প্রধান মন্ত্রী শ্রী নরেন্দ্র মোদীনা জুলাই ২১গী নুমিদাং পুং ৭ তাবদা নই দিল্লীগী ভারত মন্দপমদা ৱার্ল্দ হেরিতেজ কমিতীগী ৪৬শুবা মীফম হৌদোক্কনি। থৌরমদা তিল্লিবা মীয়ামদসু প্রধান মন্ত্রীনা ৱা ঙাংগনি। হৌদোকপগী থৌরমদা য়ুনেসকোগী দি.জি. সুশ্রী ঔদ্রে অজৌলেসু শরুক য়াগনি।

ভারতনা অহানবা ওইনা ৱার্ল্দ হেরিতেজ কমিতী মীফম হোস্ত তৌরি। মসি নই দিল্লীগী ভারত মন্দপমদা ২০২৪গী জুলাই ২১দগী জুলাই ৩১ ফাওবা পাংথোক্কনি। ৱার্ল্দ হেরিতেজ কমিতী মীফম অসি চহিদা অমুক্তং পাংথোকই অমসুং মসি ৱার্ল্দ হেরিতেজগা মরী লৈনবা হিরম খুদিংমক মেনেজ তৌবা অমসুং ৱার্ল্দ হেরিতেজ লিস্ততা হাপচিনগদবা সাইতশিং লেপথোকপগী থৌদাং লৌরি। মীফম অসিগী মনুংদা, ৱার্ল্দ হেরিতেজ লিস্ততা অনৌবা সাইতশিং নোমিনেত তৌবগী প্রপোজেলশিং, হৌজিক লৈরিবা ৱার্ল্দ হেরিতেজ প্রোপরতী ১২৪গী স্তেত ওফ কঞ্জারবেসন রিপোর্তশিং, ৱার্ল্দ হেরিতেজ ফন্দশিংগী ইন্তরনেস্নেল এসিসতেন্স অমসুং য়ুতিলাইজেসন অসিনচিংবা খন্ন-নৈনগনি। মীফম অসিদা লৈবাক ১৫০ হেনবদগী মীহুৎ নেস্নেল অমসুং ইন্তরনেস্নেল দেলেগেৎ ২০০০ হেনবনা শরুক য়াগনি।

ৱার্ল্দ হেরিতেজ কমিতী মীফমগা লোয়ননা ৱার্ল্দ হেরিতেজ য়ং প্রোফেস্নেলস ফোরম অমসুং ৱার্ল্দ হেরিতেজ সাইত মেনেজর্স ফোরমসু সাইদলাইনদা পাংথোক্কনি।

মখা তারকপদা, ভারতকী কলচর উৎনবা ভারত মন্দপমদা তোঙান তোঙানবা একজিবিসনশিংসু পাংথোক্কনি। রিতর্ন ওফ ত্রেজর্স একজিবিসন্না লৈবাক অসিদা অমুক হন্না পুরকখিবা রিত্রাইব অর্তিফেক্ত খরা উৎকনি। হৌজিক ফাওবদা অর্তিফেক্ত ৩৫০ হেন্না অমুক হন্না পুরকখ্রে। মখা তারকপদা, ভারতকী ৱার্ল্দ হেরিতেজ সাইত ৩ – রানি কী বাব, পাতন, গুজরাত; কৈলাসা তেম্পল, এলোরা কেবস, মহারাস্ত্র; অমসুং হোয়সলা তেম্পল, হলেবিদ, কর্নাতকাগীদমক খ্বাইদগী নৌবা এ.আর. অমসুং ভি.আর. তেক্নোলোজীশিং শিজিন্নদুনা পুক্নিং শুমহৎপা এক্সপরিয়েন্স ওফর তৌগনি। লোয়ননা, ভারতকী ইনাক খুল্লবা কলচরেল হেরিতেজ, এজ-ওল্দ সিভিলাইজেসন, জিওগ্রাফিকেল দাইবর্সিতী, তুরিজম দেস্তিনেসনশিংগা লোয়ননা ইনফোর্মেসন তেক্নোলোজী অমসুং ইনফ্রাস্ত্রকচরগী লমদা মোদর্ন দেবেলপমেন্তশিং হায়লাইত তৌনবা ‘ইনক্রেদিবল ইন্দিয়া’ একজিবিসন অমা পাংথোক্কনি।

***