کل (20.7.2024) وشاکھاپٹنم اسٹیل پلانٹ کے مرکز برائے ایچ آر ڈی میں ناگ ارجن میں منعقدہ میٹنگ میں، جناب جاتوتھو حسین، ركن نیشنل کمیشن برائے درجِ فہرست قبائل نے جناب اتل بھٹ، سی ایم ڈی، آر آئی این ایل، ڈائریکٹرز، سی جی ایمز اور دیگر سینئر حکام کے ساتھ بات چیت کی۔

رکن قومی کمیشن برائے درجِ فہرست قبائل جناب جاتوتھو حسین نے آر آئی این ایل کے ایس سی اینڈ ایس ٹی ملازمین کی فلاح و بہبود کے لیے کام کرنے میں آر آئی این ایل انتظامیہ کی مسلسل کوششوں کی تعریف کی۔

رکن قومی کمیشن برائے درجِ فہرست قبائل جناب جاتوتھو حسین نے بھی وشاکھاپٹنم اسٹیل پلانٹ کے ایس سی اینڈ ایس ٹی ایمپلائز ویلفیئر ایسوسی ایشن کے نمائندوں سے بھی بات چیت کی اور ایس سی اینڈ ایس ٹی ملازمین کے مسائل پر تبادلہ خیال کیا اور وی ایس پی ایس سی اینڈ ایس ٹی ایمپلائز ویلفیئر ایسوسی ایشن سے میمورنڈم وصول کیا۔

قبل ازیں ایگزیکٹو ڈائریکٹر (ورکس) کی عمارت میں واقع وزیٹر گیلری میں اسٹیل بنانے کے عمل کے بارے میں سینئر عہدیداروں نے رکن قومی کمیشن برائے درجِ فہرست قبائل جناب جاتوتھو حسین کو آگاہی دی۔ بعد میں آر آئی این ایل کے سینئر عہدیداروں کے ساتھ جناب جاتوتھو حسین نے وشاکھاپٹنم اسٹیل پلانٹ کے اہم پیداواری یونٹس کا دورہ کیا۔

جناب جاتوتھو حسین نے وشاکھاپٹنم اسٹیل پلانٹ کی صفائی، ہریالی اور تکنیکی جھلکیوں پر اطمینان کا اظہار کیا۔

میٹنگ کے دوران جناب اتل بھٹ، سی ایم ڈی، آر آئی این ایل نے ممبر کو بتایا کہ آر آئی این ایل سرگرمیوں کے ہر شعبے میں  کمپنی کے اندر اور آس پاس کی کمیونٹیز دونوں میں ایس سی اینڈ ایس ٹی کی بہبود کے لیے صدارتی ہدایات پر عمل کرنے کے لیے پرعزم ہے۔

جناب اتل بھٹ، سی ایم ڈی، آر آئی این ایل نے کہا کہ وقتاً فوقتاً قومی کمیشن برائے درج فہرست قبائل کی رہنمائی سے آر آئی این ایل کو بہت فائدہ ہوتا ہے۔

جناب اتل بھٹ نے یہ بھی بتایا کہ آر آئی این ایل وشاکھاپٹنم ضلع (اراکو وغیرہ) کے قبائلی دیہاتوں میں ایس سی اینڈ ایس ٹی ایمپلائز ویلفیئر ایسوسی ایشن، میڈیکل کیمپس اور ’آئی اسکریننگ‘ کیمپوں کے لیے باقاعدگی سے بیداری کے پروگرام منعقد کر رہا ہے۔

جناب اتل بھٹ سی ایم ڈی آر آئی این ایل نے یہ بھی بتایا کہ آر آئی این ایل درج فہرست قبائل کی سماجی و اقتصادی ترقی کے لیے خاص طور پر صحت، تعلیم، پینے کے پانی کی صفائی کے ماحول، کھیل اور دیہی ترقی وغیرہ کے شعبے میں بھی نمایاں تعاون کر رہا ہے۔

بیداری کے مختلف پروگرام خاص طور پر ایس سی اینڈ ایس ٹی ملازمین کے لیے 'ہندوستان کا آئین' جیسے موضوعات پر، خواتین کے لیے 'خواتین کی صحت کی دیکھ بھال' پر منعقد کیے جاتے ہیں۔ جب بھی بھرتی کا شیڈول ہوتا ہے  درج فہرست امیدواروں کے لیے مینجمنٹ ٹرینیز اور جونیئر ٹرینیز کی بھرتی کے لیے مفت کوچنگ بھی فراہم کرتا ہے ۔

خاص طور پر ایجنسی کے علاقے میں سابقہ ​​وشاکھاپٹنم ضلع کے قبائلی علاقوں میں، آر آءی این ایل نے سابقہ ​​وشاکھاپٹنم ضلع کے 35 قبائلی دیہاتوں کو 'جلادھارا' کے نام سے کشش ثقل پر مبنی پینے کے پانی کی فراہمی فراہم کی۔ اس سی ایس آر سرگرمی سے تقریباً 10,440 قبائلی آبادی مستفید ہوئی ہے اور كانوں کے آس پاس کے دیہاتوں میں آع او واٹر پلانٹ بھی لگایا ہے جس سے قبائلی  برادریوں کو فائدہ پہنچا ہے۔

صدارتی ہدایات کے مطابق بھرتیوں اور ترقیوں میں ریزرویشن کی نگرانی کے لیے ڈپٹی جنرل منیجر کے عہدے پر رابطہ افسر کے ساتھ آر آئی این ایل میں ایک خصوصی SC&ST سیل قائم کیا گیا ہے اور آر آئی این ایل نے درج فہرست ذات و قباءل کے بچوں کے لیے پیشہ ورانہ کورسز کے حصول کے لیے 'ڈاکٹر بی آر امبیڈکر میرٹ ریکگنیشن' قائم کیا ہے۔

جناب اے کے باگچی، ڈائریکٹر (پروجیکٹس) اور اضافی چارج ڈائریکٹر (آپریشنز)، ڈاکٹر ایس سی پانڈے، ڈائریکٹر (پرسنل)، جناب سی ایچ ایس آر وی جی کے گنیش، ڈائریکٹر (فنانس)، جناب جی وی این پرساد، ڈائریکٹر (کمرشل)، سی جی ایمز، سینئر افسران نے بھی رکن قومی کمیشن برائے درج فہرست قبائل  کے ساتھ بات چیت میں حصہ لیا۔

*****

ش ح۔رف۔س ا

U.No:8501