকারগী অচেৎপা থৌদাং অদু উৎলি। চহি অসিগী বজেৎ অসিগী মরুওইবা মচাকশিংগী মরক্তগী অমা হায়রগদি এমপ্লোইমেন্ত লিঙ্ক ইন্সেন্তিব স্কিম অহুম হৌদোকপনি। হায়রিবা স্কিমশিং অসি পুন্না গ্রোথ অমসুং চাউখৎপা পুরক্নবগী মায়কৈদা মরুওইবা খোঙথাং অমনি, মরমদি মখোয় অসি ইন্সেন্তিবশিংবু থবক ফংহনবগা হকথেংননা মরী লৈনবা মওংদা শেমগৎপনি, মসিনা শেন্মিৎলোন চাউখৎপগী কান্নবশিং অসিদা পাক শন্না শরুক য়ামিন্নবা ঙমহনগনি।

স্ত্রেতেজিক এরিয়াশিং অসিদা মীৎয়েং থমদুনা, সরকারনা হৌজিক লৈরিবা থবক ফংহন্নবা শীংনবশিং থেংনবদা নত্তনা খোঙজেল য়াংনা চাউখৎলক্লিবা জোব মার্কেৎকী তঙাই ফদবা স্কিলশিংগা লোয়ননা নহারোলশিংবুসু ইক্বিপ তৌদুনা মপাঙ্গল কনবা ইকোসিস্তেম অমা শেমগৎনবা পান্দম থম্লি। থৌরাংশিং অসিনা MSME সেক্তরবু পুক্নিং থৌগৎকনি, থবক পীবা ঙম্বগী চাং হেনগৎহল্লগনি অমসুং মিদ্দল ক্লাসতা য়াম্না মথৌ তাবা মতেং পীরগনি। মসিনা লৈবাক অসিগী ইনক্লুসিব গ্রোথ অমসুং সস্তেনেবল দিবেলপমেন্ত পুরক্কনি।

স্কিম A: ফ্রেশরশিংগীদমক থা অমগী খুৎশুমল

মসিগী খোঙথাং অসিনা ফোর্মেল ৱার্কফোর্সতা য়াওরকপদা থা অমগী খুৎশুমল পীরি। মসিদা থা অমগী খুৎশুমল ( লুপা 15,000 ফাওবা) অদুগা মান্নবা ইনস্তোলমেন্তশিংদা কাইথনবা দাইরেক্ত বেনিফিৎ ত্রান্সফর (DBT) অমনা মতেং পাংলি। থা অমদা লুপা লাখ 1গী সেলরী কেপকা লোয়ননা, স্কিম অসিনা অহানবা ওইনা থবক ফংলবা নহা লাখ 210দা মতেং পাংনবা পান্দম থম্লি।

স্কিম B: মেন্যূফেকচরিংদা থবক শেমগৎপা

ফার্স্ত-তাইম এমপ্লোয়ীশিংদা তার্গেৎ তৌদুনা স্কিম অসিনা মেন্যুফেকচরিং সেক্তরদা থবক শেমগৎপদা ইনসেন্তিভাইজ তৌরি।মসিনা এমপ্লোয়ীস PF ওর্গনাইজেসন (EPFO) এমপ্লোইমেন্তগী অহানবা চহি মরিগী মনুংদা এমপ্লোয়ীশিং অমসুং এমপ্লোয়রশিং অনিমক্কী কন্ত্রিব্যুসনশিংগা মরী লৈনবা ইনসেন্তিবশিং পীদুনা ক্রিতিকেল সেক্তরদা চাউনা জোব গ্রোথ লৈহল্লি।

স্কিম C: এমপ্লোয়রশিংদা পীবা তেংবাং

সেক্তর খুদিংমক্তা নহারোল লাখ 30 অমসুং অহেনবা থবক ফংহল্লগনি হায়না পানরিবা স্কিম অসিনা এমপ্লোয়রশিংদা অহেনবা এমপ্লোয়ী অমমমগী EPFO কন্ত্রিব্যুসনগীদমক চহি অনিগী ওইনা থা খুদিংগী লুপা 3,000 ফাওবা রিইম্বর্স তৌগনি। মসিগী খোঙথাং অসিনা অপুনবা থবক পীবগী চাং হেনগৎহন্দুনা মীওই লাখ 50গী থবক পীবদা ইনসেন্তিব পীগনি।

ভারত্তা স্কিল্লিংগী স্কেল অমসুং স্পীদ লৈহনবা

• পি.এম. পেকেজকী মখাদা সেন্ত্রেল্লী স্পোন্সর স্কিম অমনা মথংগী চহি মঙাদা নহারোল লাখ 20 স্কিল লৈহনগনি
• মখোয়গী কম্প্রিহেন্সিব অপগ্রেদ অমসুং ফগৎহন্নবগী পান্দম থমদুনা চাউনা এল্লোকেসন তৌবগা লোয়নন হন্দক্কী বজেৎতা  লাউথোকখিবা অসিনা ইন্দস্ত্রিএল ত্রেনিং ইন্সতিত্যুতশিংগীদমক পুৱারী ওইরবা মীকুপ অমা ওইখি। মথংগী চহি মঙদা ITI 1000 অসি হব-এন্দ-স্পোক মোদেল অমগী খুত্থাংদা  মোদর্নাইজ তৌগনি মসি অপুনবা আউৎলে লুপা করোর 60,000না সপ্পোর্ত তৌগনি। মসিগী খোঙথাং অসিদা রাজ্যশিং অমসুং ইন্দস্ত্রীগা খুৎশম্নদুনা শেমখিবা অনৌবা সেন্ত্রেল্লি স্পোন্সর তৌরবা স্কিম অমা য়াওরি। মসিনা স্কিল্লিংগী মহৈশিং অসি অৱাংবা থাক্কী ক্বালিতী অমসুং মরী লৈনবা স্তেন্দর্দশিং ফংহনগনি। বজেৎ অসি মখাদা পীরি: ভারত সরকারদগী লুপা করোর 30,000, রাজ্য সরকারদগী লুপা করোর 20,000 অমসুং CSR ফন্দিং য়াওনা ইন্দস্ত্রীগী কন্ত্রিব্যুসনদগী লুপা করোর 10,000। অপগ্রেদ তৌবদা হান্নগী কোর্সশিং নৌনা দিজাইন তৌবা, অনৌবা কোর্সশিং হৌদোকপা অমসুং হাব ITIশিংদা শোর্ত-তর্ম প্রোগ্রামশিং পীবা য়াওগনি। মসিগীসু মথক্তা, ত্রেনিং পীনবা নেস্নেল ইন্সতিত্যুৎ মঙাগী কেপাসিতী হেনগৎহনগনি। প্রোগ্রাম অসিনা মহৈরোই লাখ 20দা কান্নবা ফংহল্লগনি। মসিনা ITI ত্রেনিংবু ইন্দস্ত্রীগী মথৌ তাবশিংগা চান্নহল্লগনি অমসুং ৱার্কফোর্স দিবেলপমেন্তকীদমক মপাঙ্গল লৈরবা লম্বী অমা শেমগনি।
• মোদেল স্কিল লোন স্কিম অসি সরকারনা প্রমোৎ তৌবা ফন্দ অমদগী গরেন্তীগা লোয়ননা লুপা লাখ 7.5 ফাওবগী লোন পীবা য়াহন্নবা শেমদোক্লগনি। মসিগী খোঙথাং অসিনা চহি খুদিংগী মহৈরোয় 25,000দা কান্নবা পীগনি হায়না পানরি।

হায়র এজুকেসন সপ্পোর্ত তৌবা

• মমসিগী মথক্তা, ঐখোয়গী নহারোলশিংগীদমক অনৌবা লম্বীশিং হাংদোক্তুনা, দোমেস্তিক ইন্সতিত্যুসনশিংদা হায়র এজুকেসনগীদমক লুপা লাখ 10 ফাওবগী শেনথুমগী তেংবাং পীনবা লাউথোকখ্রে।

মকোক থোংবা কম্পনীশিংদা ইন্তর্নশিপ তৌবা

• প্রধান মন্ত্রীগী পেকেজগী মখাদা মঙাশুবা স্কিম অসি চহি মঙাগী মনুংদা নহারোল করোর 1দা মকোক থোংবা কম্পনী 500দা ইন্তর্নশিপ পীদুনা নহারোলশিংগী থবক ফংহনবা অমসুং স্কিল দিবেলপমেন্ত হেনগৎহন্নবা স্ত্রেতেজিক ওইবা খোঙথাং অমনি। প্রোগ্রাম অসিনা থা খুদিংগী ₹5,000গী ইন্তর্নশিপ এলাউন্সেসন অমসুং ₹6,000গী ৱান-তাইম এসিস্তেন্সকা লোয়ননা থা 12গী রিএল-লাইফ বিজিনেস এক্সপোজর ফংহল্লি। শরুক য়ারিবা কম্পনীশিংনা মখোয়গী CSR ফন্দশিংদগী ত্রেনিংগী অচংমল অমসুং ইন্তর্নশিপকী 10% কবর তৌগনি।
• স্কিম অসিনা একাদমিক লৌশিং অমসুং ইন্দস্ত্রীগী মথৌ তাবশিংগী মরক্তা লৈরিবা অৱাৎপা অদু কোকহল্লি। মসিনা নহা ওইরিবা মীওইশিংদা প্রেক্তিকেল এক্সপরিয়েন্স অমসুং শেলগী তেংবাং পীদুনা শক্তি পীরি। মসিনা থবক ফংহনবগী মতিক হেনগৎহনবা, শেন্মিৎলোন চাউখৎহনবা অমসুং তুংকোইনা চৎনগদবা চাউখৎপা পুরক্নবা পান্দমশিংগী পরিং মখাদা ওইরি।

নুপীদা শক্তি পীবা

নারী শক্তি (নুপীশিংগী শক্তি) অসি মতম পুম্নমক্তা নরেন্দ্র মোদীনা লুচিংবা সরকারগী মীৎয়েংগী য়ুম্ফম অমা ওইদুনা লাক্লি। বজেৎ 2024না হোস্তেলশিং অমসুং নুপীশিংগী অখন্নবা স্কিল্লিং প্রোগ্রামশিং পাংথোক্নবা পার্তনরশিপশিং লিংখৎতুনা ৱার্কফোর্সতা নুপীশিংগী শরুক য়াবা হেনগৎহন্নবা মরুওইবা পীরি।

স্কিল কম্পোনেন্তগী অতৈ ইন্তিগ্রেসন

ক্রিতিকেল মিনরেল মিসন

ঐখোয়না বজেৎ 2024দা লাউথোকখিবা ক্রিতিকেল মিনরেল মিসন লিংখৎতুনা স্কিল লৈরবা ৱার্কফোর্স অমা শেমগৎপগী খুদোংচাবা অদু খঙলে। মিসন অসিনা ঐখোয়গী দোমেস্তিক প্রদক্সন অমসুং মরুওইবা মিনরেলশিং রিসাইকল তৌবা হেনগৎহল্লগনি, অমসুং মপানগী মরুওইবা মিনরেল এসেৎশিং ফংহনবদা মতেং ওইরগনি।

অৱাংবা থাক্কী ত্রেনিং অমসুং স্কিল দিবেলপমেন্ততা মীৎয়েং থমদুনা, ঐখোয়না মরুওইবা সেক্তর অসিদা তেক্নোলোজী দিবেলপমেন্ত অমসুং ইন্নোভেসন পুরক্নবা তঙাই ফদবা এক্সপর্তিসগা লোইননা ঐখোয়গী থবক তৌরিবা মীৎয়েং থম্লি। মিসন অসিনা মিনরেল সেক্যুরিতী লৈহনবতা নত্তনা থবক ফংহন্নবা মশিং য়াম্লবা খুদোংচাবশিংসু লৈহল্লগনি। মসিনা ইকনোমিক গ্রোথ অমসুং সস্তেনেবল দিবেলপমেন্তসু পুক্নিং থৌগৎকনি।

লেবরদা সর্ভিসেস পীবা

2024গী বজেৎতা লাউথোকখিবগী মতুং ইন্না লেবর, মরুওইনা এমপ্লোইমেন্ত অমসুং স্কিল্লিংগীদমক সর্ভিসশিং হেনগৎহন্নবা সরকারগী অচেৎপা ৱাফমসু ঐহাক্না শৌগৎপা পাম্মি। ই-শ্রম পোর্তেল অসি অতোপ্পা প্লেৎফোর্মশিংগা লোয়ননা অপুনবা ওইনা পুনশিনবনা শিন্মীশিংগীদমক ৱান-স্তোপ সোলুসন অমা পীগনি। ইনিসিএতিব অসিনা দাইনামিক লেবর মার্কেৎ, হোংলক্লিবা স্কিল মথৌ তাবশিং, অমসুং ফংলিবা থবকশিংগী থৌদাংশিং অসি কোকহন্নবা ওপন আর্কিতেকচর দেতাবেজশিং শীজিন্নগনি।

থবক থীরিবা মীওইশিংবু পোতেন্সিএল এমপ্লোয়রশিং অমসুং স্কিল প্রোভাইদরশিংগা শম্নহল্লিবা মেকানিজম অমা শেমদুনা, ঐখোয়না হেন্না ইফিসেন্ত অমসুং রেস্পোন্সিব ওইবা ৱার্কফোর্স দিবেলপমেন্ত সিস্তেম অমগী লম্বী য়াৎলি। ইনিসিএতিব অসিনা ঐখোয়গী লেবর ফোর্সতা মতেং পাংবতা নত্তনা সেক্তরশিংগী মরক্তা ইকনোমিক গ্রোথ অমসুং ইন্নোভেসনসু পুক্নিং থৌগৎলি।

ইনক্লুসিব হ্যুমেন রিসোর্স দিবেলপমেন্ত অমসুং সোসিএল জস্তিস

কেন্দ্রগী বজেৎ 2024গী প্রাইওরিতি 3না ইনক্লুসিব হ্যুমেন রিসোর্স দিবেলপমেন্ত অমসুং সোসিএল জস্তিসতা মীৎয়েং থম্লি। মসিনা ঐখোয়গী নহারোলশিংদা ত্রান্সফোর্মেতিব ইম্পেক্ত লৈহন্নবগীদমক খোঙথাং য়াৎলি। সেচুরেসন এপ্রোচ অসিনা লৌমীশিং, নহারোলশিং, নুপীশিং অমসুং লায়রবশিং য়াওনা ইলিজিবল ওইবা মীওই খুদিংমকপু মপুংফাবা এজুকেসনেল অমসুং হেল্থ প্রোগ্রামশিংগী খুত্থাংদা শক্তি লৈহনগনি। মখোয়গী কেপাসিতী হেনগৎহন্দুনা, ঐখোয়না ঐখোয়গী নহারোলশিংদা স্কিলশিং ফংহন্নবা অমসুং থবক ফংহন্নবা খুদোংচাবশিং ফংহন্নবা থোং হাংদোক্লি।

পি.এম. বিশ্বকর্মা, পি.এম. স্বানিধি, নেস্নেল লাইবলিহুদ মিসন, অমসুং স্তেন্দ-অপ ইন্দিয়া অসিনচিংবা শিন্মীশিং, আর্তিসানশিং, সেল্ফ হেল্প গ্রুপশিং, অমসুং ওন্ত্রপ্রিনোরশিংবু মতেং পাংনবা স্কিমশিং অসি মপুং ফানা পায়খৎপনা শেন্মিৎলোনগী থবক থৌরমশিংগীদমক মপাঙ্গল কনবা ইকোসিস্তেম অমা শেমগৎকনি। মসিগী মথক্তা, পুর্ভোদয় ইনিসিএতিবকী পান্দমদি নোংপোক লমদমদা মপুং ফানা চাউখৎপা পুরকপা, মরুওইনা বিহার, ঝারখন্দ, ৱেস্ত বেঙ্গল, ওদিশা অমসুং অন্ধ্র প্রদেশকুম্বা রাজ্যশিংদা কান্নবা ফংহনবনি। অমৃতসর কোলকতা ইন্দস্ত্রীএল কোরিদোরগী গায়াদা ইন্দস্ত্রীএল নোদ অমা শেমগৎপা অসিনা ইন্দস্ত্রীএল গ্রোথপু মখা তানা কেতালাইজ তৌগনি। মসিনা কলচরেল হেরিতেজগা ইকনোমিক এদভান্সকা পুনশিনগনি।

স্ত্রেতেজিক ওইবা খোঙথাংশিং অসিনা ইনক্লুসিব গ্রোথপু খুমাং চাউশিলহনবতা নত্তনা ঐখোয়গী নহারোলশিংবু মোদর্ন ইকনোমী অমদা চাউখৎনবা তঙাইফদবা স্কিলশিং অমসুং খুদোংচাবশিংসু পীরগনি।

ৱারোইশিন

ইহান হানবা ওইনা, 2024গী কেন্দ্রগী বজেৎনা ঐখোয়গী লৈবাক অসিদা থবক ফংহন্নবা অমসুং স্কিল্লিংদা প্রাইওরিতাইজিং জোব পীনবগীদমক অনৌবা খুদম অমা শেমদুনা, থবক ফংহনবদা মরী লৈনবা স্কিমশিংদা মরুওইবা মীৎয়েং থম্লি। মসিগী মরুওইবা বজেৎ অসিনা ইন্সেন্তিবশিংগা থবক ফংহন্নবা হকথেংননা মরী লৈনবা ইন্নোভেতিব এপ্রোচশিং হৌদোক্লি। মসিনা ঐখোয়গী নহারোলশিংগীদমক ইকনোমিক গ্রোথ অসি অশেংবা, মশক থোকপা খুদোংচাবশিংদা ওন্থোকহনগনি।

*****

 

(Release ID: 2036549) Visitor Counter : 5