ক্বান্তম ওপ্তিকেল লেবোরেতরীশিংদা য়াম্না মরু ওইবা পোৎলম অমা ওইরিবা মলতি-চেন্নেল, ত্যুনেবল লেজর সীস্তেম তেক্নোলোজী অমা ভারত মশাগী লৈরগনি অমসুং মসিদি সাইন্স অমসুং তেক্নোলোজী বিভাগকী ওতোনোমস ইন্সতিত্যুত অমা ওইরিবা রমন রিসর্চ ইন্সতিত্যুতকী স্পিনওফ কম্পেনী অমনা শাবনি। মসিগুম্বা ইন্দিজিনিয়স প্লেতফোর্ম অসিনা ক্বান্তম ওপ্তিকেল লেবকী অচঙবা শেনফম হন্থহনগনি অমসুং হিদাং লাংথক, রিমোত সেন্সিং, জিও মেপ্পিং অমসুং স্পেসকী লমদা শিজিন্নবা য়াগনি।

ক্বান্তম ওপ্তিক্স লেবোরেতরীগী ময়োল খুদিংদা মদুগী হাই প্রিসিজন লেজর সীস্তেম লৈরিবনি। অদুবু, মখোয়গী মমল য়াম্না তাঙবনা কত্তিং এজ রিসর্চ পাংথোকপা অমসুং ক্বান্তম তেক্নোলোজীদা য়ুম্ফম ওইবা ইন্দস্ত্রীএল এপ্লিকেসন শেম্বদা খুদোংচাদবা অমা ওইহল্লি।

ক্বান্তম ইনেবল্দ তেক্নোলোজী এপ্লিকেসন অমসুং ইন্দস্ত্রীএল য়ুজস্তা মথৌ তাবা প্রিসিজন লেজর সীস্তেমগী তেক্নোলোজী পুথোকখিবা আর.আর.আই.গী মফমদা নেক্সএতম রিসর্চ অমসুং ইন্সত্রুমেন্তকী লাইসেন্স পীখ্রে অমসুং মসিনা আর.আর.আই.গী অহানবা স্পিনওফ কম্পেনী ওইরে। স্পিনওফ কম্পেনী অসিনা মলতি-চেন্নেল, ত্যুনেবল লেজর সীস্তেম তেক্নোলোজী প্লেতফোর্ম অথুবা মতমদা শাবা হৌরগনি। আর.আর.আই.না ‘ফ্রিক্বেন্সী ত্যুনেবিলিতী অমসুং প্রিসিজন কন্ত্রোল য়াওবা স্তেন্দেলোন লেজর সীস্তেম’গী প্রোবিজনেল ইন্দিয়ন পেতেন্ত ফাইল তৌখ্রে।

ভারতনা মমাংগী চহিদা লুপা করোর 6000গী মিৎয়েং শাল্লবা নেস্নেল ক্বান্তম মিসন (এন.ক্যু.এম.) হৌদোকখ্রবনি। তুংগী মতমদা ক্বান্তম বেজ তেক্নোলোজী সোল্যুসন নীংথিনা পীবা ঙমহনবা ইকোসীস্তেম অমা শেম্বগী মায়কৈদা আর.আর.আই.না থৌদাং য়াদুনা লাক্লিবনি।

এক্সতর্নেল কেবিতী দাইওদ লেজর (ই.সি.দি.এল.) কৌবা ত্যুনেবল লেজর অসিদি রিসর্চ অমসুং তেক্নোলোজী লেবশিংদা ক্বান্তম সীস্তেম শিজিন্ননবা য়াম্না প্রিসাইজ ওইবা স্পেক্ত্রোস্কোপিক খুৎলায় অমনি। মসিগুম্বা ত্যুনেবল লেজর সীস্তেম অসি ক্বান্তম কম্ম্যুনিকেসন, ক্বান্তম তেক্নোলোজী, ক্বান্তম সীস্তেম অমসুং মেত্রোলোজীগী সোল্যুসন পুরকপদা শিজিন্নগনি অমসুং হায়রিবশিং অসি দি.এস.তি.-লেদ এন.ক্যু.এম.গী মপুং ওইবা থীম ঙাক্তনি।

নেক্সএতম ত্যুনেবল লেজর সীস্তেমগী থবক অসি ইং 2017দগী হৌখিবনি, অমসুং মতমদু লেজরগী কন্ত্রোল ইলেক্ত্রোনিক্স তেক্নোলোজীনা এনালোগতগী দিজিতেলদা ওনবগী মতম্নি।

“লেজর দাইওদকী মেকানিকেল এসেমব্লী তীক তৌদুনা অমসুং ফিচর হেনগৎহন্নবা তঙাই ফদবা রি-প্রোগ্রাম তৌবগী থৌওং পাংথোক্তুনা ঐখোয়গী সীস্তেম অসি এন্দ-য়ুজরগী তঙাই ফদবশিংগী মখা পোন্না চুনবা মওংদা শেমদোকপা য়াই। মসিনা হিদাক লাংথক, রিমোত সেন্সিং, জিও মেপ্পিং, স্পেস অমসুং মেরিন নেভিগেসনগী এপ্লিকেসন কয়া অমা পীরি। লোয়ননা, ওকজিল্লরী সীস্তেম অমসুং ইন্সত্রুমেন্ত লৈবদা অহেনবা শেনফমগী মথৌ তারিবা অসি নেক্সএতম লেজর সীস্তেম্না কনবা ঙমগনি”, স্পিনওফ কম্পেনীগী সীস্তেম দিজাইন এক্সপর্ত অমসুং ফাউন্দর, সুবোধ বশিস্তনা হায়খি।

নেক্সএতমফী লেজর সীস্তেম অসি মপুং ওইবা পেকেজ অমা নত্ত্রগা সব-সীস্তেম অমা ওইনা লৈবা য়াগনি অমসুং মসিনা শেল চঙবা য়াম্না হন্থহনগনি।

স্পিনওফ কম্পেনী অসিগী মসিগুম্বা খোঙচৎ অসিগী মতেংদগী আর.আর.আই. অমসুং নেক্সএতম্না ভারত্তা ওন্তোপ্রিনর্শিপ খুমাং চাউশিলহনবগী মায়কৈ ওইনা ক্বান্তম দোমেন্দা থবক তৌরিবা একাদমিয়া কয়াগী তেমপ্লেত অমা শেম্বা পাম্লি, আর.আর.আই.গী লাইত অমসুং মেত্তর গ্রুপকী প্রোফেসর, সদিক রংৱালানা হায়খি।

“লৈবাক অসিগী হাই-এন্দ সাইন্তিফিক ইকোসীস্তেম অমা শেম্বদা মসিগী খোঙথাং অসিনা তেংবাংলি। ফ্যুচর কমপ্লাইএন্ত প্রোতোতাইপ লেজর সীস্তেম অমা শেম্বা হায়বসি চাউখৎলক্কদৌরিবা এন.ক্যু.এম.দা তেংবাংবগী মপুং ওইবা য়ুম্বী অমা ওইরি”, কম্পেনী অসিগী প্রিন্সিপাল তেক্নিকেল এদভাইজরশু ওইরিবা প্রোফেসর রংৱালানা হায়খি।

আর.আর.আই.গী ক্বান্তম ইন্তরেক্সন (ক্বাইন্ত) লেবতা চত্থদুনা লাক্লিবা থবক অমসুং দিকেদ অনি হেনবগী মতমদা দোমেন অসিদা য়াম্লবা এক্সপেরেইন্স ফংলিবা অসিনা কম্পেনী অসিগী মপাঙ্গল ওইরি। লোয়ননা, লেব অসিনা একাদমিয়াগী মপান্দা লৈবা য়ুজরশিংদা হাই-ক্বালিতী ওইবগা লোয়ননা শেল চঙদবা খুদোংচাবা কয়া পীবগী পান্দম থম্লি।

“ঐখোয়গী লেবনা ক্বান্তম সীস্তেমশিংগী মরক্তা মরী লৈনহন্দুনা থবক তৌবগী মলতি-দিসিপ্লিনরী এপ্রোচ অসিনা মরম ওইরগা তোঙান-তোঙানবা প্রদক্ত কয়া পুথোকপা ঙমহল্লি। হায়রিবা প্রদক্তশিং অসিবু লেব অসিনা মরোমদোম লেপচবা হেন্না ঙমহল্লি অমসুং ক্বান্তম ফিজিক্সতা রিসর্চ হেন্না পাংথোকপশু ঙমহল্লি”, প্রোফেসর রংৱালানা হায়খি।

নেক্সেতমগী প্রিসিজন ত্যুনেবল লেজর সীস্তেম অসি নত্তবা অতোপ্পা প্রদক্তশিংদি – ক্বান্তম এপ্লিকেসন্দা সিঙ্গল ফোতোন ইভেন্ত মশিং থীনবা শিজিন্নবা প্রিসিজন তাইম ত্রেক্কর; পল্স লেজর এপ্লিকেসন কয়াগী অলত্রা-ফাস্ত সীদ ফাইবর; ক্যু. স্বিৎচ ফাইবর অমসুং মেতল 3D প্রিন্তিংদা অয়াম্বা মতমদা শিজিন্নবা দাইওদ লেজর অমসুং অতোপ্পা প্রদক্তশিংনি।

ভারতনা এন.ক্যু.এম.গী খুত্থাংদা ‘ক্বান্তম লীপ’ অমা চোংনবা শেম শারিবা অসিদা, ক্বান্তম তেক্নোলোজীগী পান্দম কয়া ফংবা ঙমহন্নবগীদমক্তা কস্তমাইজ লেজর অমসুং মরী লৈনবা খুৎলায় কয়াগী ইকোসীস্তেম অমা শেম্বগী মথৌ তারক্কনি। অরোয়বদা, মসিনা ইন্দিজিনিয়স ক্বান্তম তেক্নোলোজীদা য়ুম্ফম ওইবা ৱারোইশিন কয়া পুথোক্নবগীদমক্তা স্কিল লৈবা মশিং য়াম্লবা মীওই কয়াগী মথৌ তারক্কনি হায়না সুবোধনা মখা তাখি।

“ঐখোয়না ক্বালিতী লৈবা অমসুং থাজবা য়াবা লেজর সীস্তেম শেম্নবগীদমক্তা স্কিল লৈবা ইঞ্জিনিয়র অমসুং পি.ঐচ.দি. কয়াগী মথৌ তাগনি, মখোয় পুম্নমক ইন্তরদিসিপ্লিনরী ইনভাইরনমেন্ত অমগী মনুংদা থবক তৌবা ঙম্বা তাবনি”, প্রোফেসর রংৱালানা হায়খি।

(https://www.nexatom.in/home)

লেজর কন্ত্রোল্লর : পুম্নমক দিজিতেল ওইবা, রি-কনফ্যুগর তৌবা য়াবা তু-চেন্নেল ই.সি.দি.এল. কন্ত্রোল্লরগী লেব প্রোতোতাইপ।

লেজর দাইওদ : হাউজিং লেজর দাইওদকী নীংথিনা কনফ্যুগর তৌবা য়াবা, ওল-ইন-ৱান, ফ্লেক্স বেজ মেকানিকেল ই.সি.দি.এল. মাউন্ত।

*****