হাই লেভেল পোলিতিকেল ফোরম 2024গী ওফিসিএল সাইদ ইভেন্ত ওইনা জুলাই 17, 2024দা পাংথোকপা ‘দেসিফরিং দি ইন্তর্লিঙ্কেজ ওফ ক্লাইমেত চেঞ্জ, হঙ্গর অমসুং পোভর্তী’গী মতাংদা পাংথোকপা অৱাংবা থাক্কী পোলিসী দাইলোগতা এদিস্নেল সেক্রেতরী (সোসিএল জস্তিস অমসুং ইম্পাৱর্মেন্ত), শ্রী অমিত ঘোসনা ৱা ঙাঙখ্রে। থৌরম অসি ইন্দিয়া ৱাতর ফাউন্দেসন্না শিনবনি অমসুং ভারত সরকারগী সোসিএল জস্তিস মন্ত্রালয়, জল শক্তি মন্ত্রালয়, জাপান দিভেলপমেন্ত কোওপরেসন এজেন্সী (জে.আই.সি.এ.) অমসুং গ্লোবেল এল্লাইএন্স ফোর ে সস্তেনেবল প্লানেত (জি.এ.এস.পি.)না শৌগৎপনি।

থৌরম অসিনা গোল 1 (লাইরবা লৈহন্দবা) অমসুং গোল 2 (চাবা ৱাৎহন্দবা) অসিদা ক্লাইমেতনা অপনবা পীবগী মতৌগা লোয়ননা অপনবশিং য়েংশিনবগী থৌওং উৎলি। থৌরম অসিগী পান্দমদি ক্লাইমেত এক্সন পাংথোকপা, লাইরবা হন্থহনবা অমসুং চাবা থকপা ৱাৎহন্দবগী মতৌবু মরী লৈনহন্দুনা অওনবা অমা পুরক্নবা অফবা খুদোংচাবা অমা পীনবা নৈনবনি। থৌরম অসিনা লাইরবা অমসুং চাবা ফংদবগী মতৌ হন্থহনবগা লোয়ননা ক্লাইমেত এক্সনগী থবক খুমাং চাউশিলহন্দুনা তুংলমচৎকী লম্বী অমা পীবদা ইথিল পীনবগীদমক্তা মালেমদা চৎনীগবরা থবক থৌরমশিং মশক খঙদোকপদা মরু ওইনা মিৎয়েং চঙগনি।

শ্রী ঘোসনা মহাক্কী ৱারোলদা ইন্দিয়া ৱাতর ফাউন্দেসনগী প্রসিদেন্ত, দাঃ অর্বিন্দ কুমারগী মতাংদা অখন্ননা পল্লদুনা মহাক্কী মিৎয়েং, লুচিং থৌদাং অমসুং লেপ্তনা হোৎনবগী মতৌনা পনখৈ নত্রগা দেমোগ্রাফীগী ঙমখৈ লৈতবা শিংনবা কয়া মাইয়োক্নবদা মালেম্না খোঙফম চেৎলিবশিং মশক খঙদোকপদা অচৌবা থৌদাং লৌখি হায়না মখা তাখি। মখা তারকপা ওইনা, ৱর্ল্দ হেল্থ ওর্গনাইজেসন (দবল্যু.ঐচ.ও.)গী দাইরেক্তর জেনেরেল, দাঃ তেদ্রোস অধানোম ঘেব্রেয়েসসনা দাঃ অর্বিন্দ কুমার অমসুং ইন্দিয়া ৱাতর ফাউন্দেসনবু মসিগুম্বা মরু ওইবা দাইলোগ পাংথোকপা অমসুং এস.দি.জি.শিংগী মরক্তা লৈনরিবা মরী খঙহনবগীদমক্তা থাগৎপা ফোংদোকখি।

থৌরম অসিগী অতোপ্পা ৱাঙাংলোইশিংগী মনুংদা য়ু.এন. ফুদ সীস্তেম্স কোওর্দিনেসন হবকী নেস্নেল পাথৱে কোওর্দিনেতর, শ্রী সভান্তে হেল্মস; সস্তেনেবল সোসিওইকোনোমিক ত্রান্সফোর্মেসন সেক্সন য়ু.এন. ই.এস.সি.এ.পি.গী চীফ, দাঃ কতিঙ্কা ৱেনবর্গর; গ্লোবেল এল্লাইএন্স ফোর এ সস্তেনেবল প্লানেতকী সেক্রেতরী জেনেরেল, দাঃ সত্যা ত্রিপাথী; ইন্সতিত্যুত ফোর স্তদীজ ইন ইন্দস্ত্রীএল দিভেলপমেন্তকী দাইরেক্তর, দাঃ নাগেশ কুমার; জাপান ইন্তর্নেস্নেল কোওপরেসন এজেন্সীগী দাইরেক্তর জেনেরেল, শ্রী কাতসুও মতসুমোতো; এফ.এ.ও.গী লেন্দ এন্দ ৱাতর দিবিজনগী সেনিয়র লেন্দ এন্দ ৱাতর ওফিসর, শ্রী রুহিজা বোরোতো য়াওরি।

***