امدادِ باہمی اور شہری ہوا بازی کے مرکزی وزیر مملکت جناب مرلی دھر موہول ، ہفتہ، 20 جولائی 2024 کو پونے میں وے کُنٹھ مہتا نیشنل انسٹی ٹیوٹ آف کوآپریٹو مینجمنٹ (وامنی کام) کے پی جی ڈپلومہ ان مینجمنٹ-ایگری بزنس مینجمنٹ (پی جی ڈی ایم – اے بی ایم) کے 30ویں بیچ کے سالانہ جلسہ تقسیم اسناد میں مہمان خصوصی ہوں گے۔ جلسہ تقسیم اسناد میں 14 ریاستوں کی 39 یونیورسٹیوں کے 9 مختلف زرعی اور زراعت سے متعلق شعبوں کے 90 سے زیادہ طلباء پی جی ڈپلومہ ان مینجمنٹ - ایگری بزنس مینجمنٹ کی ڈگری حاصل کریں گے۔ ان طلباء میں 30 سے ​​زائد لڑکیاں شامل ہیں۔

وزیر اعظم جناب نریندر مودی کی قیادت میں اور مرکزی وزیر داخلہ اور تعاون کے وزیر جناب امیت شاہ کی رہنمائی میں تعاون کی وزارت کے اقدامات اور تعاون نے کوآپریٹو سیکٹر کے طلباء کے لیے معروف کوآپریٹو تنظیموں میں تقرریوں کی سہولت فراہم کرنے میں اہم کردار ادا کیا ہے۔ وامنی کام کا تعلیمی پروگرام نوجوانوں کو کوآپریٹو سیکٹر میں پیشہ ورانہ طور پر قابل بنانے میں اہم کردار ادا کر رہا ہے جو وزارت تعاون کے وژن "سہکار سے سمردھی" کے عین مطابق ہے۔

وامنی کام پہلے ہی اپنے تمام طلباء کے لیے 100فیصد  تقرریوں کا اعلان کر چکا ہے۔ انسٹی ٹیوٹ کے پوسٹ گریجویٹ طلباء زرعی کاروبار اور کوآپریٹو سیکٹر میں اہم کردار ادا کرنے کے لیے انتظامی علم اور مہارتیں حاصل کرتے ہیں۔ ان طلباء کے لیے اوسطاً 9. 12 لاکھ روپئے کا سالانہ پیکیج ہے۔ مختلف شعبوں سے تعلق رکھنے والی معروف کمپنیوں نے طلباء کو روزگار کی پیشکش کی تھی۔ ان میں اشیاء کے زمرے میں امول، افکو، نیشنل ایگریکلچر کوآپریٹو مارکیٹنگ فیڈریشن آف انڈیا (نیفیڈ)، نیشنل کوآپریٹو کنزیومر فیڈریشن آف انڈیا لمیٹڈ (این سی سی ایف)، آرچر ڈینیئلس مڈلینڈ کمپنی (اے ڈی ایم) اور لوئس ڈریفس کمپنی (ایل ڈی سی) ، لمیٹڈ بینکنگ میں آئی سی آئی سی آئی بینک ، مائیکرو فائننس میں آئی ڈی بی آئی بینک لمیٹڈ، آر بی ایل بینک لمیٹڈ، نودھان کیپٹل،  ان پٹ سیکٹر میں سومی تومو متسوئی فائننشل گروپ (ایم ایم ایف جی)، سرواگرام فن کیئر، ای ایس اے ایف  اسمال فائننس بینک، بی ایف آئی ایل، اور ٹاٹا ریلیز، ڈی سی ایم شری رام، دھنوکا، دیپک فرٹیلائزرس  شامل ہیں۔

وے کُنٹھ مہتا نیشنل انسٹی ٹیوٹ آف کوآپریٹو مینجمنٹ دو سالہ فل ٹائم رہائشی پوسٹ گریجویٹ ڈپلومہ ان مینجمنٹ - ایگری بزنس مینجمنٹ (پی جی ڈی ایم – اے بی ایم) پروگرام پیش کرتا ہے۔ پی جی ڈی ایم – اے بی ایم پروگرام کو نیشنل بورڈ آف ایکریڈیٹیشن، نئی دہلی سے منظوری حاصل ہے۔ اسے آل انڈیا کونسل فار ٹیکنیکل ایجوکیشن (اے آئی سی ٹی ای)، نئی دہلی اور ایسوسی ایشن آف انڈین یونیورسٹیز نے ایم بی اے ڈگری کے مساوی تسلیم کیا ہے۔

**********

(ش ح –ا ب ن۔ م ف)

U.No:8475