বিশাখাপতনম স্তীল প্লান্ততা লৈবা নগর্জুনা সেন্তর ফোর ঐচ.আর.দি.দা ঙরাং পাঙথোকপা মীফম অমদা, শ্রী জতোথু হুসৈন, মেম্বর, নেসনেল কম্মিসন ফোর সেদ্যুল ত্রাইবস, নৈ দিল্লীনা শ্রী অতুল ভারত, সি.এম.দি., আর.আই.এন.এল., দিরেক্তর, সি.জি.এম. অমসুং আর.আই.এন.এল.গী অতৈ মকোক থোংবা ওফিসিএলশিংগা লোইননা উনখ্রে।

শ্রী জতোথু হুসৈন, মেম্বর নেসনেল কম্মিসন ফোর সেদ্যুল ত্রাইবসনা আর.আই.এন.এল.দা এস.সি. অমসুং এস.তি. ইমপ্লোইয়ীশিংগী য়াইফনবগীদমক লৌখৎলিবা থৌরাংশিংবু শিংথাখি।

শ্রী জতোথু হুসৈন, মেম্বর নেসনেল কম্মিসন ফোর সেদ্যুল ত্রাইবসনা বিশাখাপতনম স্তীল প্লান্ত (ভি.এস.পি.) এস.সি. অমসুং এস.তি. ইমপ্লোইয়ী ৱেলফিয়র এসোসিএসনগী মীহুৎশিংগা উনখি অমসুং এস.সি. অমসুং এস.তি. ইমপ্লোইয়ীশিংগী খুদোংচাদবশিংগী মতাংদা খন্নখি অমসুং ভি.এস.পি. এস.সি. অমসুং এস.তি. ইমপ্লোইয়ী ৱেলফিয়র এসোসিএসনদগী অইবা চেরোল লৌশিনখি।

অঙনবদা, স্তীল পুথোকপগী থবক অসি মকোক থোংবা ওফিসিএলশিংনা শ্রী জতোথু হুসৈন মেম্বর নেসনেল কম্মিসন ফোর সেদ্যুল ত্রাইবসকী মফমদা একজিক্যুতিব দিরেক্তর (ৱার্ক্স)তা লৈবা ভিজিতরশিংগী গেলরীদা তমখি। তুংদা, আর.আই.এন.এল.গী মকোক থোংবা ওফিসিএলশিংগা লোইননা, শ্রী জতোথু হুসৈন্না ভিশাখাপতনম স্তীল প্লান্তকী মরুওইবা পুথোকপগী য়ুনিত্তা চৎখি।

শ্রী জতোথু হুসৈন্না বিশাখাপতনম স্তীল প্লান্তকী লু নানবা, অশং অমান অমসুং তেক্নোলোজীগী ওইবা অৱাংবা থাক উবদা অপুনবা ফোংদোকখি।

মীফম অদুগী মনুংদা, শ্রী অতুল ভাত, সি.এম.দি., আর.আই.এন.এল.না মেম্বরদা, থবক্কী মায়কৈ খুদিংদা আর.আই.এন.এল.না কম্পেনী মনুংদা অমসুং মপান অনিমক্তা এস.সি. অমসুং এস.তি.গী য়াইফনবগীদমক প্রেজিদেন্সিএল দিরেক্তিবশিং থৱাই নয়াওনা ঙাক্না ইল্লি হায়না ফোঙদোকখি।

শ্রী অতুল ভাত সি.এম.দি., আর.আই.এন.এল.না হায়খি মদুদি আর.আই.এন.এল.না মতম মতমগী মতুং ইন্না নেসনেল কম্মিসন ফোর সেদ্যুল ত্রাইবসতগী লমজিং লমতাক লৌদুনা কান্নবা কয়া ফংলি হায়খি।

শ্রী অতুল ভাতনা মসিমসু হায়খি মদুদি আর.আই.এন.এল.না এস.সি. অমসুং এস.তি. ইমপ্লোইয়ী ৱেলফিয়র এসোসিএসন, মেদিকেল কেম্প, অমসুং 'মীত স্ক্রীনিং' কেম্পশিং বিশাখাপতনম জিলা (অরাকু অসিনচিংবা)গী খুঙ্গংশিংদা চাং নাইনা পাঙথোক্লি।

শ্রী অতুল ভাত সি.এম.দি., আর.আই.এন.এল.না মসিমসু হায়খি মদুদি আর.আই.এন.এল.না সেদ্যুল ত্রাইবশিংগী সোসিও একনোমিক ফগৎনবগীদমক অখনবা মওংদা হকশেল, এজুকেসন, থক্নবা ঈশিং, সেনিতেসন এনভাইরোনমেন্ত, শান্নখোৎনবা অমসুং খুঙ্গং চাউখৎথৌরাং অসিনচিংবশিংগীদমক হোৎনদুনা লাক্লি।

এস.সি. অমসুং এস.তি. ইমপ্লোইয়ীশিংগীদমক অখন্ননা 'ভারতকী সংবিধান'গুম্বা হীরমদা, নুপীশিংগে ওইনা 'নুপীশিংগী হকশেলগী চেকশিন থৌরাং'গুম্বা হীরমদা ভাপ তাহন্নবা থৌরম কয়া পাঙথোক্লি, অমসুং আর.আই.এন.এল.না এস.সি. অমসুং  এস.তি. কেন্দিদেতশিংদমক রিক্রুত্মেন্ত সেদ্যুল হেক লাউথোকপগা মেনেজমেন্ত ত্রেনী অমসুং জুনিয়র ত্রেনীগী ফ্রী কোচিং, এস.সি. অমসুং এস.তি. ইমপ্লোইয়ীশিংগী মচাশিংগীদমক 'কম্প্যুতর ত্রেনিং' প্রোগ্রামশিং পাঙথোক্লি।

মমাংদা লৈরম্বা এজেন্সী এরিয়াগী বিশাখাপতনম জিলাগী ত্রাইবেল লমশিংদা আর.আই.এন.এল.না হান্নগী বিশাখাপতনম জিল্লাগী ত্রাইবেল খুঙ্গং ৩৫দা 'জলধরা'গী মিংদা গ্রেভিতীদা য়ুম্ফম ওইবা থক্নবা ঈশিংগী সপ্লাই পীরি। চাউরাক্না ত্রাইবেল মীয়াম ১০৪৪০ রোমদা সি.এস.আর.গী থবক থৌরম অসিদগী কান্নবা ফংখ্রে অমসুং মাইনসগী অকোইবদা লৈবা খুঙ্গংশিংদা আর.ও. ঈশিং পীদুনা এস.তি. খুনাইদা কান্নবা পীরি।

আর.আই.এন.এল.দা লাইএজন ওফিসর অমগা লোইননা দিপ্যুতী জেনরেল মেনেজরগী রেঙ্কতা প্রেজিদেন্সিএল দিরেক্ততিবকী মতুং ইন্না রিক্রুত্মেন্ত অমসুং প্রোমোসন্দা কোতা য়েংশিন্নবগীদমক এস.সি. অমসুং এস.তি. সেল হাংলে অমসুং আর.আই.এন.এল.গী এস.সি. অমসুং এস.তি. ইমপ্লোইয়ীশিংগী মচাশিংদা প্রোফেসনেল কোর্স পীনবগীদমক 'দা. বি.আর. অম্বেদকর মেরিত রিকগনিসন' লিংখৎখ্রে।

শ্রী এ.কে. বাগচি, দিরেক্তর (প্রোজেক্ত) অমসুং এদিসনেল চার্জ দিরেক্তর (ওপরেসন), দা. এস.সি. পান্দে, দিরেক্তর (পার্সনেল), শ্রী সি.ঐচ এস.আর.ভি.জি.কে. গনেশ, দিরেক্তর (ফাইনান্স), শ্রী জি.ভি.এন. প্রসাদ, দিরেক্তর (কম্মর্সিএল), সি.জি.এম.শিং, মকোক থোংবা ওফিসিএলশিংসু মেম্বর নেসনেল কম্মিসন ফোর সেদ্যুল ত্রাইবস (এন.সি.এস.তি.)গা লোইননা ৱারী শানবা অদুদা শরুক য়াখি।

***