এনিমেল হজবেন্দরী অমসুং দেরিয়িং বিভাগনা এভেয়ান ইনফ্লুএঞ্জাগী মতাংদা অৱাংবা থাক্কী ব্রেনস্তোর্মিং সেসন অমা পাঙথোকখি, মসিদা হকশেল অমগী খোংথাং মখাদা সর্ভিলেন্স অমসুং তিকা থাদোকপগী মতাংদা মীৎয়েং থমদুনা খন্নখি। মীফম অসি ঙরাং কৃশি ভাবন্দা পাঙথোকখি অমসুং এনিমেল হজবেন্দরী অমসুং দেরিয়িং বিভাগকী সেক্রেতরী শ্রীমতি অল্কা উপাধ্যয়না ময়াই তাঙবল লৌখি। থৌরম অদুদা তোঙান-তোঙানবা ওফিসর অমসুং অখঙ অহৈশিংনা শরুক য়াখি।

হেল্থ রিসর্চ বিভাগকী সেক্রেতরী অমসুং ইন্দিয়ন কাউন্সিল ওব মেদিকেল রিসর্চ (আই.সি.এম.আর.)গী দিরেক্তর জেনরেল দা. রজিব বালনা হকশেল অমগী মিসনগী কন্তেক্স শেমখি। শরুক য়ারিবশিং অদুদা আই.সি.এম.আর. হেদক্বার্তর, আই.সি.এম.আর.-এন.আই.ভি. পুনে, সি.এস.আই.আর.-সেন্তর ফোর সেল অমসুং মোলিক্যুলার বাইওলোজী (সি.সি.এম.বি.), নেসনেল সেন্তর ফোর দিজিস কন্ত্রোল, আই.সি.এ.আর.-এন.আই.ঐচ.এস.এ.দি. ভোপাল, আই.সি.এ.আর.-নিভেদি বেঙ্গলোরদগী অখঙ অহৈশিং অমসুং এনভাইরোন্মেন্ত, ফোরেস্ত অমসুং ক্লাইমেত চেঞ্জগী মন্ত্রালয়, বাইওতেক্নোলোজী বিভাগ, দি.এম. সেল, হকশেল অমসুং য়াইফ য়ুম্বাল মন্ত্রালয় অমসুং এনিমেল হজবেন্দরী অমসুং দেরিয়িং বিভাগ (দি.এ.ঐচ.দি.)দগী মীহুৎশিংনা শরুক য়াখি।

ভারতকী পোলত্রী সেক্তরনা মগুন ৱাংবা প্রোতিনগী সোর্স অমা পীদুনা ফুদ সেক্যুরিতীদা মরুওইবা থৌদাং অমা লৌরি। মসিনা মরুওইনা খুঙ্গংগী মফমশিংদা ন্যুত্রিসনেল সেক্যুরিতী পীরি অমসুং হিংনবগী লম্বী পীরি। হৌখিবা চহি তরারোম অসিদা ৭-১০% গী চাংদা চাউখৎলক্লিবা সেক্তর অসিনা লল্লোন ইতীক অমসুং এক্সপোর্ততা ফগৎহন্দুনা লৈবাক অসিগী শেন্মিৎলোন চাউখৎপদা মতেং পাংলি। অদুমওইনমক, হায়লি পেত্রোজেনিক এভিয়ান ইনফ্লুএঞ্জা (ঐচ.পি.এ.আই.) থোকপনা মরম ওইদুনা মসিগী শক্তিদা অমসুং মপান্দা থাদোকপদা অকায়বা পীরি।

হায়লি পেথোজেনিক এভিয়ান ইনফ্লুএঞ্জা (ঐচ.পি.এ.আই.) ঐচ৫ সবতাইপ ভাইরস অসিনা নীংথিনা ইস্তাব্লিস তৌরবা জেনেতিক লিনেজ থোকপগা লোইননা বাইওলোজিকেল ওইনা হৌরক্লি অমসুং মফম কয়াদা শন্দোক্লি। হন্দক য়ু.এস.এ.দা লৈবা শা শনশিংদা ঐচ.পি.এ.আই. শন্দোক্লকপনা অতোপ্পা মখোম থোকপা শাশিংদসু শন্দোক্কনি, ঐচ.পি.এ.আই.গী লাইচৎ ওইনা শন্দোকপা য়াবগী অকিবা লৈরি। অসিগুম্বা ফিভম অসিদা হকশেল অমগী খোঙথাং তঙাইফদবা লাকপগা লোইননা, অপুনবা অমসুং মপুং ওইবা খোঙথাংদা মীওইবা, শা শনশিং অমসুং অকোইবগী হকশেল পুনশিনবগী তঙাইফদবা লৈ। মীফম অসিনা মীওইবগী হকশেল, এনিমেল হজবেন্দরী, অমসুং লম্লক্কী শাগী সেক্তরদগী হৌজিক লৈরিবা সর্ভিলেন্স প্রোতোকোল অমসুং ইভিয়ান ইনফ্লুএঞ্জা শন্দোকপগী রেস্পোন্স মেকানিজমশিং পুখৎলদুনা মপুং ওইবা প্রেজেন্তেসন অমা পুখৎনখি। অকোইবগী সর্ভিলেন্স অমসুং হৌজিক লৈরিবা প্রোতোকোলশিং ফগৎহনবগী তঙাইফদবগী মতাংদা খন্নখি।

অখঙ অহৈশিংনা এগজোতিক অমসুং এভিয়ান ইনফ্লুএঞ্জাগুম্বা জূনোতিক ওইবা লায়নাশিংদগী শেম শানবা অকনবা ৱান হেল্থ কোওর্দিনেসনগী তঙাইফদবগী মতাংদা খন্নখি। মীওইবশিং, শা অমসুং লম্লক্কী শা শনশিংগী মরক্তা এক্তিব সর্ভিলেন্স ফগৎহনবা, অমসুং ক্রোস-সেক্তরেল জোইন্ত রেস্পোন্স তীম (আর.আর.তি.) থাদোক্তুনা ইন্তর্ফেস ওইবা মফমশিংদা সর্ভিলেন্স ফগৎহন্নবা মীৎয়েং থমখি।

ইনফ্লুএঞ্জা এ/ঐচ৫ ভাইরস অসি পোলত্রী অমসুং লম্লক্কী উচেকশিংগী মরক্তা মাইগ্রেতরী লম্বীশিংদা শন্দোক্লি। মাইগ্রেতরী ওইবা উচেকশিংগী লম্বী ওইবা ভারতকী ফিভম অসি য়েংদুনা, নিংথম থাগী মতমদা ঈশিং লৈবা মফমশিংদা মাইগ্রেতরী উচেকশিংগী সর্ভিলেন্সতা হেন্না ফগৎনবা খোঙথাং লৌখৎতুনা ঙন্না ৱার্নিং পীনবা অমসুং লাইনা লাকশিন্নবা হোৎনগদবনি। অচোৎপা কৈথেল, ঈশিং লৈবা মফমশিং, অমোৎপা ঈশিং, শা হাৎফম অমসুং য়েন ঙানু য়োকপা মফমশিংদা শেল চঙদবা পাম্বৈশিং শীজিন্নদুনা অকোইবগী সর্ভিলেন্সকী এস.ও.পি. শেমগৎনবগী অখন্ননা খন্ননৈনখি। কোবিদ অমসুং পোলিও ভাইরসকেদমক অরেম্বা ঈশিং স্ক্রীনিং তৌবদগী ফংলকপনা সি.সি.এম.বি., আই.সি.এম.আর. অমসুং এন.আই.ভি.না হীরম অসিদা রিসর্চ তৌবা হৌখি অমসুং মশক থোকপা ফল লাকখি।

মালেম পুম্বদা ফংলিবা ঐচ.পি.এ.আই. তিকাশিং অসিনা স্তেরেল ইম্ম্যুনিতী নৎত্রগা স্ত্রেন খুদিংমক্তগী ১০০% ওইবা কান্নবা পীবা ঙমদ্রি। তিকাশিং অসিনা পার্সিএল ইম্ম্যুনিতী পীরি, লাইনাগী শাথিবগী চাং হন্থহল্লি অমসুং ভাইরেল শেদিং পীরি অদুবু মপুং ফানা ইনফেক্সন ঙাকথোকপদি ঙমদ্রি। তিকা কাপল্বা উচেকশিংনা লাইওং অমত্তা উত্তনা ভাইরস পুরি, মসিনা সর্ভিলেন্স অমসুং শন্দোকপা খঙদোকপদা অরুবা ওইহল্লি। অসিগুম্বা পার্সিএল ইম্ম্যুনিতী অসিনা ভেক্সিন-রেসিস্তেন্স স্ত্রেনশিং থোকহনবা ঙম্মি। অসিগুম্বা ফিভম অসিদা পোলত্রী সেক্তরশিংদা থোক্লিবা অকনবা বাইওসেক্যুরিতী অমসুং চত্থোক চৎশিন থিংবদা লৈরিবা অরুবা ফিভমশিং অসিদা অখঙ অহৈশিংনা হৌজিক লৈরিবা সর্ভিলেন্সকী থৌরাং অমসুং তিকা য়াওদনা ক্যুলিং তৌবগী থবক অসি মখা চত্থনবা ফোঙদোকখি। অদুমওইনমক, মীওইবা অমসুং য়েন ঙানুশিংগী তিকাগী অৱাংবা থাক্কী রিসর্চ তৌবা তঙাইফদবা লৈবগী মতাংদা পুখৎনখি। লো-পেথোজেনিক এভিয়ান ইনফ্লুএঞ্জা (এল.পি.এ.আই.-ঐচ৯এন২)দগী ঙাকথোকপা ভেক্সিন তেক্নোলোজী কমর্সিএলাইজ তৌবা মাঙজৌননা হৌখ্রবা আই.সি.এ.আর.-নিহসাদ, ভোপালনা ঐচ.পি.এ.আই.গী মাইয়োক্তা তিকা পুথোকপদা অচৌবা খোঙথাং অমা থাংজিনখ্রে। আই.সি.এম.আর.না মীওইবনা শীজিন্ননবা এভিয়ান ফ্লু ঙাকথোক্নবা সেল কলচরদা য়ুম্ফম ওইবা তিকাগী প্লান্নিং হৌখ্রে।

অসিগুম্বা ব্রেনস্তোর্মিং সেসন অসিনা এভিয়ান ইনফ্লুএঞ্জা লাকশিন্নবগী অপুনবা অমসুং মপুং ওইবা থবক লৌখৎনবগী মশক থোকপা খোঙথাং অমা পুথোকখি। হকশেল অমগী খোঙথাংগা লোইননা এনিমেল হজবেন্দরী অমসুং দেরিয়িং বিভাগনা এভেয়ান ইনফ্লুএঞ্জা অমসুং জূনোতিক ওইবা লাইনাশিংগী শাফুশিং ঙাকথোক্নবগীদমক সর্ভিলেন্স, রেস্পোন্স মেকানিজম, অমসুং তিকা শেম্নবা পান্দম থম্লি।

***************