দীনদয়াল অন্ত্যোদয় য়োজনা – নেস্নেল রুরেল লাইবলিহুদ মিসন (DAY-NRLM)না য়ুনাইতেদ স্তেৎস এজেন্সী ফোর ইন্তর্নেস্নেল দিবেলপমেন্ত (USAID) অমসুং  ইন্দস্ত্রীঈ ফাউন্দেসনগা লোয়ননা খুৎশম্নদুনা বেম্বু ফার্মিংগী খুত্থাংদা সস্তেনেবল ওইবা খুঙ্গংগী হিংনবগী লম্বীশিং, নুপীদা শক্তি পীবা অমসুং ক্লাইমেৎ রেজিলিএন্স প্রমোৎ তৌনবা ঙরাং ‘নেস্নেল সিম্পোজিয়ম ওন বোম্বু’ পাঙথোকখি।

সিম্পোজিয়ম অসিনা তঙাই ফদবা লৌশিং অমসুং প্রেক্তিসশিংগা লোয়ননা স্মোল হোল্দর ৱুমেন ফার্মরশিং ইক্বিপ তৌনবা রিজনেল লোল তরেৎতা ফংবা ভারতকী অহানবা কম্প্রিহেন্সিব হেন্দবুক ওন বেম্বু কলতিবেসন অমা পুথোকখ্রে। খুঙ্গং চাউখৎ-থৌরাং মন্ত্রালয়গী এদিস্নেল সেক্রেতরী, শ্রী চরঞ্জিৎ সিংহ অমসুং USAIDগী এক্তিং মিসন দিরেক্তর এলেকজেন্দ্রিয়া হ্যুএর্তানা নুপী স্মোলহোল্দর ফার্মরশিংগীদমক রিএল-তাইম দেতা সপ্পোর্ত পীনবা দিজিতেল তুল অমা ওইরিবা UGAO এপসু লোঞ্চ তৌখি।এপ অসিনা ৱাগী পোত্থোক্কী দিমান্দ অমসুং এক্সপোর্ত পোতেন্সিএল হেনগৎহননবা ফোরেস্ত স্তেৱার্দশিপ কাউন্সিল (FSC) সর্তিফিকেসনগীদমক ত্রেস তৌবা য়াবা সপ্লাই চেন অমা শেমগৎপদসু মতেং পাংগনি।

থৌরম অদুদা, এদিস্নেল সেক্রেতরী শ্রী চরঞ্জিৎ সিংহনা হায়খি মদুদি ৱা থাবা অসিনা অকোয়বগী ফিভম ঙাক-শেনবদা মতেং পাংদুনা পুন্সি মহিং ফগৎহন্নবগী তোপ তোপ্পা খুদোংচাবা অমা পীরি। প্রোগ্রাম অসিনা খুঙ্গংগী নুপীশিংদা শক্তি পীনবা অমসুং সস্তেনেবল দিবেলপমেন্ত প্রমোৎ তৌনবা, ক্লাইমেৎ মিতিগেসন অমসুং রেসিলিয়েন্সতা খুমাং চাউশিলহন্দুনা তুং কোইনা চৎকদবা শেন্মিৎলোনগী খুদোংচাবশিং শেমগৎনবা ঐখোয়গী অচেৎপা ফিরেপ অদুগী খুদম অমনি।

USAIDগী এক্তিং মিসন দিরেক্তর এলেকজেন্দ্রিয়া হ্যুএর্তানা হায়খি মদুদি জেন্দরগা মরী লৈনবা থোং মান্নদবশিং কোকহনবা অমসুং লোকেল ওইনা লুচিংবা চাউখৎ-থৌরাং পুরকপা অসি USAID গী মালেমগী স্ত্রাতেজীগী মরুওইবা শরুক্নি। USAIDগী পাৱর প্রোজেক্ত অসিনা নুপীশিংদা শক্তি পীনবা অমসুং NRLMগী খুত্থাংদা পাকথোক চাউথোকহন্দুনা মাই পাকপা, লোকেল ওইনা লুচিংবা, মহৌশাগী ওইবা ক্লাইমেৎ সোলুসন অমা ফংহনবদা ঐহাক নুংঙাইবা ফাওই।

খুঙ্গং চাউখৎ-থৌরাং মন্ত্রালয়গী রুরেল লাইবলিহুদসকী জোইন্ত সেক্রেতরী শ্রীমতী. স্বাতী শর্মানা হায়খি মদুদি ৱা থাবগী খুত্থাংদা খুঙ্গংগী নুপীশিংদা শক্তি পীনবা অসি সস্তেনেবল লাইবলিহুদ অমসুং ইনক্লুসিব গ্রোথ প্রমোৎ তৌবগী ঐখোয়গী মিসনগা চান্নৈ। প্রোগ্রাম অসিনা শেন্মিৎলোনগী খুদোংচাবশিং পীবতা নত্তনা অকোইবগী ফিভম লেংদনা লৈহনবদা মতেং পাংই। ঐখোয়না থাজৈ মদুদি খোংথাং অসিনা লৈবাক শীনবা থুংনা খুঙ্গংগী চাউখৎ-থৌরাং অমসুং নুপীশিংগী শক্তি লৈহন্নবা মোদেল অমা ওইগনি।"

ইন্দস্ত্রী ফাউন্দেসনগী কো-ফাউন্দর, নীলম ছিবরনা হায়খি মদুদি ৱা থাবনা খুঙ্গংগী শেন্মিৎলোনদা অহোংবা পুরক্নবা অমসুং মশিং য়াম্লবা নুপীশিংগী পুন্সি ফগৎহন্নবা অচৌবা পোতেন্সিএল লৈ। ঐখোয়না কর্নাতকা অমসুং মহারাস্ত্রগী লৌমী 5,500 গীদমক মরিশুবা চহিদগী হৌরগা অমসুং য়ামদ্রবদা চহি নিফুগী ওইনা লেপ্পা লৈতবা শেন্দোং ফংহন্নবা ফাউন্দেসন শেম্লে। ঐখোয়গী অপুনবা হোৎনবশিংগী খুত্থাংদা, ঐখোয়না নুপীশিং অসিদা মখোয়গী মায় পাক্নবগীদমক মথৌ তাবা স্কিল, রিসোর্স অমসুং মার্কেৎ এক্সেস ফংহন্নবা পান্দম থম্লি।

সিম্পোজিয়ম অসিনা তোঙান-তোঙানবা ইন্দস্ত্রীশিংদা তুং কোইনা চৎনবা য়াবা অতোপ্পা পাম্বৈ অমা ওইনা বাম্বুগী পোতেন্সিএল অদু মরুওইনা পনখি। মসিগী পান্দমদি পুন্সি মহিং হেনগৎহনবা অমসুং অকোইবগী ফিভম ঙাক-শেন্নবা অমসুং তুং কোইনা চৎনবা য়াবা চাউখৎ-থৌরাংগী পান্দমশিংদা মশক থোক্না মতেং পাংবা হায়বসিনি।

দীনদয়াল অন্ত্যোদয়া য়োজনাগী পান্দমদি খুঙ্গংগী নুপী মিলিয়ন অমা 'লাখপতি দিদি' (চহিগী ওইনা লুপা 100,000গী মথক্তা ফংলিবা নুপীশিং) ওইহন্নবা পান্দম থম্লি। মসিনা বেম্বু ফার্মিংগী খুত্থাংদা ভারত শিনবা থুংনা শেন্মিৎলোনগী মনিংতম্বা অমসুং তুংকোইনা চৎনগদবা চাউখৎপা পুরক্কনি।

ইন্দস্ত্রী ফাউন্দেসনগা DAY-NRLMগা খুৎশম্নবা অসিনা ইন্দস্ত্রীনা রাজ্য অহুমদা পায়খৎলিবা USAID গী প্রদ্যুসর-ওন ৱুমেন ইন্তর্প্রাইজেস (POWER) প্রোজেক্তকী মায় পাকপগী মখা পোল্লি। মসিনা নুপী 10,000 হেন্না নুপীশিংনা মপু ওইবা ইন্তর্প্রাইজেস 37 অমসুং লৌমীগী পোত্থোক পুথোকপগী কাংলুপশিংদা পুনশিনখ্রে। হায়রিবা নুপী প্রদ্যুসরশিং অসিনা হৌখিবা চহি মঙা অসিদা মার্কেত ওর্দর দোল্লর মিলিয়ন 3 হেন্না ফংহনখ্রে। মসিগী মায় পাক্লবা মোদেল অসি স্তেত রুরেল লাইবলিহুদস মিসনগা খুৎশম্নদুনা লৈবাক শীনবা থুংনা পাকথোক চাউথোকহল্লগনি।

*****