محکمہ حیوانات اور ڈیری (ڈی اے ایچ ڈی)، ماہی پروری، حیوانات اور دودھ کی پیداوار کی وزارت، حکومت ہند اور میزبان ریاست اوڈیشہ نے اڈیشہ، مغربی بنگال، بہار، چھتیس گڑھ اور جھارکھنڈ ریاستوں کے ڈسٹرکٹ نوڈل آفیسروں (ایس این او/ڈی این او) کے لیے سافٹ ویئر (موبائل اور ویب ایپلی کیشن/ڈیش بورڈ) اور نسلوں پر 21ویں مویشی شماری کی علاقائی ٹریننگ کا انعقاد کیا۔ یہ ورکشاپ آج پوری، اڈیشہ میں منعقد کی گئی تاکہ ان ریاستوں کے ریاستی/ضلعی نوڈل افسران کو 21ویں مویشی شماری کے انعقاد کے لیے نئے شروع کیے گئے موبائل اور ویب اپلی کیشن پر تربیت دی جا سکے جو کہ ستمبرتا دسمبر 2024 کے دوران مقرر کیا گیا ہے۔

ورکشاپ کا افتتاح مہمان خصوصی پروفیسر ایس پی سنگھ بگھیل، حکومت ہندکے وزیرمملکت برائے ماہی پروری، مویشی پروری اور ڈیری نےجناب گوکلانند ملک، وزیر مملکت، ایف اینڈ اے آر ڈی، حکومت اوڈیشہ، رکن پارلیمنٹ جناب سنیل کمار موہنتی، ممبر قانون ساز اسمبلی، پوری، جناب سریش کمار وشیشٹھا، پرنسپل سکریٹری، اے ایچ اینڈ وی ایس، حکومت اوڈیشہ، ڈاکٹر بی پی مشرا، ڈائریکٹر، آئی سی اے آر-این بی اے جی آر، شری جگت ہزاریکا، مشیر (شماریات)، محکمہ حیوانات اور ڈیری، حکومت ہند، اورجناب راماشیس ہزارا، ڈائریکٹر، حیوانات اور ویٹرنری سائنس، اوڈیشہ کی موجودگی میں کیا۔

وزیر مملکت پروفیسر ایس پی سنگھ نے ورکشاپ سے خطاب کیا اور نچلی سطح پر جامع تربیت اور صلاحیت سازی کی ضرورت پر روشنی ڈالی۔ انہوں نے اس بات پر روشنی ڈالتے ہوئے کہ اوڈیشہ اور مغربی بنگال میں ہندوستان میں مویشیوں کی سب سے زیادہ تعداد ہے، ہندوستان کی معیشت اور غذائی تحفظ کے لئے مویشیوں کے شعبے کی اہمیت پر زور دیا۔ انہوں نے مویشی شماری کی محتاط منصوبہ بندی اور اس پر عملدرآمد پر زور دیا، اس بات پر زور دیتے ہوئے کہ اکٹھا کیا گیا ڈیٹا مستقبل کے اقدامات کی تشکیل اور اس شعبے میں درپیش چیلنجوں سے نمٹنے میں اہم کردار ادا کرے گا۔

محترمہ الکا اپادھیائے نے ورچوئل طریقے سے 21ویں مویشی شماری کے لیے اپنی نیک تمناؤں کا اظہار کیا  اور مبارکباد پیش کی۔ انہوں نے ہندوستانی معیشت پر لائیواسٹاک سیکٹر کے اثرات اور مویشیوں کے شعبے کی پیداوار کی عالمی تجارت کے لحاظ سے ہندوستان کی پوزیشن کے بارے میں اپنے خیالات کا اشتراک کیا۔

جناب گوکولانند ملک نے لائیواسٹاک کے شعبے میں پائیدار طریقوں کے انضمام پر زور دیا۔ انہوں نے نشاندہی کی کہ مویشیوں کی شماری کے بعد حاصل ہونے والے اعداد و شمار کا تجزیہ اور منطقی استعمال مستقبل کی محکمانہ پالیسیاں بنانے اور پروگراموں پر عمل درآمد کی راہ ہموار کرے گا، ساتھ ہی نئی اسکیمیں تشکیل دینے اور مویشی کسانوں کے فائدے کے لیے مویشیوں کے شعبے میں روزگار کے مواقع پیدا ہوں گے۔

اپنے خطاب میں،جناب سریش کمار وششٹھ نے مویشیوں کو دولت اور اثاثوں کے برابر قرار دیا، جسے عام طور پر "پشودھن" کہا جاتا ہے انہوں نے حال ہی میں اپنے محکمہ کا نام بدل کر اینیمل ریسورس ڈویلپمنٹ رکھنے پر بھی زور دیا تاکہ انسانی وسائل کی ترقی کے مساوی اس کی اہمیت کو ظاہر کیا جا سکے۔ انہوں نے اڈیشہ حکومت کی طرف سے بہار سے دودھ کی پیداوار میں بہترین طریقوں کو اپنانے پر روشنی ڈالی اور بتایا کہ کس طرح مویشی کسانوں کی مالیاتی بااختیار بنانے میں تعاون کرتے ہیں، ان کی نقدی کی ضروریات کو مؤثر طریقے سے پورا کرتے ہیں۔انسانی وسائل کی ترقی کے برابر۔ انہوں نے اڈیشہ حکومت کی طرف سے بہار سے دودھ کی پیداوار میں بہترین طریقوں کو اپنانے پر روشنی ڈالی اور بتایا کہ کس طرح مویشی کسانوں کی مالیاتی بااختیار بنانے میں تعاون کرتے ہیں، ان کی نقدی کی ضروریات کو مؤثر طریقے سے پورا کرتے ہیں۔ انہوں نے محکمہ حیوانات اور ڈیری (ڈی اے ایچ ڈی ) کی طرف سے تیار کردہ جدید ترین ٹیکنالوجیز جیسے کہ جنس کے مطابق سیمن کے استعمال کے بارے میں بھی بات کی۔ انہوں نے تمام ریاستوں کے مندوبین کا پرتپاک خیرمقدم کیا اور ان کی  کامیاب تربیتی سیشن کے لیے نیک خواہشات کا اظہار کیا۔

جناب جگت ہزاریکا، مشیر (شماریات)، محکمہ حیوانات اور ڈیری، نے اپنے خطاب میں اس ورکشاپ کی اہمیت پر روشنی ڈالی، اور درست اور موثر ڈیٹا اکٹھا کرنے کے لیے ٹکنالوجی سے فائدہ اٹھانے کے محکمے کے عزم پر زور دیا۔ انہوں نے 21ویں  مویشی شماری کی کامیابی کو یقینی بنانے کے لیے تمام شراکت داروں کی اجتماعی ذمہ داری پر زور دیا، جو کہ حیوانات کے شعبے کی مستقبل کی پالیسیوں اور پروگراموں کی تشکیل میں اہم کردار ادا کرے گی اور ان پر زور دیا کہ وہ جدید ترین ٹیکنالوجی سے استفادہ کریں تاکہ اس کی کامیابی کو یقینی بنایا جا سکے۔

اس ورکشاپ میں نشستوں کا ایک سلسلہ پیش کیا گیا جس کا آغاز 21ویں مویشی شماری کی ایک مختصر تفصیل کے ساتھ ہوا جس کا آغاز حیوانات کے شماریات ڈویژن کی طرف سے ہوا، جس کے بعد جناب بی پی مشرا اور آئی سی اے آر-نیشنل بیورو آف اینیمل جینیٹک ریسورسز (این بی اے جی آر) کی اس ٹیم کی جانب سے مویشی  شماری میں شامل ہونے والی نسلوں کی تفصیلات پر  تفصیلی پریزنٹیشن دی گئی۔  نسل کی درست شناخت کی اہمیت پر زور دیا گیا، جو کہ لائیو سٹاک سیکٹر کے مختلف پروگراموں اور پائیدار ترقیاتی اہداف (ایس ڈی جی) کے نیشنل انڈیکیٹر فریم ورک (این آئی ایف) کے لیے درست اعدادوشمار تیار کرنے کے لیے اہم ہے۔

ورکشاپ میں 21ویں مویشی شماری کے سافٹ وئیر کے طریقہ کار اور لائیو اپلی کیشن کے بارے میں تفصیلی سیشن شامل تھے جو حکومت کے محکمہ حیوانات اور ڈیری کی سافٹ ویئر ٹیم کے ذریعہ تیار کیے گئے تھے۔ ہندوستان کے ریاستی اور ضلعی نوڈل افسران کے لیے موبائل ایپلی کیشن اور ڈیش بورڈ سافٹ ویئر پر تربیت دی گئی۔ یہ نوڈل افسران اپنے متعلقہ ڈسٹرکٹ ہیڈ کوارٹروں میں شمار کنندگان کے لیے تربیت کا انعقاد کریں گے۔

جناب وی پی سنگھ، محکمہ حیوانات اور ڈیری کے محکمہ حیوانات کے شماریات ڈویژن کے ڈائریکٹر نے تمام معززین اور شراکت داروں کی موجودگی پران کا  شکریہ ادا کیا اور اس امید کے ساتھ اختتام کیا کہ مویشی  شماری کی کارروائی کامیاب ہوگی۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ت ع(

8496